YESAYA 41:18 - KITTA' MATANGKASA'

¹⁸ Kupasolongi je'neka battu ri bulu'-bulu' a'gondoloka; lassuluki je'neka battu ri timbuseng je'neka ri tangnga-tangngana lapparaka. Parang lompoa laKupa'jari kollang; lassuluki je'neka battu ri butta kalotoroka.

YESAYA 41:18 Referans Kwoze

PAMMUJI 107:35

Parang lompoa Napinrai a'jari kollang je'ne' butta kalotoroka Napa'jari timbuseng je'ne'.

YESAYA 58:11

INakke tuli lampimpingko siagang lampakabassorokko ri butta kalotoroka; iNakke lanjagaiko sollannu tuli akkamale siagang kassa'. Larapangko koko anggannaka ri je'ne', rapang timbuseng je'ne' tenaya nale'ba' a'jari kalotoro'.

YESAYA 30:25

Ri allo nitammulilina tembo'-tembo' pattahanganna sikamma musunnu siagang nibuno sikamma taunna, sikamma monconga siagang buluka lappasuluki siapa are jaina kaloro'.

PAPPICINI' 7:17

nasaba' anjo Ana' Gimbala' ammempoa ri tangnga-tangngana anjo empoang kala'biranga la'jari pakalawaki mae ri ke'nanga. Lanirurungangi ke'nanga mae ri timbuseng je'ne' assarea katallassang. Na Allata'ala lassapui sikamma je'ne' matanna ke'nanga.”

YESAYA 44:3

Saba' laKupaturungi bosia ri butta kalotoroka, Kupasolongi binanga-binangaya ri butta rosoka. LaKusarei koasaKu turungannu, siagang Kubarakkaki ana' cucunnu.

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

ZAKHARIA 14:8

Ri anjo alloa, la'lo'loroki je'ne ci'nonga battu ri Yerusalem; tawaruanna anjo je'neka la'lo'loro' mangei ri Tamparang Matea nampa bageruanna pole la'lo'loro' mangei ri Tamparang Tangngaya. La'lo'loroki anjo je'neka tunggala' taung, baji' nawattu bara' kammayatompa ri wattu timoro'.

YO"EL 3:18

Ri anjo wattua sikamma monconga larassi koko anggoro'. Olo'-olo' niparakaia langnganrei ruku' ri bulu'-bulu' copponga. Sikamma binangaya ri Yehuda tena le'bakai lala'busu' je'ne'na. Se're binanga lassolong battu ri Balla'Na Batara, na nabasai Ka'bung Akasia siagang je'ne' nyamang.

YESAYA 32:2

Yangasenna ke'nanga lamassing la'jari rapang tampa' pa'la'langngang battu ri anging siagang barubua. Rapangi ke'nanga binanga a'lo'loroka ri parang kassika, rapang pa'la'langang batu lompo ri butta kalotoroka.

YESAYA 12:3

Rapang je'ne' dinging ampakarannui tau turerea, kammaminjo batenu larannu, lanri Nipasalamakko ri Allata'ala.”

YESAYA 48:21

Wattunna Narurungang ke'nanga allalo ri parang kalotoroka, tena nasessa ke'nanga napakamma turere. Napuei Batara moncong batua nampa appasolong je'ne' battu ri batuai Napassulukang je'ne' ke'nanga.

PAMMUJI 105:41

Nareppeki moncong batua, nampa assulu' je'neka assolong sangkamma je'ne' ri parang lompoa.

PAMMUJI 46:4

manna na'jallo' tamparanga siagang bombang lompo, nannekkere' bulu'-buluka natunrung.

PAMMUJI 104:10

Kipanaiki je'ne' timbusenga ri sikamma ka'bunga, a'lo'loroki je'ne' kaloroka ri alla'na bulu'-buluka,

YESAYA 33:21

LaNapappicinikangi Batara kala'biranNa mae ri katte. Lattallasakki' ri biring binanga luaraka, tenaya nakkulle nasombali musua.

YESAYA 35:1

Parang lompoa siagang butta kalotoroka larannui, bunga-bungaya lata'bakkaraki ri parang luaraka.

YESAYA 65:13

Sikontutojenna, tau anynyombaya ri Nakke langnganrei, mingka ikau naalleko cipuru'. Langnginungi ke'nanga, mingka ikau turereko. Larannui ke'nanga, mingka ikau nipakasirikko.

HAKING-HAKING 15:19

NaNasungkemo Allata'ala se're kali'bong ri anjo bulu' batua ri Lehi, nampa assulu'mo je'neka battu anjoreng. Angnginummi Simson sa'genna baji'mi nasa'ring ammotere'. Iaminjo saba'na naniareng timbuseng je'neka “Timbuseng je'ne' Hakor” Anjo timbuseng je'neka nia' iji ri Lehi.

PAMMUJI 126:4

O, Batara, pammollei katallassanna ikambe, sanrapang binanga kalotoro' kaboneang pole je'ne' ri wattu bosina.