YESAYA 36:7 - KITTA' MATANGKASA'

⁷ Nampa nakanamo pole anjo perwira tantarana Asyur, “Yareka barang nukana manrannuangko mae ri Karaeng Allata'alanu? Ri wattunna naparentakang Hizkia sollanna sikamma tu Yehuda siagang tau niaka ri Yerusalem, ri dallekanna ngasenji bawang tampa' pakkoro'bangngang ri Yerusalem anggaukangi ibadana, sai apa naancuraka ia tonji anjo tampa' pakkoro'bangnganga siagang tampa'-tampa' panynyombanga ri Batara kalenna?

YESAYA 36:7 Referans Kwoze

1 KORINTUS 2:15

Inai-nai nikoasai ri RohNa Allata'ala, akkulle ngasengi napahang sikontu apa-apaya; mingka kalenna anjo taua manna sitau tania' akkulle ampahangi.

PAMMUJI 42:5

Punna kuu'rangi wattu riolo si'nai pa'maikku, ri wattungku mange ri Balla'Na Batara ri Yerusalem siagang tau jaia appare' passua'-suarrang. A'jappa' ri dallekanna barisang tau jaia akkio' rannu akkelong lagu pammuji.

2 PATTOTTORANG 32:12

Ia KalenNa angngancuruki tampa'-tampa' panynyombanga siagang tampa'-tampa' pakkoro'bangnganga mae ri Batara, nampa nasuro tu Yehuda siagang tu Yerusalem untu' anynyomba siagang attunu dupa ri se're bawang tampa' pakkoro'bangngang.

2 PATTOTTORANG 31:1

Le'baki nagaukang ke'nanga anjo passua'-suarranga, a'lampami sikontu ra'yaka mange ri sikontu kota Yehuda, nampa naancuru' patung-patunna barhalaya, naruntung sikontu patung-patung le'baka nibangung untu' Dewi Asyera, siagang naputta tampa'-tampa' pakkoro'bangnganga siagang tampa'-tampa' panynyombanga mae ri barhalaya. Kamma tomminjo nagaukang ke'nanga ri tampa'-tampa' maraenga ri Yehuda siagang ri daera-daera Benyamin, Efraim, siagang Manasye. Le'baki anjo massing ammotere' ngasemmi ke'nanga mange ri massing kamponna.

2 PATTOTTORANG 30:14

Sikontu tampa' pakkoro'bangngang niaka ri Yerusalem le'baka nipake untu' assare koro'bang siagang attunu dupa mae ri rewata-rewataya, nialle kabusuki nampa nipela' antama' ri Ka'bung Kidron.

1 PATTOTTORANG 5:20

Anjo tantaraya tappaki ri Allata'ala siagang appala' tulungi mae ri Ia, naniturukiang pappala'na ke'nanga iamintu nisarei pammetang ke'nanga mae ri anjo tu Hagri siagang agang-aganna.

2 KARAENG-KARAENG 18:22

Nampa nasambungi bicaranna anjo perwirana tantara Asyur angkana, “Yareka nukana lamanrannuangko mae ri Batara, Allata'alanu? Ri wattunna naparentakang Hizkia sollanna tu Yehuda siagang tu Yerusalem poro ri dallekannaji bawang tampa' pakkoro'bangnganga akkulle anynyomba, sai iatonji anjo tampa' pakkoro'bangnganga siagang tampa'-tampa' panynyombanga ri Batara naancuru'?

YESAYA 36:8

Kamma-kamma anne inakke lalang arenna karaeng Asyur barania' ambotori angkanaya punna nisareko ruassa'bu jarang, mattantu tena sikamma anjo jaina tau akkulle andongkoki anjo jaranga.