YESAYA 40:4 - KITTA' MATANGKASA'

⁴ Tunggala' ka'bunga musti nitambungi, monconga siagang buluka nilappari. Butta a'bontoa la'jari lapparaki, na ia a'buttu-buttua lanilaccuki.

YESAYA 40:4 Referans Kwoze

LUKAS 3:5

Lanitambungi sikamma ka'bunga lanilappari sikamma buluka siagang bontoa Parallui nilambusi oloang a'lekko-lekkoa, na lanilappari oloang akkali'-kali'bonga.

YEHEZKIEL 21:26

INakke, Batara Kaminang Tinggia anne akkana. Lappassangi songko' kakaraengannu siagang sungkei soro'bannu. Kamma-kamma anne tappinrami kaadaanga. Angkaki empoanna tau kasi-asia siagang sarei ke'nanga koasa. Panaungi sikamma tau anna'galaka kakoasang battu ri kalompoanna!

LUKAS 18:14

Nakanamo Isa, “Patappa'mi angkanaya, ri wattunna ammotere' mange ri balla', iaminjo pasingara' simaya nitarima pappala'na ri Allata'ala. Jari teai pappala'na anjo tu Farisia. Nasaba' inai-nai ampakatinggi kalenna iami lanipakatuna. Na inai-nai ampakatunai kalenna, iami lanipakatinggi.”

YESAYA 45:2

“INakke lampasadiangko oloang; laKulapparri monconga siagang buluka, sikamma pakke'bu' tambagaya laKureppeki, na sikamma panjoli bassina laKutepoki.

YEHEZKIEL 17:24

Sikontu poko' niaka ri pa'rasangang lanapahangi angkanaya iNakke Batara. Poko' tinggia Kuta'bangi; poko' tenaya natinggi Kupattimboi a'jari tinggi nai'. Poko' copponga Kupa'jari kalotoro'; na poko' kalotoroka Kupaccu'laki siagang a'bakka'. INakke, Batara, anne akkana; na sikontu kanangKu la'rupa kabusuki.”

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.

YESAYA 42:11

Sikamma parang lompoa siagang kota-kotaya, mammujiko ri Batara, baji'mi na mammuji ri Batara pandudu'na Kedar! Pandudu'na kota Sela, akkio' rannuko, akkio'-kiokko battu rate ri coppo'na monconga!

PANGNGEBARANG 2:15

Kodi sipaki siagang jekkongi ke'nanga lalang tallasa'na.

YESAYA 40:3

Nia' kalangngerang sa'ra akkio' angkana, “Pasadiai oloanga ri parang lompoa untu' Batara. Lambusi agang lompoa ri parang lompoa untu' Allata'alata!

YESAYA 40:5

Nalanipa'nyata kala'biranNa Batara; sikontu rupataua lanasa'bi. Tojeng, KalenNa Batara le'ba' a'janji!”

YESAYA 49:11

LappareKa' oloang allaloa ri monconga, laKulappari ngasengi sikontu agang lompoKu.

ZAKHARIA 4:7

Manna pole pa'rompa kammaya moncong lompona la'lili ngaseng battu ri dallekannu. Ikau lambangungi ammotere' BallakKu, siagang ri wattu nupadongko'na batu pundasi bungasaka ri tampa'na, lakkioki taua angkana, ‘Tamaka ga'gana!’ ”

YESAYA 62:10

He pandudu'na Yerusalem, assulukko allalo ri pakke'bu' lompoa, pasadiai oloanga untu' sikamma tau ammotereka. Apparekko agang lompo, pabellai batu-batunna, paentengi sikamma banderaya untu' bansa-bansaya.