Biblia Todo Logo
Bib sou entènèt

- Piblisite -




YESAYA 41:8 - KITTA' MATANGKASA'

8 Mingka ikau, he Israel, atangKu, umma' Kupilea, ikau turunganna Abraham, sahabakKu.

Gade chapit la Kopi




YESAYA 41:8
37 Referans Kwoze  

Anjo situru'mi nakanaya lalang ri Kittaka, “Tappaki Abraham mae ri Allata'ala, siagang lanri iaminjo tappa'na nanitarimamo ri Allata'ala salaku tau anggaukangai ero'Na Allata'ala.” Iaminjo saba'na nanigallara'mo Abraham, “Agang baji'Na Allata'ala.”


IKattemi Allata'alana ikambe. Ri wattunna battu ummatTa Israel mae anrinni ri pa'rasanganga, Kibongkai sikamma tau niaka ammantang anrinni anjo wattua. Nampa Kipassareang anne pa'rasanganga mae ri jari-jarina Abraham, belata, untu' a'jari butta napatang ke'nanga satunggu-tungguna.


Ikaumi Napatanga Karaeng Allata'alanu; battu ri sikontu bansaya ri lino, ikaumi Napile Allata'ala untu' a'jari umma'Na.”


U'rangi boe-boenu Abraham siagang Sara; wattunna Kukio' Abraham natena ana'na; nampa Kubarakkaki siagang Kusarei turungang jai.


Nakana Batara, “U'rangi ngasengi sikammaya anne, he Israel, saba' ikaumi atangKu. INakke ampa'jariko, na ikau atangKu, Israel, tena nalaKukaluppaiko!


Lanri kammana anjo, Batara, iamintu Allata'alana Israel le'baka ampakabebasaki Abraham, kamma-kamma anne Nakana, “Ikau bansaKu, tenamo nalanihinako pole siagang tenamo nalapi'lasa' rupannu lanri siri'-siri'.


Mate'nei bansa mangakua ri Batara salaku Allata'alana, mate'nei umma' Napilea a'jari umma' Napatanga!


He, Israel, kammaminne kananNa Batara, “INakkemi ampa'jariko siagang amparekko, teako mallakki, mattantu Kupasalamakko! Le'ba' mako Kukio' situru' arennu, iNakke ampatangko.


Napilei Yakub untu' KalenNa, umma' Israel Napa'jari Ia ampatangi.


“Le'ba'mi nuparhatikang apa napaua taua mae ri tu Israel siagang tu Yehuda? Nakana ke'nanga angkanaya Kupela'mi anjo ruaya bansa le'baka Kupile. Iaminjo saba'na nanacini' tuna ummakKu, tenamo nabilangi salaku se're bansa.


Nakana Batara, “Pilangngeri he Israel, umma' Kukioka, iNakke tuli Allata'alanu. INakkemi uru-urua, siagang iNakke tommi kala'busanga.


Teako akkapangi angkanaya lakkullei nuliliang hukkunganNa Allata'ala lanri nukanana kalennu sossorannako Abraham. U'rangi angkanaya, manna anne batu-batua, akkulle tongi Napa'jari Allata'ala sossoranna Abraham!


Sai iKatte manggena ikambe? Abraham siagang Yakub tanaassengai ikambe. Mingka iKatte o Batara, iKatte Manggena ikambe, Mappasalama'na ikambe battu riolo dudu.


Nakana ri nakke, “Ikaumi atangKu; lanipakala'birikKa' lanri ikau.”


Mingka teai sipato' lompona pangngamaseanNa Batara mae ri boe-boenu, sa'genna ikaumi Napile battu ri alla'na sikontua bansa, siagang sa'genna kamma-kamma anne ikauji umma'Na Napilea.


Anjo tu Israel, iami ata-atanNa Batara; Iami angngerangi ke'nanga assulu' battu ri butta Mesir, na lanri kammana anjo takkulleai ke'nanga nibalukang salaku ata.


Jari punna kamma, untu' apa padeng nanipassareang anjo hukkung agamaya? Pialinna iamintu angkanaya, anjo hukkunga nipappitambangi sollanna nipa'nassa gau' dosana rupataua. Wattu tappakena anjo hukkung agamaya sa'gennaji kabattuanna sitau sossoranna Abraham le'baka nipau lalang ri janjinNa Allata'ala mae ri Abraham. Anjo hukkung agamaya, malaeka'-malaeka' ampabattui tete ri rupataua.


a'jari Napatang Israel atanNa; pangngamaseanNa sa'genna satunggu-tungguna;


LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.


Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.


Inai la'bi buta na atangKu Israel? Inai la'bi tongolo' na tunisuroKu?


Teako mallakki, saba' iNakke alla'langiko. Battu lau' siagang battu raya Kusuroi ana' cucunnu battu asse're.


He ummakKu, ikau ngasemmi sa'bi-sa'bingKu, ikau ngasemmi Kupile a'jari ata-atangKu, sollanna nuassengA' siagang tappakko ri Nakke, na nupahang angkana iNakkemi Allata'ala. INakke Allata'ala Kaminang Se're-se'rea, tena maraeng rioloangangKu siagang ri bokoangangKu.


Kukiokko siagang Kusareko areng pa'gallara', manna natena nanuassengA'. Kusareko tugasa' untu' antulungi atangKu Israel, nasaba' anjo ke'nanga bansa nipileKu.


Nakana Batara mae ri umma'Na, “MangngamaseangA' mae ri kau ngaseng.” Mingka appiali ke'nanga angkana, “Antekamma bateTa angkamaseangi ikambe Batara?” Appiali Batara angkana, “Sai anjo Esau daenna Yakub? Mingka Yakub Kukamaseang,


Pa'rasanganna ke'nanga Napassareangi mae ri umma'Na; pangngamaseanNa sa'genna satunggu-tungguna;


Swiv nou:

Piblisite


Piblisite