YESAYA 42:25 - KITTA' MATANGKASA'

²⁵ Jari nikasia'mi pangngalarroi heba'Na, sessa maki' lanri pa'bundukang lompo. PangngalarroinNa rapangi pepe' angkanrei Israel, mingka taniassengai kalenta, siagang tena nippilajara' battu ri apa le'baka nikasia'.

YESAYA 42:25 Referans Kwoze

HOSEA 7:9

Tanaassengai kalenna ke'nanga angkanaya lanri assibengkoro'nami ke'nanga siagang anjo bansa-bansa maraenga, natappela'mo kagassinganna ke'nanga. A'reppese'mi allo kala'busanna riwaya'na ke'nanga, mingka tanaassengai kalenna ke'nanga.

YESAYA 57:11

Nakana Batara, “Inaika anjo rewata-rewata ampajariako malla', sa'gennu a'balle-balle siagang tenamo nungngu'rangi mae ri Nakke? Apaka tenamo nunynyomba mae ri Nakke lanri sallo duduKumo tamakkana-kanaya?

MALEAKHI 2:2

Pakalompoa' lalang panggaukannu. Punna taerokako ampilangngeri kanangKu, laKutunraiko. Sikontu apa nutarimaya salaku dalle' latappinrai a'jari pattunra. Sikontutojenna, sikontu anjo apa bajika le'ba'mi Kutunrai, lanri tena nujampangi parenta-parentaKu.

YESAYA 57:1

Tau bajika siagang annabaya matei, natena tau ampahangi siagang amparhatikangi. Punna mate ke'nanga, ta'lappasaki ke'nanga battu ri balaya nampa sannang ammari-mari.

2 KARAENG-KARAENG 25:9

Natunui Nebuzaradan Balla'Na Batara, balla' karaenga siagang balla'na sikontu pamimpinga ri Yerusalem.

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

YESAYA 47:7

Nukapangi angkanaya la'jari karaeng baineko satunggu-tungguna, na tanuassenga yareka tanupikkira kale'bakkanna.

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

YESAYA 9:13

Lanri kammana anjo lalang sialloji bawang Nahukkung Batara sikamma pamimpinna siagang ra'ya'na Israel. Napolongi ulunna nampa Napela' ulunna siagang ingkonna.

PAOLE 32:22

A'rinrai larroKu rapang pepe' ampakamutungi sikamma apa niaka mattompo' butta; a'le'lereki pepeka sa'genna sirinna langika, antunui monconga sa'genna aka'-aka'na.

AYUB 40:11

Ciniki ke'nanga tau tinggi pa'maika; pa'betteseki larronu siagang pakatunai ke'nanga.

YESAYA 5:25

Larroi Batara mae ri bansaNa. Sadiami untu' anghukkungi ke'nanga. Lata'ge'gosoki sikamma monconga; maya'-maya'na tau matea latassiaraki rapang loro ri sikamma aganga. Mingka larro iji Batara siagang tuli laNagaukanna hukkunganNa.

YESAYA 9:19

Ri sikontu anjo pa'rasanganga massing a're'bu'mi siagang sambarang mami apa-apa nakanre, mingka tena bassoro'na ke'nanga. Ba'lalo massing para iami sikanre-kanre sipa'agangngang!

YESAYA 48:8

Kuassengi angkanaya takkulleako nipatappa', battu rioloji numasahoro' angkana tunungai doraka. Lanri kammana minjo na tanuassenga, tena manna sibuku kana battu mae ri tolinnu.

YEREMIA 7:20

INakke, Batara Kaminang Tinggia, lampitujui pangngalarroi lompoKu anne balla' panynyombanga, rupataua siagang olo'-oloka, kammayatompa poko'-poko' kayua siagang wassele' buttaya. La'rinra-rinrai larroKu rapang pepe' tenaya nakkulle nibuno.”

YEREMIA 12:11

Ba, Kucini' ngasengi ke'nanga ampa'jari tampa' sinoi pa'rasangangKu, appakapacce pa'mai'. Ta'ronang ngasemmi, tenamo amparhatikangi.

PIRAUNG 2:3

Lalang a'rinrana larroNa, Natepoki kagassinganna Israel. Ri wattunta nibunduki ri musu, taerokai nyawaNa antulungki'. Rapang pepe' a'jalloka angkanrei sikamma niaka, kammami anjo larroNa Batara mae ri katte ngaseng.

PIRAUNG 2:4

Rapang musu ampabantangi panaNa Napalio-lio mae ri katte. Sikontu tau ningaia cappu' kabusu' Nabuno. Napasimbungi larroNa rapang pepe' antama' ri kota Yerusalem.