YESAYA 43:19 - KITTA' MATANGKASA'

¹⁹ Parhatikangi, nia' apa beru Kugaukang; anne kamma appakkaramulami, tenaka nuciniki? LapparekKa' oloang ri parang lompoa, siagang binanga-binanga ri parang luaraka.

YESAYA 43:19 Referans Kwoze

YESAYA 48:6

Sikontu apa Kutappua, nulangngereka battu ri Nakke, kajariammi; musti numangakui angkanaya kammatojengi kanangKu. Kamma-kamma anne KupauangKo siapa are passala' beru, rahasia-rahasia tenayapa nuassengi.

YESAYA 42:9

Kamma-kamma anne apa le'baka Kutappu riolo kajariammi; erokKa' pole ampabattui passala' berua; ri tenanapa nakajariang anjo, Kupau riolomi mae ri kau.”

2 KORINTUS 5:17

Inai-nai ampakase'remi kalenna mae ri KalenNa Almasi, a'jarimi tau le'ba' niberui taba sikali tallasa'na. Tenami apa-apa salloa ri kalenna, lanri le'ba' ngasemmi niberui.

PAPPICINI' 21:5

Nampa Nakanamo anjo niaka ammempo irate ri empoang kala'biranga, “Kamma-kamma anne Kupa'jari beru ngasemmi sikontu apa-apa niaka!” Nakana pole ri nakke, “Tulisiki anne, nasaba' sikamma anne kana-kanaya sangnging kana tojeng siagang siratangi nipatappa'.”

YESAYA 41:18

Kupasolongi je'neka battu ri bulu'-bulu' a'gondoloka; lassuluki je'neka battu ri timbuseng je'neka ri tangnga-tangngana lapparaka. Parang lompoa laKupa'jari kollang; lassuluki je'neka battu ri butta kalotoroka.

YEREMIA 31:22

Siapapi sallonu tuli ranggasela, he bansa tenaya namajarre' ri Nakke? Appa'jariMa' apa beru ri lino, apa appakalannasaka – rapang baine nila'langngi ri bura'ne.”

KALAPPASSANG 17:6

LammentengA' ri dallekannu irate ri se'reang batu lompo ri Moncong Sinai. Tunrungi anjo batua, nampa lassulu' je'neka battu ri anjo batua sollanna akkulle anjo taua angnginung.” Nagaukammi Musa anjo kammaya nisa'bi ri sikamma pamimpinna tu Israel.

PAOLE 8:15

Napimpingko Batara ammalo ri parang lompoa siagang hebaka, jaia ulara' a'racung siagang olo'-olo' akkullea ammuno. Ri butta kalotoroka tenaya je'ne'na Napassolongi je'neka battu lalang ri batua, sollannu akkulle angnginung sa'gennu bassoro'.

PAMMUJI 105:41

Nareppeki moncong batua, nampa assulu' je'neka assolong sangkamma je'ne' ri parang lompoa.

PAMMILANGNGANG 20:11

Nampa naangka' Musa anjo takkanga na natunrung pinruang anjo bulu' batua. Jari assolong sarrimmi je'neka battu ri anjo batua, sa'genna akkulle ngasemmo angnginung taua siagang olo'-oloka.

PAMMUJI 126:4

O, Batara, pammollei katallassanna ikambe, sanrapang binanga kalotoro' kaboneang pole je'ne' ri wattu bosina.

YESAYA 30:25

Ri allo nitammulilina tembo'-tembo' pattahanganna sikamma musunnu siagang nibuno sikamma taunna, sikamma monconga siagang buluka lappasuluki siapa are jaina kaloro'.

YESAYA 32:2

Yangasenna ke'nanga lamassing la'jari rapang tampa' pa'la'langngang battu ri anging siagang barubua. Rapangi ke'nanga binanga a'lo'loroka ri parang kassika, rapang pa'la'langang batu lompo ri butta kalotoroka.

YESAYA 33:21

LaNapappicinikangi Batara kala'biranNa mae ri katte. Lattallasakki' ri biring binanga luaraka, tenaya nakkulle nasombali musua.

YESAYA 35:1

Parang lompoa siagang butta kalotoroka larannui, bunga-bungaya lata'bakkaraki ri parang luaraka.

YESAYA 41:19

Parang lompoa laKulamungi poko' camara, poko' zaitun, poko' mura', siagang poko' akasia. Parang luaraka laKupa'jari romang, romang eru, berangang, siagang camara.

YESAYA 49:10

Tena nalaturere yareka cipuru' ke'nanga, siagang talanitujuai ri bambang allo ri parang lompoa. Saba' iNakke ansayangi ke'nanga, lanrurungangi ke'nanga, siagang langngerangi ke'nanga mange ri sikamma timbuseng je'neka.

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

YEREMIA 23:7

Lanarapiki sallang wattunna, natenamo nalassumpa taua lalang arengKu, Allata'ala mattallasaka, angngerangai umma' Israel assulu' battu ri Mesir,

YESAYA 48:5

Jari battu riolo iji naKutappu memang; ri tenanapa nakajariang, le'ba' memammi Kupau; sollanna tena nanungkana, angkanaya anjo panggaukanna patung-patung barhalanu.

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”