YESAYA 41:2 - KITTA' MATANGKASA'

² Inai ampagioki tukoasaya battu raya, siagang tulusu' assarei pammetang? Inai assarei pakkulle untu' ambetai sikamma bansa-bansaya, siagang napatundu' sikamma karaenga? Pa'danna ampassimbungi ke'nanga rapang limbu'bu', panana ampatassiaraki ke'nanga rapang rarame nairikang anging.

YESAYA 41:2 Referans Kwoze

YESAYA 45:1

Batara le'ba' angngangkaki Kores a'jari karaeng; ia nisuro ambetai sikamma bansa-bansaya siagang antepoki kakoasanna sikamma karaenga. Batara lassungkeangi sikamma pakke'bu' lompona kotaya, tena manna se're lammantang tattongko'. Nakana Batara ri ia,

2 SAMUEL 22:43

Kuremoi ke'nanga rapang limbu'bu' tassimbunga siagang kubarrasa' rapang peo' ri aganga.

YESAYA 46:11

AkkioKa' sitau tukoasa battu raya, battu rapang sikayu jangang-jangang sekke' untu' anggaukangi kaputusangKu. Apa Kupaua mattantu laKugaukangi, apa Kurancanakanga mattantu laKurupai.

YESAYA 41:25

Nia'mo sitau Kupagio' battu raya: Kukioki untu' a'bakka battu wara'. Sikamma tukoasaya lanaonjo'-onjokangi rapang peo', rapang papare' uring butta angngonjo'-onjokang butta pi'.

YESAYA 40:24

Rapangi ke'nanga lamungang lolo, beru accu'laka aka'na. Punna Napatui' Batara anginga, kalotoro'mi ke'nanga na niri'bakang rapang rarame.

EZRA 1:2

“Anne parentana Kores, karaeng Persia. Batara, Allata'ala makoasaya ri suruga, le'ba' angngangkaka' a'jari karaeng ri sikontu linoa, siagang nasarea' tugasa' untu' ambangung Balla' untu' KalenNa ri Yerusalem, ri daera Yehuda.

YESAYA 45:13

INakke ampagioki Karaeng Kores untu' anggaukangi erokKu siagang ampaentengi kaadelanga. INakke allappari sikontu agang naoloa. Lanabangungi ammotere' kotaKu Yerusalem siagang lanalappassangi ummakKu nitahanga, na tanisarea doe' pammuccu' yareka pa'bayara'.” Batara Kaminang Makoasaya anne le'ba' angkana.

2 PATTOTTORANG 36:23

“Anne parentana Kores, karaeng Persia. Batara, Allata'ala makoasaya ri suruga ampa'jari karaenga' ri sikontu linoa, siagang Nasuroa' ambangungi Balla'Na ri Yerusalem ri daera Yehuda. Jari ikau ngaseng Umma'Na Allata'ala musti ammoterekko mange anjoreng! Dasi-dasi naNajagaiko Karaeng Allata'alanu.”

IBRANI 7:1

Anne Melkisedek karaeng battu ri Salem, siagang imang Kaminang Tinggina Allata'ala. Ri wattunna ammotere' Abraham battu ri pa'bundukanga nanabeta karak-karaeng balinnaya, battumi Imang Melkisedek anruppai siagang ambarakkaki.

2 KARAENG-KARAENG 13:7

Le'ba'mi niancuru' tantarana tu Israel ri karaeng Siria sa'genna ia niaka nakammai Yoahas iamintu 50 tantara a'jarang, 10 kareta bundu', siagang 10.000 tantara.

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

PA'JARIANG 11:31

A'lampai Terah ambokoi kota Ur ri Babilonia siagang Abram ana'na, Lot cucunna, siagang Sarai mintunna iamintu bainenna Abram. Eroki a'lampa mange ri Kanaan. Mingka ri wattunna battu ri Haran, ammantammi ke'nanga anjoreng.

PAPPICINI' 7:2

Nampa nia' pole kucini' se're malaeka' maraengang ammumba battu raya. Angngerangi segele' battua ri Allata'ala Mattallasaka. Nalompoimi sa'ranna anjo malaekaka akkio', angkioki anjo appaka malaeka' le'bakamo anggappa koasa battu ri Allata'ala untu' ampanraki bontoa siagang tamparanga.

PAPPICINI' 16:12

Le'baki anjo natumpami bonena pammoneanna anjo malaeka' makaannanga naung ri Binanga lompoa, iamintu Efrat. A'jari kalotoro'mi anjo binangaya sa'genna a'jappamo sikamma karaeng battu rayaya angngolo anjoreng.

YESAYA 41:3

Tulusuki angngondang siagang maju, tena anrompai; lintaki bangkenna, sangkamma tallanteai bangkenna ri butta.

YESAYA 42:6

“INakke, Batara, angkiokko siagang assareko tugasa' untu' ampajappai kaadelanga. Kurenrengko siagang Kuparakaiko untu' a'jari parjanjiang mae ri umma' rupataua, untu' a'jari singara' mae ri sikontu bansaya.

YESAYA 48:15

INakkemi ampaui siagang angkioki, anrurungangi, sa'genna a'jari apa nagaukanga.

PIRAUNG 1:15

Napakatunai Batara sikontu tubaraniku porea. Napagio' kabusuki tantaraya sollanna putta sikontu tau rungkaku. Naonjo'-onjokangi bansaku sa'genna ancuru', rapang tau ammaccoka rappo anggoro'.