YESAYA 36:9 - KITTA' MATANGKASA'

⁹ Manna perwira Asyur kaminang tunaya tena todong nukkulle angngewai. Mingka kamma nurannuanna tu Mesir akkiring kareta bundu' siagang pasukang a'jarang!

YESAYA 36:9 Referans Kwoze

YESAYA 10:8

Lanapa'borroangi kalenna, na nakana, “Sikamma panglimaku sangnging karaeng!

YEREMIA 2:36

Linta' sikaliko a'lampa mange ri rewata-rewatana bansa maraenga untu' appala' tulung! Mattantu lanipakala'bai nyawanu ri tu Mesir, sangkamma batenu nipakala'ba nyawanu ri tu Asyur.

YESAYA 36:6

Memang nurannuangi bantuanna Mesir, mingka anjo kammaya rapanji ammake poko' rea a'jari takkang; – sinampe' tepoki anjo takkanga nampa nato'do' limannu. Kammaminjo kagassinganna Mesir mae ri sikontu tau manrannuanga ri ia.’ ”

YESAYA 31:3

Anjo tu Mesirka tau biasaji bawang, teai Allata'ala. Jaranna ke'nanga olo'-olo' biasaji, teai Batara. Punna angngalle tindakang Batara, anjo bansa lannulunga latatto'roi siagang anjo bansa lanitulunga latu'guruki. Jari kale'bakkanna lapanra' rua-ruai.

YESAYA 30:7

Sia-siaji bantuanna Mesir. Lanri kammana anjo nigallara'mi Mesir, ‘Naga tenaya bahayana’.”

YESAYA 20:5

Sikamma tau ampattoangai Sudan siagang angkalompoang pa'maiki Mesir lala'ba ngasengi pa'mai'na siagang laancuruki pa'minasana.

PANGNGEBARANG 21:31

Manna pole nipa'langka' pa'bundukanga siagang jarang pa'bundukang, mingka ampattantuai pammetanga iamintu Batara.

2 KARAENG-KARAENG 18:24

Manna untu' angngewayai perwira tantarana ikambe kaminang tunaya, tena todong nanukullei. Mingka kammaji manrannuannu angkanaya lakkiringi karaeng Mesir bantuang kareta pa'bundukang siagang pasukang a'jarang!

PAOLE 17:16

Se'rea karaeng takkulleai ammallaki jai jarang untu' tantarana siagang takkulleai nasuro anne bansaya ammotere' mange ri Mesir untu' ammalli jarang, lanri le'baki Napau Batara angkanaya takkulleai ammotere' umma'Na mange ri anjo pa'rasanganga.

2 KARAENG-KARAENG 7:6

Nasaba', nia'mo Napappilangngerang Batara mae ri ke'nanga sangkamma sa'ra gamarrung pasukang lompo a'jarang siagang angngerang kareta maju ero' ambunduki ke'nanga. Nakapangi tu Siria angkanaya le'baki karaeng Israel ambayaraki karaeng Het siagang Mesir kammayatompa tantarana untu' ambunduki ke'nanga.

YESAYA 36:8

Kamma-kamma anne inakke lalang arenna karaeng Asyur barania' ambotori angkanaya punna nisareko ruassa'bu jarang, mattantu tena sikamma anjo jaina tau akkulle andongkoki anjo jaranga.