YESAYA 43:11 - KITTA' MATANGKASA'

¹¹ INakke Kale-kalengKu Batara, pantaranganna iNakke tena appasalama'.

YESAYA 43:11 Referans Kwoze

HOSEA 13:4

Nakana Batara, “INakke Karaeng Allata'alanu, le'baka angngerangko assulu' battu ri Mesir. Tena Allata'ala maraeng pantaranganna iNakke. INakkemi se're-se'rea ampasalamakko.

YESAYA 44:6

Iaminne kananNa Batara Kaminang Makoasaya, Karaeng siagang pajaga mae ri Israel, “INakke Allata'ala Kaminang Se're-se'rea, uru-urua siagang kala'busanga.

YESAYA 43:3

Saba' iNakke Batara, Allata'alanu, Allata'ala matangkasa'na Israel, Mappasalama'nu. Kupassareangi Mesir a'jari pappasulu'nu, Sudan siagang Syeba a'jari sambennu.

LAMPA-LAMPANA 4:12

Lalang bawang ri Isa nakkulle nipasalama' rupataua. Nasaba' ri sikontu anne linoa, tenanniakka se're tau le'ba' nisare koasa ri Allata'ala untu' ampasalamakki', pantaranganna Isa Almasi.”

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

YESAYA 44:8

He, bansaKu, teako mallakki yareka teako ta'bangkai; sai battu riolo iji sa'genna kamma-kamma anne le'ba'mi Kutappu riolo apa lakajarianga? Kau ngasemmi sa'bi-sa'bingKu. Tena pajaga maraeng siagang tena Kuasseng maraeng.”

PAOLE 6:4

U'rangi sikamma sari'battangku! Bataraji bawang, siagang Bataraji bawang Allata'alata!

YUDAS 1:25

Iami Allata'ala, tenaya ruanNa; Iami ampasalamakki' tete ri Isa Almasi Batarata. Iami Allata'ala Mala'birika, Malompoa, Makoasaya, kammayatompa Magassinga battu riolo sa'genna kamma-kamma anne kammayatompa sa'genna satunggu-tungguna! Aming.

2 PETRUS 3:18

Poro pila' nukasia' lalo passare lammoro'Na Batara, Karaeng Mappasalamatta iamintu Isa Almasi, siagang poro pila' tappa' laloko mae ri Ia. Poro Iami nipuji, ri kamma-kammaya anne sa'genna satunggu-tungguna! Aming. Sallangku, Petrus

LUKAS 2:11

Anne kamma, ri kota kalassukanna Daud, lassu'mi Karaeng Mappasalama'nu iamintu Almasi.

HOSEA 1:7

Mingka bansa Yehuda laKukamaseangi. INakke, Batara, Allata'alana ke'nanga lampasalamaki ke'nanga; mingka teai lanri pa'bundukang, teai todong lanri pa'dang yareka pana yareka jarang siagang pabaena.”

PAPPICINI' 1:11

Nakana anjo sa'raya, “Tulisiki apa nucinika, nampa nukiring anjo kitta' nutulisika mae ri tujua jama'ah, iamintu: Efesus, Smirna, Pergamus, Tiatira, Sardis, Filadelfia, siagang Laodikia.”

1 YOHANES 4:14

Kalenna ikambe le'ba' anciniki Ana'Na Allata'ala, siagang napabattumi ikambe mae ri tau maraenga angkanaya Iami anjo Ana'Na Nasuro Allata'ala antama' ri linoa untu' a'jari Karaeng Mappasalama' ri anne linoa.

TITUS 2:13

Kamma-kamma anne nitayammi anjo Allo niminasaya; anjo Alloa lanacini'mi bonena linoa kala'biranNa Isa Almasi, iamintu Allata'ala Kaminang Lompoa siagang Karaeng Mappasalamatta.

TITUS 2:10

yareka a'lukka'. Parallui tuli napappicinikang sipa' baji'na siagang tamamminrana ke'nanga; sollanna akkulle napuji taua pangngajarang battua ri Allata'ala, Mappasalamatta, lanri yangasenna anjo apa nagaukanga ke'nanga.

LUKAS 1:47

nama'rannu-rannu nyawaku kalanri Allata'ala Mappasalamakku.

PAMMUJI 3:8

Kipasalamaka', o Batara Allata'alaku, hukkungi naKipesoki sikontu balingku.

YESAYA 19:20

Anjo tampa' pakkoro'bangnganga siagang anjo bentenga a'jari pannanrai ri kahaderanNa Batara Kaminang Makoasaya ri Mesir. Punna nijallakkang anjo bansaya, nampa akkio' ke'nanga appala' tulung mae ri Batara, nia'mo sitau lanisuro battu untu' ampasalamaki ke'nanga.

YESAYA 42:8

INakke Batara, iaminjo arengKu; taKupassareangngai kala'birangKu manna ri nai; masahorokKu taKupassareangngai mae ri patunga.

YESAYA 60:16

Laniparakaiko ri bansa-bansaya siagang sikamma karaenga, rapang sitau amma' amparakai ana'na. Nanuassemmo angkana iNakke Batara, Mappasalama'nu, angkanaya Allata'alana Israel makassaka allappassangko.

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

YUNUS 2:10

Nampa lanri parentaNa Batara, anjo jukaka nalangngeammi Yunus nai' ri bontoa.