YESAYA 41:19 - KITTA' MATANGKASA'

¹⁹ Parang lompoa laKulamungi poko' camara, poko' zaitun, poko' mura', siagang poko' akasia. Parang luaraka laKupa'jari romang, romang eru, berangang, siagang camara.

YESAYA 41:19 Referans Kwoze

YESAYA 55:13

Poko' camaraya lassambeangi rompo' katintinga bunga-bunga ansambeangi sikamma rompo'-rompoka. Kajariammi anjo kammaya sollanna masahoro' arengKu; a'jari pammatei mannannungang tenaya nalatappela'.”

YESAYA 35:1

Parang lompoa siagang butta kalotoroka larannui, bunga-bungaya lata'bakkaraki ri parang luaraka.

YESAYA 60:13

Kalompoanna romang Libanon lanilalingi mae ri kau poko' kayu berangang, camara, siagang eru untu' ampaccayai BallakKu, siagang angga'gai tampa' pangngonjokangKu.

YESAYA 61:11

Rapang bine nipakioroka lattimboi a'jari lamung-lamung, kammaminjo Karaeng Allata'ala ampatimboi kasalamakkanga na sikontu bansaya lamammuji mae ri Ia.”

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YESAYA 27:6

Ri wattu labattua sallang, bansa Israel lasanrapangi poko' kayu angngaka' siagang a'bakka', siagang napirassi tompo'na buttaya siagang rappo-rapponna.

YEHEZKIEL 47:12

Ri sikamma birinna anjo binangaya napattimboi sangka' rupa poko' kayu rappo-rappoang. Tale'bakai kalumeng leko'na anjo poko'-pokoka, siagang tena la'busu'na rapponna. Anjo poko'-pokoka lappa'niaki rappo-rappo beru ri tunggala' bulang, nasaba' tuli nibasaina ri je'ne' a'lo'loroka battu ri Balla'Na Batara. Rapponna a'jari kanreang-kanreang siagang leko'na a'matu-matui untu' pa'balle.”

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

YESAYA 32:15

Mingka sikalipi pole labattu Allata'ala siagang koasaNa. Na sikamma parang luaraka la'jari koko-koko coppong, sikamma kokoa la'jari sangkamma romang jaina.

YESAYA 43:19

Parhatikangi, nia' apa beru Kugaukang; anne kamma appakkaramulami, tenaka nuciniki? LapparekKa' oloang ri parang lompoa, siagang binanga-binanga ri parang luaraka.

HOSEA 14:8

Lammotereki ke'nanga mae ri Nakke nammamtang lalang ri la'langKu. Lintaki ke'nanga katambang kalumanynyanna, rapang gandung a'bakka' ri koko copponga buttana siagang rapang koko anggoro'. Rapang je'ne' anggoro' Libanon lamasahoroki arenna ke'nanga.

ZAKHARIA 1:8

kuciniki malaeka'Na Batara a'dongko' sikayu jarang eja. Ammantangi ri se'reang ka'bung lappara' ri alla'na poko'-poko' kayu mura'. Ri bokona nia' pirangkayu are jarang maraengannaya ammenteng, nia' eja tanja'na, nia' lango-lango siagang nia' todong kebo'.