YESAYA 41:21 - KITTA' MATANGKASA'

²¹ Batara, karaenna Israel, angkana ri rewata-rewataya, “Pamajumi parkaranu, paumi alasang-alasanna!

YESAYA 41:21 Referans Kwoze

AYUB 38:3

Kamma-kamma anne dallekamMa' sangkammako bura'ne, siagang pialimi anne sikamma pakkuta'nangKu.

AYUB 31:37

Lakupauangi Allata'ala sikontu apa kugaukanga; lalompoi pa'maikku siagang laccongai ulungku andallekang ri Ia.

YESAYA 1:18

Nakana Batara, “Umba nanipa'le'ba' anne parkaraya. Manna pole nule'leng kamma uring napakamma dosa-dosanu, laKubissaiko sa'gennu a'jari kebo' sangkamma kapasa'. Manna pole najai siagang battala' dosa-dosanu, mingka laKupammopporang ngasengi.

YESAYA 44:6

Iaminne kananNa Batara Kaminang Makoasaya, Karaeng siagang pajaga mae ri Israel, “INakke Allata'ala Kaminang Se're-se'rea, uru-urua siagang kala'busanga.

YESAYA 33:22

Sikontu pakkakasa' niaka ri kappala'na ke'nanga tena ngaseng matu-matunna; sikamma sombala'na takkulleai nipaka'rang! Sikontu kakalumanynyanganna pasukang musua lanirampasaki, teai sipato' jaina, sa'genna manna tau pesoka anggappa ngaseng bageang. KalenNa Batara la'jari karaenta; Ia lammarenta, ampaentengi hukkunga siagang ampasalamakki' battu ri musua.

YESAYA 41:1

Nakana Allata'ala, “A'merekiko, pilangngeriA', he sikamma pandudu'na sikamma pa'rasangang bellaya. Sadiako untu' maju ri pangadelanga, maju mako nasorong parkaranu. Umba kissidang siagang, na nitappuki angkana inai annaba, inai sala.

YESAYA 43:9

Suroi sikontu bansaya a'rappungang siagang sikontu sukua asse're. Inai ri rewata-rewatana ke'nanga le'ba' ampaui apa kajarianga kamma-kamma anne? Inai ri ke'nanga akkulle antappui apa labattua sallang? Lappassammi maju sikamma sa'bina ke'nanga, na napa'butti angkana tojengi ke'nanga, sollanna sikontu tau allangngerekai ke'nanga angkanai, annaba memangi ke'nanga!

YESAYA 43:15

INakkemi Batara, Allata'alanu matangkasaka, Karaennu, ampa'jariako, he Israel!”

YESAYA 46:10

Battu ri pakaramulanna Kupaumi apa-apa labattua ri bokoanganna, battu riolo Kutappu memammi apa lakajarianga. Kukana: Lakajarianga apa le'baka Kutappuki, mattantu Kugaukangi erokKu!