YESAYA 41:23 - KITTA' MATANGKASA'

²³ Paumi apa lakajarianga, sollanna naasseng ikambe angkana ma'nassa batara tojengko. Gaukammi a'matu-matua yareka appakarugia, sollanna lannasa' ikambe anciniki.

YESAYA 41:23 Referans Kwoze

YOHANES 13:19

Kupabattumi anne passalaka ri kau ngaseng, ilalang tenanapa nakajariang. Sollanna punna kajariammo sallang, latappa' ngaseng mako angkanaya iNakke minne nikanaya INAKKE NIA'.

YESAYA 42:9

Kamma-kamma anne apa le'baka Kutappu riolo kajariammi; erokKa' pole ampabattui passala' berua; ri tenanapa nakajariang anjo, Kupau riolomi mae ri kau.”

YEREMIA 10:5

Anjo patung-patung barhalaya rapangi tau-tau ri koko bonteka. Takkulleai ke'nanga a'bicara, takkulleai a'dakka, siagang musti niangkaki. Teako mallakki mae ri ke'nanga, nasaba' takkulleai ke'nanga a'gau' ja'dala' mae ri kau; manna a'gau' bajika tanakullei ke'nanga.”

YESAYA 46:7

Anjo patunga napakui nampa naboli' ri tampa'na, ammenteng anjoreng takkullea a'lette'. Punna appala' doang taua ri ia, tappialiai, natena napasalamaki taua battu ri kasusaanna.

YESAYA 45:3

Na laKusareko kakalumanynyangngang taccokko, sollanna nuasseng angkana iNakkemi Batara, Allata'alana Israel, le'baka angkiokko situru' arennu.

LAMPA-LAMPANA 15:18

le'baka Napabattu memang ri jammang riolo.”

YESAYA 43:9

Suroi sikontu bansaya a'rappungang siagang sikontu sukua asse're. Inai ri rewata-rewatana ke'nanga le'ba' ampaui apa kajarianga kamma-kamma anne? Inai ri ke'nanga akkulle antappui apa labattua sallang? Lappassammi maju sikamma sa'bina ke'nanga, na napa'butti angkana tojengi ke'nanga, sollanna sikontu tau allangngerekai ke'nanga angkanai, annaba memangi ke'nanga!

YESAYA 45:21

Pamajumi parkaranu, paridallekammi butti-buttina, iyo, boli'mi kamma appare' ke'nanga passitujuang. Inaika angkabarrangi anjo passalaka siagang le'ba' ampaui baku' battu riolo iji? Sai iNakke, Bataraya? Tena allata'ala pantaranganna iNakke. INakkemi Allata'ala adeleka siagang Mappasalamaka, tena maraeng pantaranganna iNakke!

DANIEL 2:9

lakuhukkung kabusu' kamma tongko punna tena nukkulle ampauanga' anjo so'naku. Assikongkolo' kabusukko untu' tulusu' amballe-balleia' siagang ampakarek-karenanga' lanri nurannuanna angkanaya lakupinrai kaputusangku. Jari, pauamma' anjo so'naku, nampa kuassemmo angkanaya akkulle tongko ampakasingaraki battuanna.”

YESAYA 19:12

He, karaeng Mesir, kemae sikamma tu mappakainga'na anjo karaeng cara'deka? Barang naassengi ke'nanga apa Narancanakanga Batara Kaminang Makoasaya mae ri Mesir.