YESAYA 43:5 - KITTA' MATANGKASA'

⁵ Teako mallakki, saba' iNakke alla'langiko. Battu lau' siagang battu raya Kusuroi ana' cucunnu battu asse're.

YESAYA 43:5 Referans Kwoze

PAOLE 30:3

laNakamaseang mako Karaeng Allata'alanu. LaNaerangko ammotere' battu ri bansa-bansa nupammantangngia nipasisa'la'-sa'la', nampa nipa'jari salewangangko ammotere' ri katallassannu.

LUKAS 13:29

Lania'mi taua battu iraya siagang battu ilau', kammayatompa battu wara' siagang battu timboro' la'rannu-rannu lalang ri Lino BeruNa Allata'ala.

YESAYA 49:12

Battu bellai ummakKu para battu, battu wara', battu lau' siagang battu ri kota Sinim bageang timboro'.”

YESAYA 44:2

INakke Batara ampa'jariako, amparekko baku' lalannu ri pammanakkanga, siagang antulungko. Teako mallakki, ikaumi atangKu, ummakKu Kupilea siagang Kukamaseanga.

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

ZAKHARIA 8:7

LaKupasalamaki ummakKu battu ri sikamma pa'rasangang le'baka napammantangngi ke'nanga nialle,

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 41:8

Mingka ikau, he Israel, atangKu, umma' Kupilea, ikau turunganna Abraham, sahabakKu.

PAMMUJI 106:47

Kipasalamaki ikambe, o Karaeng Allata'alana ikambe, Kipa'rappungi ikambe battu ri alla'na bansa-bansaya, sollanna akkulle ikambe appala' sukkuru' siagang mammuji ri areng matangkasatTa.

YOHANES 10:16

Nia' ija gimbala' maraeng, iNakke todong pata, mingka tantamayapi ri pa'rappunganna anne gimbalaka. Musti Kuerang tongi ke'nanga battu na lanapilangngeri todong sa'rangKu. La'jari sipa'rappungang ngasengi ke'nanga na se're pakalawaki napa'jului.

MIKHA 2:12

Nakana pole Batara, “He umma' Israel niaka ija tassesa! Ma'nassa laKupa'rappungko siagang Kupasse'reko rapang gimbala' ammotereka mae ri barana. Rapang parang ruku' rassia siagang gimbala', kamma tomminjo pa'rasangannu larassi siagang tau jai.

PAMMUJI 107:3

Le'ba' mako Napa'rappungang battu pa'rasangang-pa'rasangang maraeng, battu raya siagang ilau', battu wara' siagang timboro'.

YESAYA 8:10

Apparekko rancana, mingka tena nia' anjari. Angngalle mako kaputusang, mingka tena matu-matunna, saba' ikambe Narurungangki' Allata'alana ikambe.

YESAYA 41:9

Kualleko battu ri cappa'-cappa' linoa, Kukiokko battu ri tampa'-tampa' bellaya. Kukana, ‘Ikaumi atangKu; taKutollakai bate pileKu.’

YESAYA 43:1

He, Israel, kammaminne kananNa Batara, “INakkemi ampa'jariko siagang amparekko, teako mallakki, mattantu Kupasalamakko! Le'ba' mako Kukio' situru' arennu, iNakke ampatangko.

YESAYA 49:18

Ciniki siagang parhatikangi niaka ri tammulilinu, a'rappungammi ra'ya'nu battu mae ri kau. Lanri iNakke, Allata'ala mattallasaka, Kukana, tojeng, lalompoi pa'mai'nu lanri pandudu'nu, rapang bunting baine lompoa pa'mai'na lanri belo-belona.

YESAYA 54:3

Lapila' katambangi luara'nu mae ri kanang siagang mae ri kairi, pandudu'nu lanaempoi buttana bansa-bansaya siagang lanapammantangngi kota-kota sinoa kamma-kamma anne.

YESAYA 54:7

“Sinampe' dudujA' ambokoiko; Kukamaseang duduko siagang Kualleko ammotere'.

YESAYA 61:9

Jari-jarinu lamasahoroki ri kere-keremae, a'la'bangi niasseng ri alla'na sikontu bansaya. Na sikontu tau ancinikai lanamangakui, angkanaya Kubarakkaki anne bansaya.”

YEREMIA 23:8

passangalinna lanri iNakke, Allata'ala mattallasaka, angngerangai umma' Israel assulu' battu ri se'reang pa'rasangang ri bageang wara', siagang battu ri sikontu pa'rasangang maraeng tampa'na ke'nanga le'ba' Kupasiara'. Lammantangi ke'nanga ri butta passolongang cera'na.”

YEREMIA 29:14

Tojeng, lanubuntulukKa'. LaKupasse'reko battu ri tangnga-tangngana tunggala' bansaya siagang battu ri pa'rasangang tampa'nu nipasisa'la'-sala' nipela'. LaKuerangko ammotere' mange ri pa'rasangang kabattuannu anne, siagang laKupakabajiki ammotere' katallassannu. INakke, Batara, anne akkana.’

YEREMIA 42:11

Teako mallakki mae ri anjo karaeng Babel. NiakKa' ri tangnga-tangnganu untu' antulungko siagang allappassangko battu ri kakoasanna.

YEREMIA 51:46

Teako mallakki yareka teako lussakki lanri sikamma kabara'-kabara' nulangngereka. Tunggala' taung tassiaraki kabara' simmara'-maraenga – nia' kabara' kapallakkang ilalang pa'rasangang siagang ri sesena karaeng-karaeng a'bunduka ri se'rea mae ri maraenga.

YO"EL 3:7

Kamma-kamma anne laKuerangi assulu' battu ri tampa'na ke'nanga nubalukang, siagang laKubalasaki kaja'dallannu mae ri ke'nanga.

YEREMIA 3:18

Lasse'rei Israel siagang Yehuda, nasiagang battu ri butta pammelakkanga, battu wara'. Lammotereki ke'nanga mange ri pa'rasangang le'baka Kupassareang a'jari butta pisaka mae ri boe-boenu.”

YEREMIA 23:7

Lanarapiki sallang wattunna, natenamo nalassumpa taua lalang arengKu, Allata'ala mattallasaka, angngerangai umma' Israel assulu' battu ri Mesir,