YESAYA 37:4 - KITTA' MATANGKASA'

⁴ Nasuroi karaeng Asyur perwira tantarana untu' anghinai Allata'ala mattallasaka. Inai angngassengi, gassingka Nalangngereki Karaeng Allata'ala anjo panghinaanga na Nahukkung tau ampasulukai anjo kana kammaya! Lanri kammana anjo appala' doang laloko mae ri Allata'ala untu' sikamma tau attallasaka ija.”

YESAYA 37:4 Referans Kwoze

YESAYA 36:20

Rewata kereanga le'ba' allappassangi pa'rasanganna battu ri kakoasangku? Kemae lakkulle Batara lampasalamaki Yerusalem!’ ”

YESAYA 1:9

Ebara' angkana tena Napata'lappasaki Batara Kaminang Koasaya siapa are tau battu ri katte, ma'nassa cappu' ngaseng maki', rapang kota Sodom siagang Gomora.

YESAYA 10:22

Manna pole kamma-kamma anne sangkamma jaina kassika ri tamparang anjo jaina tu Israel, mingka siapa are mami jaina lammotere'. A'reppese'mi hukkunganNa Batara, na memang siratangi siagang adeleki punna nipanraki anjo bansaya.

PAMMUJI 106:23

Jari ero'mi Allata'ala ampossoki umma'Na, mingka nipisangkai ri Musa, tunipileNa. Musa a'jari antangngai ke'nanga, sa'genna naung larroNa Allata'ala.

YAKOBUS 5:16

Lanri kammana, paralluko massing ammangakui kasalannu mae ri parannu tau, siagang sipappala' doangangko, sollannu nipammolle. Pappala' doangang situruka ero'Na Allata'ala, lompo sikali kakoasanna.

ROMA 9:27

Naterassimi nakana Na'bi Yesaya ri sesena bansa Israelka, “Manna pole nasangkamma kassika ri tamparanga jaina bansa Israelka, mingka sike'de'ji lasalama';

AMOS 5:15

Kabirisi kaja'dallanga, siagang mangngaiko ri kabajikanga, paentengi kaadelanga. Gassingka laNakamaseangi Batara sikamma tau tassesaya battu ri bansa Israel.

YO"EL 2:17

Suroi sikamma imanga allayani Batara, angngarru' ri alla'na tampa' pakkoro'bangnganga siagang ri tampa' pattiro-tiroang ri dallekanga, na angkana, “Kisayang laloi ummatTa, o Batara; teaKi' lappassangi taunTa nicalla,” sa'genna appiandere' bansa-bansa maraenga siagang angkana, “Kemaeji Allata'alana ke'nanga?”

YESAYA 36:18

Teako pilangngeri Hizkia! Natipu jako bawang nanakana laNapasalamakko Batara. Le'bakkai nia' rewata bansa maraeng ampasalamaki pa'rasanganna battu ri kakoasangku?

YESAYA 36:13

Nampa ammenteng anjo perwira tantarana Asyur nammarrang lalang bicara Ibrani angkana, “Pilangngeri apa nakananga karaeng Asyur,

PAMMUJI 50:21

Iaminjo nugaukang, mingka a'merekijA' bawang, jari nupikkiri'mi angkana sangkammA' ikau. Mingka kamma-kamma anne Kucallako, na yangasenna anjo Kupa'nyatai mae ri kau.

2 PATTOTTORANG 28:19

Lanri nabokoina Ahas karaeng Yehuda Batara, siagang tena naparentai ra'yaka situru' ero'Na Batara, appabattumi kasusaang Batara mae ri tu Yehuda.

2 KARAENG-KARAENG 19:4

Nia'mo sitau panglima tinggi pangka'na battu nasuro karaeng Asyur untu' antunai Allata'ala mattallasaka. Inai angngassengi, gassingka Nalangngere'mi Karaeng Allata'alanu anjo kana-kana mappakatunaya mae ri KalenNa, siagang Nahukkung tau le'baka ampasuluki anjo kana kammaya. Lanri kammana anjo appala' doang laloko mae ri Allata'ala untu' taunta attallasaka ija.”

2 KARAENG-KARAENG 17:18

sa'genna larro sikalimo mae ri ke'nanga siagang tenamo Naparhatikangi ke'nanga. Napelaki ke'nanga battu ri butta le'baka Napassareang mae ri ke'nanga. Ia ammantanga tassesa iamintu kakaraengang Yehuda mami.

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

1 SAMUEL 17:36

Le'ba'mi atanta ammuno singa siagang beruang. Na anjo tu Filistin kapereka lasangkamma tommi sarenna anjo sikamma olo'-olo' kubunoa, nasaba' barani anghinai tantaraNa Allata'ala attallasaka.

1 SAMUEL 17:26

Nakanamo Daud, “Barani tojengi anjo tu Filistin kapereka ampa'ngarai tantaraNa Allata'ala attallasaka!” Nampa akkuta'nang mae ri kalase'renna tantaraya angkana, “Apa lanisareangi tau akkullea ambunoi anjo tu Filistin siagang antongkokai siri'na tu Israel?”

1 SAMUEL 14:6

Nakanamo Yonatan ri anjo turungkaya, “Umba kimange ri balla' jagana anjo tu Filistin kapereka. Gassingka ero'ji Batara antulungki'. Nasaba' akkullei Nasare Batara pammetang taua, baji' napunna jai tau kammayatompa lalang sike'de'na tau.”

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.

1 SAMUEL 12:19

Nakanamo ke'nanga mae ri Samuel, “Tulungi ikambe bapa'. Kipappala' doangangi ikambe anne mae ri Karaeng Allata'alanu, sollanna tamatea ikambe. Kamma-kamma anne sadara'mi ikambe angkanaya pantaranganna dosana ikambe riolo, dorakami pole ikambe lanri appala'na ikambe sitau karaeng.”

1 SAMUEL 7:8

Nakanamo ke'nanga ri Samuel, “Teako ammari appala' doang mae ri Karaeng Allata'alata, sollanna Napasalamakki' battu ri tu Filistin.”

YOSUA 14:12

Lanri kammana anjo, sareamma' kamma-kamma anne daera pa'moncongang Napa'janjianga Batara mae ri nakke ri wattungku ammotere' siagang sikamma tau kuaganga angngerang laporang. Anjo wattua kalennu allangngereki, angkanaya anjoreng nia' bansa lompo tinggia pakkaleanna, niarenga bansa Enak. Lalangi ke'nanga ri kota-kota lompo nitemboka tammulilina ammantang. LaNatulunga' kapang Batara, sa'genna akkulle kubongka ke'nanga, sangkamma Napaua Batara.”

YESAYA 10:20

Nia' sallang nanarapi' wattunna, na anjo bansa Israel niaka tassesa tenamo nalanapappirannuang kalenna mae ri bansa koasaya mae ri ke'nanga, sattika ampaccappuki ke'nanga, passangalinna napappirannuangi sarenna mae ri Batara, Allata'ala matangkasa'na Israel.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 37:5

Natarimana anjo pasang battua ri Karaeng Hizkia,

YESAYA 37:17

O, Batara, Kiparhatikang laloi apa kajarianga mae ri kambe kamma-kamma anne. Pilangngerimi sikamma kana-kana mappakatunana Sanherib mae ri Katte, Allata'ala mattallasaka.

YESAYA 37:31

Tu Yehuda niaka ija attallasa' lakala'biangi lalang tallasa'na, rapang lamung-lamung lantang sikalia aka'na, nabaji' rapponna.

YESAYA 37:32

Ri Yerusalem siagang irate ri Bulu' Sion lania' tau salama', lanri le'ba'na Napattantu Batara Kaminang Makoasaya angkana lakammai anjo passala' lakajarianga.

YESAYA 46:3

PilangngeriA', he turunganna Yakub, ikau ngaseng niaka tassesa ri ummakKu. Le'ba' mako Kuparakai baku' nilassukannu.

YEREMIA 26:19

Mingka Karaeng Hizkia siagang tu Yehuda tena nabunoi Na'bi Mikha. Ba'lalo malla'mi Hizkia mae ri Batara siagang napala'mi sollanna nanikamaseang. Jari taNapa'jariami Batara anjo ero'Na untu' ampabattui cilakaia mae ri ke'nanga. Na kamma-kamma anne, sike'de' mamaki' anne appabattu cilaka lompo mae ri kalenta.”

YEREMIA 42:2

mae ri nakke nampa angkana, “Bapa', sangkamma kicinika kalenta, ikambe anne riolo jaiki', na kamma-kamma anne sike'de' mamaki' ammantang. Napalaki ikambe ri katte Bapa', nakiero' ampappala' doangngangi ikambe mae ri Karaeng Allata'ala kisombaya. Kipappala' doangngangi ikambe anne niaka ija tassesa ri Karaeng Allata'ala kisombaya,

DANIEL 2:18

Nasuromi ke'nanga appala' doang mae ri Allata'ala ri suruga sollanna mangngamaseang mae ri ke'nanga na Nasungke rahasiana anjo so'naya. Lanri kammana anjo tenamo nanihukkung matei ke'nanga siagang kabusu' sikamma tau cara'de' maraenganga.

AMOS 7:2

Anjo katimbang jaia a'biringi nakanre sa'genna la'busu' sikontu timbo-timboanga ri buttaya. Nampa kukanamo, “O Batara Kaminang Tinggia, Kipammopporang laloi ummatTa! Teai sipato' ca'dina siagang lammana ke'nanga, jari antekamma batena lakkulle ke'nanga attahang?”

2 PATTOTTORANG 34:21

“A'lampako mange akkuta'nang ri Batara untu' inakke siagang untu' sikontu tu Israel siagang tu Yehuda niaka ija kamma-kamma anne ri passala'na bonena anne kittaka. Larroi Batara mae ri katte lanri tena nagaukangi boe-boeta sikamma apa niparentakanga lalang ri anne kittaka.”

YESAYA 1:8

Yerusalem mami ammantang, mingka anjo kotaya nikulilingimi ri musu, tenamo kullena; rapang mami balla' koko ca'di ri koko anggoroka, yareka balla' kepo-kepo ri koko bonteka.

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.