YESAYA 42:13 - KITTA' MATANGKASA'

¹³ Majui Batara a'bundu' rapang se're tubarani, rapang tantara lompo sumanga'na a'bundu'. Ammarrangi, akkio' ri pa'bundukang, na Napappicinikang kaporeanNa mae ri musua.

YESAYA 42:13 Referans Kwoze

PAMMUJI 78:65

Jari ambangummi Batara sangkamma tau ambangunga ri tinrona, sanrapang tau gassing ri le'ba'na angnginung anggoro'.

ZEFANYA 3:8

Mingka tutuko! Tayammi allonna naKuammenteng nai' untu' antuntukko. Nasaba' le'ba'mi Kupattantu untu' ampa'rappungi bansa-bansaya siagang kakaraengang-kakaraenganga untu' ampabattui pangngalarroingKu mae ri ke'nanga. Sikontu buttaya lala'busuki nakanre pepe' pangngalarroingKu.

AMOS 1:2

Iaminne napabattua Amos, “Ammammuki Batara battu ri Bulu' Sion, a'gamarrungi sa'ranNa battu ri Yerusalem. Sikamma parang rukuka a'jari kalotoroki, rukuka ri Moncong Karmel kalotoro' taba sikali.”

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

NAHUM 1:2

Taerokai Karaeng Allata'ala punna nia' ambaliangi, inai-nai angngewai, ma'nassa anggappai hukkungang. Sanna' larroNa, Na'balasa' mae ri ke'nanga.

HOSEA 11:10

Nakana Batara, “UmmakKu lamminawangi ri Nakke punna ammarrung sa'rangKu rapang singa siagang Kupannekkere' musunna ke'nanga. Lakkaro-karoi ummakKu nia' battu lau' untu' anynyomba ri Nakke.

YEREMIA 25:30

Sikontu apa Kupaua mae ri kau, Yeremia, musti nupabattui. Paui mae ri ke'nanga angkana, ‘A'galatturuki sa'ranNa Batara battu ri suruga; battu ri pammantangngang matangkasa'Na a'gamarrung angngewai umma'Na. Sikontu panduduka ri tompo'na buttaya nalangngereki ammarrang rapang pajama anggoro' ammaccoka anggoro' ri tampa' panggilinganga.

YESAYA 31:4

Nakana Batara ri nakke, “Rapang singa ammoppoka eroka anjagai apa eroka nakanre, natakkullea nipakamalla' ri sa'ra lompo yareka sa'ra ammarrang battua ri siapa are jaina pakalawaki eroka angngewai, kamma tomminjo la'bundukKa' ero' ampartahangkangi Bulu' Sion.

YESAYA 26:11

O, Batara, sadia maKi' langhukkungi musunTa, mingka tanaassengai kalenna ke'nanga. Lappassammi ke'nanga ammakkala' kacci anciniki pangngamaseanTa mae ri ummatTa. Lappassammi ke'nanga cappu' niancuru' ri hukkungang Kisadiakanga mae ri ke'nanga.

YESAYA 66:14

Nucini'na anjo kammaya, larannu mako, siagang a'jari gassing mako nukkamale kamma ruku' lolo. Nalanakasia'mo sikamma atangKu karannuangKu siagang lanakasia'mi kalarroangKu sikamma musu-musungKu.”

YESAYA 9:7

Napabattumi Batara hukkunganga mae ri kakaraenganna Israel.

PAMMUJI 118:16

KoasaNa Batara assareki' pammetang! Nagaukangi Batara gau' malompoa.”

YO"EL 3:16

Ammammuki Batara battu ri Sion, iamintu bulu'Na; battu ri Yerusalem a'gunturu' sa'ranNa. Langika siagang buttaya ta'goccangi napakamma. Mingka tuli laNaalleangngangi siagang Najagai Batara iamintu Israel, umma'Na.

YESAYA 37:32

Ri Yerusalem siagang irate ri Bulu' Sion lania' tau salama', lanri le'ba'na Napattantu Batara Kaminang Makoasaya angkana lakammai anjo passala' lakajarianga.

YESAYA 63:15

O Batara, Kiparhatikangi battu ri suruga, battu ri pammantangang matangkasatTa siagang mala'birika. Kemae pangngamaseanTa siagang kabaranianTa? Kemae kalammoranTa siagang pangngarimanginTa? Tea' laloKi' tahangngi anjo untu' ikambe.