YESAYA 4:4 - KITTA' MATANGKASA'

⁴ Lanri koasaNa Batara laNaadeli siagang laNatangkasi umma'Na. LaNatangkasi Yerusalem battu ri cera'na sikamma tau nibunoa ri anjo kotaya.

YESAYA 4:4 Referans Kwoze

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

ZAKHARIA 13:9

Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

YEHEZKIEL 36:29

LaKupakabebasakko battu ri sikontu kara'massannu. LaKuparentakangi gandunga sollanna coppong timbona sa'gennu talanatujuamo kacipurang.

YESAYA 28:6

LaNasarei Batara kaadelang sikamma hakinga, kabaraniang mae ri sikamma tau tugasaka anjagai kotaya battu ri pa'bakkana musua.

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

ZAKHARIA 13:1

Nakana Batara Kaminang Koasaya, “Ri anjo alloa lappasolongA' se're timbuseng je'ne' untu' ampakatangkasaki jari-jarina Daud siagang pandudu'na Yerusalem battu ri dosana siagang ri gau' panynyombanna ke'nanga ri barhalaya.

YEHEZKIEL 22:15

LaKupasisa'la'-sa'laki pandudu'nu mange ri sikontu pa'rasanganga siagang bansaya, siagang laKupammari anjo panggaukang ja'dala'nu.

PIRAUNG 1:9

Ma'nassami nicini' ra'masa'na mingka tena najampangi apa lakajariang mae ri kalenna. Tamaka sanna'na karuntunganna, mingka tena manna sitau ero' battu ansaleori. Namappala'mo pangngamaseang battu ri Batara, lanri ammetanamo musu-musunna.

YESAYA 9:5

Nia' sitau ana' lassu' untu' ikatte; nisareki' sitau ana' bura'ne. Ia la'jari pamimpinta. Laniarengi: “Tumappakainga' Cara'de'”, “Allata'ala Pore”, “Mangge Mannannungang”, “Karaeng Passiamakkang”.

YESAYA 1:31

Rapangi rarame akkanrea lanri nitaba ri racci' bara pepe', kamma tomminjo sikamma tukoasaya lanipanraki lanri panggaukang-panggaukang kalenna tonji ke'nanga, iamintu kaja'dallanna ke'nanga. Nampa tena tau akkulle ampamari anjo kaancuranna.

YESAYA 1:15

Punna nupatara limannu appala' doang, tena Kuero' amparhatikangi. TaKujampangiai angkana siapa jaina pappala' doannu, taerokA' ampilangngeri, nasaba' iaminjo limannu jai sikali tau nabuno.

ZEFANYA 3:1

Nitunrai Yerusalem, kota ja'dalaka nangaia angngewa ri Batara siagang anjallakkangi pandudu'na pa'rasangang kalenna!

PAMMUJI 51:2

ri le'ba'na nipakainga' ri Na'bi Natan lanri a'gau' salimara'na siagang Batsyeba.

KELONG MALA'BIRI' 3:11

Assulukko, he sikamma tulolonna Sion, ciniki Karaeng Salomo siagang songko' bulaeng nipataba ri amma'na ri allo pa'buntinganna, ri allo pa'rannu-rannuanna.

YESAYA 9:19

Ri sikontu anjo pa'rasanganga massing a're'bu'mi siagang sambarang mami apa-apa nakanre, mingka tena bassoro'na ke'nanga. Ba'lalo massing para iami sikanre-kanre sipa'agangngang!

YESAYA 1:25

LangngalleA' tindakang mae ri kau. Rapang tau lannangkasia pera' yareka bulaeng, kammaminjo laKutangkasi tongko; sikontu apa ra'masaka laKupabellai battu ri kau.

YESAYA 27:9

Mingka iapa nakkulle nipammopporang dosa-dosana Israel punna nigiling sikamma tampa' pakkoro'bangnganga mae ri rewata-rewataya sa'genna a'jari alusu' rapang pa'leo'. Sikamma pa'dupanga siagang pannanraina rewata baine niarenga Asyera musti niancuru' tongi.