YESAYA 41:1 - KITTA' MATANGKASA'

¹ Nakana Allata'ala, “A'merekiko, pilangngeriA', he sikamma pandudu'na sikamma pa'rasangang bellaya. Sadiako untu' maju ri pangadelanga, maju mako nasorong parkaranu. Umba kissidang siagang, na nitappuki angkana inai annaba, inai sala.

YESAYA 41:1 Referans Kwoze

YESAYA 1:18

Nakana Batara, “Umba nanipa'le'ba' anne parkaraya. Manna pole nule'leng kamma uring napakamma dosa-dosanu, laKubissaiko sa'gennu a'jari kebo' sangkamma kapasa'. Manna pole najai siagang battala' dosa-dosanu, mingka laKupammopporang ngasengi.

HABAKUK 2:20

Niaki Batara lalang ri Balla'Na matangkasaka; siratangi sikontu taua ri tompo'na buttaya a'mereki ri dallekanNa.

ZAKHARIA 2:13

A'mereki ngaseng mako ri dallekanNa Batara! Nasaba' ammentemmi battu ri tampa' pammantanganNa ri suruga.

PAMMUJI 46:10

Napammari pa'bundukanga ri sikontu linoa, anrong panaya siagang pokea Naancuruki, pa'lapa' a'bundalaka untu' batangkalea Natunui.

YESAYA 34:1

Umba kirappungang, he bansa-bansaya, pilangngerimi. Lappassammi nabattu ngaseng sikontu buttaya siagang sikontu niaka ammantang ri tompo'na, nampa appilangngeri.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

AYUB 38:3

Kamma-kamma anne dallekamMa' sangkammako bura'ne, siagang pialimi anne sikamma pakkuta'nangKu.

YESAYA 50:8

Saba' ma'reppeseki Allata'ala, Napa'nyatai angkanaya tena nakusala. Inai ero' angngaganga' a'gea'? Umba kipara maju assama-sama. Inai angngewa'? Suromi a'reppese' mae ri nakke.

YESAYA 49:1

Pilangngeria', he sikamma pa'rasangang bellaya parhatikangi kana-kanangku. Nakio' memamma' Batara ri tenanapa kunilassukang, Napile memamma' bakukku nitianangngang.

YESAYA 48:16

Battu mako a'reppese' mae ri Nakke siagang pilangngeri, battu riolo iji Ku'bicaramo silambusu'na; na sikamma kanangKu tuli Kupa'rupai.” Kamma-kamma anne Nasuroa' Karaeng Allata'ala siagang Nasarea' koasa KalenNa.

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

YESAYA 41:5

Pandudu'na pa'rasangang bellaya naciniki apa Kugaukanga. Ta'bangkai siagang annekkereki ke'nanga lanri malla', nampa a'rappungang na battu mae.

YESAYA 43:9

Suroi sikontu bansaya a'rappungang siagang sikontu sukua asse're. Inai ri rewata-rewatana ke'nanga le'ba' ampaui apa kajarianga kamma-kamma anne? Inai ri ke'nanga akkulle antappui apa labattua sallang? Lappassammi maju sikamma sa'bina ke'nanga, na napa'butti angkana tojengi ke'nanga, sollanna sikontu tau allangngerekai ke'nanga angkanai, annaba memangi ke'nanga!

YESAYA 43:26

Piu'rangiangA', umba kimange ri pangadelang, pamajumi parkaranu sollanna a'nassa angkanaya annabako.