YESAYA 42:11 - KITTA' MATANGKASA'

¹¹ Sikamma parang lompoa siagang kota-kotaya, mammujiko ri Batara, baji'mi na mammuji ri Batara pandudu'na Kedar! Pandudu'na kota Sela, akkio' rannuko, akkio'-kiokko battu rate ri coppo'na monconga!

YESAYA 42:11 Referans Kwoze

YESAYA 32:16

Ri sikontu pa'rasanganga lania' kalambusang siagang kaadelang.

YESAYA 60:7

Bembe siagang gimbala' battua ri Kedar nierangi mae ri kau sadiai gimbala' laki battua ri Nebayot untu' ibadanu. Anjo koro'banga napakasannangi atinNa Batara napaccayai Balla'Na rassia kala'birang.

NAHUM 1:15

Ciniki, nia' sitau suro battu ri moncong-monconga, angngerang kabara' baji', iamintu kabara' pammetang. He bansa Yehuda, pakalompoi allo lomponu siagang bayaraki tinja'nu mae ri Allata'ala. Tenamo nalanijaja pa'rasangannu ri tau ja'dalaka. Le'ba'mi niancuru' taba sikali ke'nanga.

YESAYA 52:7

Tamaka sannanna pa'maika anciniki kabattuanna tunisuroa; a'jappai allalo ri pa'monconganga siagang angngerang kabara' baji, kabara' salewangang, kabara' kasalamakkang mae ri Sion: nakana, “Allata'alanu Karaeng!”

YESAYA 35:6

Tau pesoka la'lumpa'-lumpaki rapang jonga, tau pepea lakkio' rannui. Saba' timbuseng je'neka tassolommi ri parang luaraka, a'lo'loro'mi binangaya ri parang lompoa,

YESAYA 21:16

Nampa Nakana Batara ri nakke, “Ganna'-gannaki sitaung pole lakala'busammi kaporeanna suku-suku Kedar.

YESAYA 16:1

Battu ri kota Sela ri parang lompoa, akkiringi bansa Moab ana' gimbala' mange ri tukoasaya ri Yerusalem, a'jari hadia.

PAMMUJI 120:5

Cilakama' inakke lanri musti attallasakka' siagang ikau; tena simmaraenna ammantang ri Mesekh, yareka ri alla'na tu Kedar.

PA'JARIANG 25:23

Nakanamo Batara ri ia, “Nia' rua bansa lalang ri battannu; lallassukangko rua bansa lasimusu; kassakangngangi andi'na na daenna ia toaya la'jari palayang mae ri bungkoa.”

YEREMIA 49:16

Lanitipuko ri katampoannu. Tena lamalla' ri kau kamma nukapanga. Ammantangko ri alla'-alla'na batua, bella ri coppo'na monconga. Mingka, manna pole nupare' balla'nu ri tampa' tinggi dudua, sangkamma tinggina ru'munna jangang-jangang rajawalia, mingka laNapanaungko Batara battu anjoreng. Batara ampaui yangasenna anjo.”

YEREMIA 48:28

Ikau pandudu'na Moab, bokoimi kota-kotanu siagang mange mako ammantang ri bulu'-bulu' batua rapang jangang-jangang bodobangkeng appareka ru'mung ri tubirika.

YEREMIA 21:13

Nampa Nakana Batara mae ri Yerusalem, “He Yerusalem! La'bi tinggiangngangi pa'dongkokannu nasikamma ka'bung lappara' niaka ri tammulilinu. Sangkammako bulu' batu ammenteng tinggia' nai' ri parang lapparaka, mingka iNakke langngewako. Nukana kalennu angkana tena manna sitau akkulle ambundukiko yareka anrumbangi tembo'-tembo' pattahangannu,

YESAYA 43:19

Parhatikangi, nia' apa beru Kugaukang; anne kamma appakkaramulami, tenaka nuciniki? LapparekKa' oloang ri parang lompoa, siagang binanga-binanga ri parang luaraka.

YESAYA 35:1

Parang lompoa siagang butta kalotoroka larannui, bunga-bungaya lata'bakkaraki ri parang luaraka.

OBAJA 1:3

Nitipuko ri atinnu tampoa. Ibukotanu iamintu moncong batu makassa'; tampa' pammantangannu iratei ri coppo'na moncong tinggia. Lanri kammana anjo nakanamo pikkirannu, ‘Inai todong lakkulle antu'gurangki'?’

YESAYA 40:3

Nia' kalangngerang sa'ra akkio' angkana, “Pasadiai oloanga ri parang lompoa untu' Batara. Lambusi agang lompoa ri parang lompoa untu' Allata'alata!

YESAYA 12:5

Akkelongko mae ri Batara, saba' jai gau' appakalannasa' Nagaukang. Lappassammi sikontu linoa nalangngere' sese panggaukanNa.

YEREMIA 49:31

‘Umba maju! Umba nanibunduki tau nakanaya kalenna amang siagang sannang. Kotana ke'nanga tena pa'la'langanna, lanri tena pakke'bu' lompona siagang tena panjolina.’ ”

YEHEZKIEL 27:21

Tu Arab siagang ammarentaya ri butta Kedar naballi barang-barannu siagang ana' gimbala', gimbala' laki siagang bembe.