YESAYA 41:5 - KITTA' MATANGKASA'

⁵ Pandudu'na pa'rasangang bellaya naciniki apa Kugaukanga. Ta'bangkai siagang annekkereki ke'nanga lanri malla', nampa a'rappungang na battu mae.

YESAYA 41:5 Referans Kwoze

PAMMUJI 67:7

Angngerammi wassele' buttaya, Allata'ala, le'ba' maki' Nabarakkaki Allata'alata.

PAMMUJI 66:3

Angkana mako ri Allata'ala, “Tojeng, appakalannasaki panggaukanTa! Tunduki musua mae ri Katte napakamma malla', saba' teai sipato' lompona koasaTa.

PAMMUJI 65:8

Kipakasannangi arrunna tamparanga siagang jallo'na bombanga, na Kipakasannang kagegeranna bansa-bansaya.

YOSUA 5:1

Sikontu karaenna tu Amori ilaukanna Binanga Yordan, siagang sikontu karaenna tu Kanaan ri birinna Tamparang Tangngaya nalangngereki kabara'na angkanaya le'baki Napa'jari kalotoro' Batara anjo je'ne'na Binanga Yordan lalang a'limbanna umma' Israel ri anjo binangaya. Jari a'jari malla'mi siagang annekkere'mi ke'nanga napakamma tu Israel.

YOSUA 2:10

Nalangngere'mi ikambe kabara'na, angkana antekamma bateNa Batara ampa'jari kalotoroki Tamparang Alara' ri dallekannu ngaseng, ri wattunna nubokoi Mesir. Nalangngere' tommi ikambe kabara'na angkana antekamma batena nubuno Sihon siagang Og, iamintu rua karaeng bansa Amori ri rayanganna Binanga Yordan.

KALAPPASSANG 15:14

Sikamma bansa mallangngereka annekkere'mi; gegere'mi tu Filistin siagang sikamma pamimpinna Edom.

PA'JARIANG 10:5

Iami ke'nanga a'jari boe-boena sikamma bansa ammantanga ri sikamma biring tamparanga siagang ri pulo-puloa. Ia ngasemmi anjo sossoranna Yafet. Massing-massing bansa siagang suku ammantammi ri massing pa'rasanganna, siagang massing nia' tommo bahasa kalenna.

YESAYA 41:1

Nakana Allata'ala, “A'merekiko, pilangngeriA', he sikamma pandudu'na sikamma pa'rasangang bellaya. Sadiako untu' maju ri pangadelanga, maju mako nasorong parkaranu. Umba kissidang siagang, na nitappuki angkana inai annaba, inai sala.

YESAYA 41:6

Sikontu taua situlung-tulungi, siagang massing sipakajarreki ri pa'mai'na.

YEHEZKIEL 26:18

Kamma-kamma anne, nibeta mako, annekkere'mi panduduka ri pulo-puloa. Ta'bangka ngasemmi ke'nanga anciniki kaancurang lomponu.”

PAMMUJI 65:9

Sikontu pandudu'na linoa mallaki siagang appakalompoi anciniki sikamma gau' heba' Kigaukanga. Sikontu linoa battu ri cappa' se'rea mange ri cappa' maraenga Kipa'jari rannu ma'reja-reja.