YESAYA 43:15 - KITTA' MATANGKASA'

¹⁵ INakkemi Batara, Allata'alanu matangkasaka, Karaennu, ampa'jariako, he Israel!”

YESAYA 43:15 Referans Kwoze

MATIUS 25:34

Nampa laNakana anjo Karaenga mae ri anjo tau niaka ri sa'ri kananNa, ‘Mae ngaseng mako kau tu nibarakkakia ri ManggeKu. Antama' mako ri Tampa' le'baka nipasadiang memangko ri uru nia'na linoa.

YESAYA 48:17

Nakana Allata'ala matangkasa'na Israel, Mappasalama'nu, “INakke Karaeng Allata'alanu, angngajarakako apa a'matu-matua ri kalennu, anrurungangako ri agang mustia nuolo.

YESAYA 43:3

Saba' iNakke Batara, Allata'alanu, Allata'ala matangkasa'na Israel, Mappasalama'nu. Kupassareangi Mesir a'jari pappasulu'nu, Sudan siagang Syeba a'jari sambennu.

YESAYA 43:1

He, Israel, kammaminne kananNa Batara, “INakkemi ampa'jariko siagang amparekko, teako mallakki, mattantu Kupasalamakko! Le'ba' mako Kukio' situru' arennu, iNakke ampatangko.

PAPPICINI' 3:7

“Untu' mae ri malaeka'na jamaah ri Filadelfia, tulisiki kamma anne: Iaminne pappasang battu ri Ia matangkasaka siagang kontutojenga. Iami anta'galaki konci battua ri Daud; punna Nasungkei pakke'buka, tena manna sitau akkulle antongkoki, siagang punna Natongkoki, tena manna sitau akkulle ansungkei.

HABAKUK 1:12

O Batara, battu rioloji naiKatte Allata'ala. IKatte Allata'alaku matangkasaka siagang mannannunganga. O Batara, Allata'alaku siagang pa'la'langangku, anjo bansa Babel Kipilei siagang Kipa'jari kassaki untu' anghukkungi ikambe.

YEREMIA 51:5

INakke, Batara, iamintu Allata'ala Kaminang Koasaya, Allata'ala Matangkasa'na Israel, tena nalaKubokoi Israel siagang Yehuda, manna pole nadorakamo ke'nanga ri Nakke.

YESAYA 45:11

Batara, Allata'ala matangkasa'na Israel Nakana, “Kuta'nangA' ri passala' allo labattua. Mingka teako akkuta'nangngi ri passala' ana'-anakKu, yareka assuroA' appare' apa-apa.

YESAYA 43:7

Saba' nikio' ngasemmi ke'nanga lalang arengKu, Kupa'jari ke'nanga untu' ampakala'birikKa'.”

YESAYA 41:16

Lanutapi ke'nanga, nampa niri'bakang ri anging ke'nanga nipasimbung ri anging lompo. Larannui pa'mai'nu lanri Nakke, Batara, lompoi pa'mai'nu lanri Nakke, Allata'alana Israel

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

YESAYA 40:25

Inai nukana sangkammanNa Batara Kaminang Matangkasaka? Inai ero' lanupasangkammangi?

YESAYA 33:22

Sikontu pakkakasa' niaka ri kappala'na ke'nanga tena ngaseng matu-matunna; sikamma sombala'na takkulleai nipaka'rang! Sikontu kakalumanynyanganna pasukang musua lanirampasaki, teai sipato' jaina, sa'genna manna tau pesoka anggappa ngaseng bageang. KalenNa Batara la'jari karaenta; Ia lammarenta, ampaentengi hukkunga siagang ampasalamakki' battu ri musua.

YESAYA 30:11

A'liliko siagang oloang maraeng nuolo. Teako ganggui ikambe siagang Allata'ala matangkasa'na Israel.”

PAMMUJI 74:12

Battu rioloji naiKatte Karaengku, o, Allata'ala, iKattemi ampasalamaki ikambe.

YESAYA 43:21

Iami ke'nanga bansa Kupareka untu' KalengKu, sollanna akkulle nakabarrang pammujia untu' iNakke.”

YESAYA 31:1

Cilakai tau a'lampaya mange ri Mesir appala' bantuang! Napattoangi ke'nanga kagassinganna tantarana tu Mesir siagang pasukang padongko' jaranna, kammayatompa kassa'na ngaseng jaranna siagang jaina kareta bundu'na. Mingka tena natappa' ke'nanga ri Batara, Allata'ala matangkasa'na Israel, siagang tena nappala' bantuanNa.

YESAYA 41:20

Na sikontu taua lanaciniki siagang lanaassengi angkana iNakke, Batara, anggaukangi anjo. Lanaparhatikangi siagang lanapahangi ke'nanga, Allata'ala matangkasa'na Israel ampa'jari anjo kammaya.”

YESAYA 44:6

Iaminne kananNa Batara Kaminang Makoasaya, Karaeng siagang pajaga mae ri Israel, “INakke Allata'ala Kaminang Se're-se'rea, uru-urua siagang kala'busanga.

PAMMUJI 149:2

Rannuko, he Israel, lanri Mappa'jarinu; ma'reja-rejako, he pandudu'na Sion, lanri Karaennu!

YESAYA 41:21

Batara, karaenna Israel, angkana ri rewata-rewataya, “Pamajumi parkaranu, paumi alasang-alasanna!

YESAYA 47:4

Allata'ala matangkasa'na Israel allappassangki', arenNa Batara Kaminang Makoasaya.