YESAYA 40:6 - KITTA' MATANGKASA'

⁶ Nia' sa'ra angkana, “Kabarrangi!” Akkuta'nanga', “Apa musti kukabarrang?” “Kabarrangi angkana rupataua rapang ruku', rapang bunga poro sinampe'ji ga'gana.

YESAYA 40:6 Referans Kwoze

PAMMUJI 102:11

saba' le'ba'ma' Kiangka' nampa Kipasambila' lalang pangngalarroi a'rinra-rinraTa.

AYUB 14:2

Ta'bakkaraki nampa kalumeng sanrapang bunga; lanynyaki sanrapang bayang-bayang, tulusu' a'jari lanynya'.

YESAYA 58:1

Nakana Batara, “Gassingi ammarrang! Pauangi sikamma dosana ummakKu.

PAMMUJI 92:7

Tau dongoka takkulleai napahang, tau toloa takkulleai napahang.

YEREMIA 31:6

Tojeng, lanarapiki sallang wattunna nasikamma pangawala'na kotaya lakkioki ri pa'monconganna Efraim, angkana, ‘Umba kinai' ri Sion, mange ri Karaeng Allata'alata.’ ”

YESAYA 40:3

Nia' kalangngerang sa'ra akkio' angkana, “Pasadiai oloanga ri parang lompoa untu' Batara. Lambusi agang lompoa ri parang lompoa untu' Allata'alata!

YESAYA 37:27

Sikamma tau niaka ammantang anjoreng tena kullena; ta'bangkai ke'nanga lanri malla'na. Rapangi ke'nanga ruku' ri parang yareka ruku' attimboa irate ri pattongko'na ballaka, a'jari kalotoroka punna niiri' ri anging bambang battu raya.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

HOSEA 5:8

Tuiki tarompeka ri Gibea! Pasa'rai tanra pakkioka untu' mange a'bundu' ri Rama! Ammarrangko sa'ra pa'bundukang ri Betel. Umba, tu Benyamin, majuko a'bundu'!

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

ZAKHARIA 1:14

nampa nasuroa' anjo malaekaka ampabattui apa Napaua Batara Kaminang Koasaya angkana, “Sanna' Kukarimangnginna siagang Kujampanginna kota Yerusalem, iamintu kotaKu matangkasaka.