YESAYA 39:3 - KITTA' MATANGKASA'

³ Nampa battumo Na'bi Yesaya andallekang siagang akkuta'nang ri Karaeng Hizkia angkana, “Battu kemae ngasengi anjo taua? Apa nakana ke'nanga?” Appialimi Hizkia angkana, “Battu ri Babel ke'nanga, pa'rasangang bella.”

YESAYA 39:3 Referans Kwoze

PAOLE 28:49

Nia' se'reang bansa tenaya nuassengi bicaranna laNapabattu Batara battu ri cappa'na buttaya anne untu' angngewako. Rapang jangang-jangang rajawali labattui antamberoko.

YEREMIA 5:15

He umma' Israel, Napabattui Batara bansa battua ri pa'rasangang bella untu' ambundukiko. Anjo bansaya nia' memammi battu riolo dudu, tanuassengai nupahang bicaranna. Teai sipato' kassa'na ke'nanga,

2 PATTOTTORANG 16:7

Anjo wattua niaki Na'bi Hanani battu mange ri Karaeng Asa na nakana, “Lanri tanjeng maeko ri karaeng Siria, tena nutanjeng mae ri Karaeng Allata'alanu, tappela'mi kasampatannu untu' ambetai tantarana karaeng Israel.

2 SAMUEL 12:1

Le'baki anjo Nasuromi Batara Na'bi Natan mange angngagangi sibuntulu' Daud. A'lampami Natan mae ri ia na nakana, “Nia' rua tau ammantang lalang ri se'reang kota; anjo se'rea kalumanynyangi nampa anjo se'reanga pole kasi-asi.

YESAYA 38:5

ammotere' poleang mange ri Hizkia nampa napabattu anne pasanga angkana, “INakke, Batara, Allata'ala nasombaya Daud boenu, Kulangngere'mi pappala' doannu siagang Kucini'mi je'ne' matannu. LaKutambai umuru'nu sampulo allima taung sallona.

YESAYA 38:1

Tabellayai ri anjo wattua, tu'guru' garrimmi Karaeng Hizkia, na'birimmo mate. Mangemi Na'bi Yesaya ana'na Amos antoaki, na nakana, “Appasangi Batara sollanna kipa'le'ba' baji urusanta, lanri tenamo kilammolle ri garrinta karaeng. Tasalloami nakimate.”

2 PATTOTTORANG 25:15

Anjo sikamma panggaukanna Napakalarroi Batara. Assuroi sitau na'bi mange ri Amazia. Nakana anjo na'bia, “Angngapa kinynyomba mae ri rewatana bansa maraenga tenaya nakkulle ampasalamaki bansa kalenna battu ri kakoasanta?”

YOSUA 9:9

Appialimi ke'nanga angkana, “Battu ri pa'rasangang bella dudui ikambe karaeng, lanri nalangngere'namo ikambe ri passala'na Karaeng Allata'ala kisombaya. Nalangngere'mi ikambe sikontu apa Nagaukanga ri Mesir,

YOSUA 9:6

Kammaminjo kaadaanna ke'nanga na'lampa mange ri Yosua niaka ri pakkemaang ri Gilgal. Nampa nakana ke'nanga mae ri Yosua siagang tu Israel, “Ikambe anne battui ri pa'rasangang bellaya, ero' appare' parjanjiang siagang ikatte ngaseng karaeng.”

2 PATTOTTORANG 19:2

nia'mo sitau na'bi niareng Yehu ana'na Hanani battu mange andallekang ri karaenga. Nakanamo anjo na'bia ri ia, “Maka siratangki' ambantui tau ja'dalaka siagang agang mae ri tau birisika ri Batara? Larroi Batara lanri anjo panggaukang kammata.

YESAYA 39:4

Akkuta'nammi pole Na'bi Yesaya angkana, “Apa nacini' ke'nanga ri balla' lompoa?” Appialimi Hizkia angkana, “Yangaseng-ngasenna. Tena barang-barang lalang ri pammolikanga ri balla' lompoa takupappicinikang mae ri ke'nanga.”

YEREMIA 4:16

Napakaingaki ke'nanga bansa-bansaya siagang napabattuangi pandudu'na Yerusalem angkanaya nia'mi battu bella mae musua. La'gora-gorai ke'nanga ero' ambunduki kota-kota Yehuda

YEREMIA 8:19

Pilangngeri! Rassi sikontu pa'rasanganga piraunna bansaku akkuta'nang angkana, “Tenakami Batara ri Sion? Kemae karaenna kamma-kamma anne?” Appiali Batara, Karaenna ke'nanga, angkana, “Angngapa nusu'ju' ri rewata-rewataya ia tena sikalia matu-matunna? Angngapa nupa'risi nyawaKu lanri anynyombanu ri barhala-barhalaya?”