YESAYA 40:5 - KITTA' MATANGKASA'

⁵ Nalanipa'nyata kala'biranNa Batara; sikontu rupataua lanasa'bi. Tojeng, KalenNa Batara le'ba' a'janji!”

YESAYA 40:5 Referans Kwoze

HABAKUK 2:14

Mingka rapang tamparang rassia siagang je'ne', buttaya lanipirassi tongi siagang pangngassengang ri sesena Batara siagang kakoasanNa.

YO"EL 2:28

“Le'baki anjo, sikontu taua laKupilumpai ngasengi siagang RohKu. Na sikamma ana'nu bura'ne baine lanapabattui pasang-pasangKu; tutoa-toa niaka ri alla'nu langgappai pappiso'na turungkaya bura'ne baine langgappai paccini'.

YESAYA 52:10

Napappicinikang Batara kakoasanNa ri dallekang matanna sikontu bansaya. Nanasa'bi sikontu buttaya kasalamakkang battua ri Allata'alata.

LUKAS 3:6

Lanacini'mi sikontu bonena linoa Napasalama' Allata'ala rupataua!’ ”

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

YESAYA 60:1

Ambangungko nai' siagang a'jariko singara', he Yerusalem, saba' nia'mi battu singara' kasalamakkannu; Allata'ala ansingariko siagang kala'biranNa.

YESAYA 11:9

Ri Sion, Bulu'Na Allata'ala Matangkasaka, tena tau ja'dala' yareka ammanraki. Rassi pa'rasanganga siagang pangngassengang ri Allata'ala, rapang je'ne' ampirassi tamparanga.

YESAYA 58:14

Na nularannu lanri nugaukanna ibadanu mae ri Nakke. LaKupa'jari tunipakalompoko ri sikontu linoa. Lasannangi tallasa'nu lanri wassele' tana pisaka battu ri Yakub, boenu. INakke, Batara anne le'ba' a'bicara.”

YESAYA 6:3

Akkioki ke'nanga battu ri se'rea mae ri maraengannaya angkana: “Matangkasa', matangkasa', matangkasa'. Matangkasaki Batara Kaminang Koasaya. Rassi linoa ri kahaderang mala'biri'Na.”

PAMMUJI 72:19

Nipujimi areng malompoNa satunggu-tungguna; poro rassi sikontu linoa siagang kala'biranNa! Poro kajariang lalo kammaya, Aming!

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.

LAMPA-LAMPANA 2:17

Nakana Allata'ala, ‘Ri allo kala'busanna jammanga laKupaturungi RohKu mae ri sikamma taua. Lanapabattuangko ana'-ana' bura'nenu siagang ana'-ana' bainenu sikamma apa-apa le'baka Kupabattu mae ri ke'nanga. Lanaciniki tu rungkanu apa-apa Kupappicinikanga mae ri ke'nanga. Lasso'nai tu toa-toanu, iamintu so'na Kupabattua mae ri ke'nanga.

YESAYA 66:23

Tunggala' Bulang Beru siagang allo Pammari-marianga labattui sikontu umma' rupataua untu' anynyomba ri Nakke ri Yerusalem.

IBRANI 1:3

Iami ampaccayai lalang ri KalenNa singara' kalompoanNa Allata'ala; Iami rupa ma'nyataNa battu ri KalenNa Allata'ala. Iatommi angkatutui kajarrekanna anne linoa, siagang sanna' makoasana kana Napaua. Ri le'ba'namo Nasare oloang rupataua untu' nilappassang battu ri dosa-dosana, mangemi ammempo ri empoang kala'biranNa ri suruga, ammarenta siagang Allata'ala, anna'galaka koasa kaminang tinggi.

2 KORINTUS 3:18

Kamma-kamma anne tenamo nanitongkoki bongong rupanta. Sanrapang maki' tau angngeranga caya malompoNa Batara Isa. Na lanri kammana minjo nakituli pila' nipinramo a'jari sangkamma KalenNa; pila' sallo pila' accaya maki'. Anjo caya malompoa, caya battu ri RohNa Batara.

YOHANES 12:41

Na'bicara kamma Na'bi Yesaya, lanri nacini'mi kala'biranNa Isa. Iaminjo nanasero kana anjo passalaka.

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

ZAKHARIA 2:13

A'mereki ngaseng mako ri dallekanNa Batara! Nasaba' ammentemmi battu ri tampa' pammantanganNa ri suruga.

YESAYA 1:20

Mingka punna angngewako ri Nakke, lamateko lalang bundu'. INakke, Batara, anne a'bicara mae ri kau ngaseng.”

YOHANES 17:2

Le'ba'mi Kipassareang mae ri AnatTa koasaya irateanna sikontu rupataua, sollanna akkulle Nasare katallassang mannannungang sikamma tau Kikellaia nisare.

MIKHA 4:4

Tunggala' taua laamangi siagang salewangang lalang tallasa'na ri tangnga koko anggoro'na siagang koko poko' arana; tenamo lampakamallaki, iaminjo janjinNa Batara Kaminang Koasaya.

YEREMIA 9:12

Akkuta'nanga' angkana, “Batara, angngapa nanibalang parekang anne pa'rasanganga a'jari roso' siagang kalotoro', sangkamma parang luara' tenaya ampanumaloi? Maka nia' akkulle cara'de' untu' ampahangi apa battuanna yangasenna anne? Inai tau le'ba' Kipisingariang sollanna akkulle napatulusu' anjo kasingaranga mae ri tau maraenga?”

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

YESAYA 35:2

Parang lompoa la'bakkaki sanna' jaina, nakkelong siagang kelong-kelong rannu. Ga'gana kammai Moncong Libanon, kanang-kananna rapangi ka'bunna Karmel siagang Saron. Na tunggala' tau lancinikai koasaNa Batara, siagang kala'biranNa Allata'alata.

PAMMUJI 102:16

KoasaNa Batara lanikamallakkangi ri sikontu bansa-bansa; kalompoanna lanikangalikangi ri sikontu karaenga,

PAMMUJI 96:6

Nikalimbuki ri kalompoang siagang kala'birang, Balla'Na rassi kakoasang siagang kaga'gang.

LUKAS 2:32

Sanrapang singara', ansingaria oloanna bansa-bansa maraenga, untu' labattu mae ri Katte; singara' angngeranga kala'birang mae ri ummatTa Israel.”

YEREMIA 32:27

“INakkemi Batara, Allata'alana sikontu rupataua. Tena apa-apa sukkara' mae ri Nakke.

YESAYA 66:16

Saba' sikontu tau nigappaya nia' salana lanihukkungi siagang pepe' na pa'dang, siagang jaimi nihukkung mate.

KALAPPASSANG 16:7

Ammuko lanucini' ngasengi singara' kahaderanNa Batara. Nalangngereki Batara angkanaya larro-larro ngasengko mae ri Ia; iyo, Batara nukalarroi, nasaba' anne ikambe poro parentaNaji nagaukang ikambe.

PAMMUJI 97:6

Langi' angkabarrangi kaadelanNa, na sikontu bansaya anciniki kala'biranNa.

YESAYA 34:16

Boyai siagang bacami lalang Kitta'Na Batara, niaka angkana: Tena manna se're anjo sikontu apa attallasa' nipa'jari latappela' yareka latena pasanganna. Saba' kammaminjo parentaNa Batara, siagang Ia KalenNa lampa'rappungangi ke'nanga.

YESAYA 40:4

Tunggala' ka'bunga musti nitambungi, monconga siagang buluka nilappari. Butta a'bontoa la'jari lapparaki, na ia a'buttu-buttua lanilaccuki.

YESAYA 41:20

Na sikontu taua lanaciniki siagang lanaassengi angkana iNakke, Batara, anggaukangi anjo. Lanaparhatikangi siagang lanapahangi ke'nanga, Allata'ala matangkasa'na Israel ampa'jari anjo kammaya.”

1 KARAENG-KARAENG 14:11

Ia anggota kaluarganu matea ri kotaya lanikanrei ri kongkong, siagang ia matea ri pantarang kotaya lanikanrei ri jangang-jangang. U'rangi, iNakkemi Batara anne a'bicara!’ ”

PAMMUJI 102:17

punna nabangung Batara ammotere' Sion, na maju lalang ri kalompoanNa.

YESAYA 26:15

Le'ba'mi Kipa'lappi-lappi jaina ummatTa, o Batara, Kipa'jari luara' daerana ikambe, lanri kammana anjo iKattemi nipakala'biri'.

YESAYA 66:18

Kuassengi pikkiranna siagang panggaukanna ke'nanga. NiakKa' battu untu' ampa'rappungangi sikamma taua battu ri sikontu bansa-bansaya. Ri wattunna a'rappung ke'nanga, lanacini'mi ke'nanga koasaKu.