YESAYA 36:16 - KITTA' MATANGKASA'

¹⁶ Teako pilangngeri Hizkia! Inakke, Karaeng Asyur ampalaki sollannu assulu' ngaseng battu ri kotaya numanyara. Sinampe' akkulleko angnganre rappo anggoro' battu ri koko kalennu, siagang angkasiaki rappo ara battua ri poko' ara kalennu, siagang angnginung battu ri bungung kalennu,

YESAYA 36:16 Referans Kwoze

ZAKHARIA 3:10

Punna battu sallang anjo alloa, tunggala' taua lanakioki siampi' balla'na untu' battu siagang ampisa'ringi kasiamakkanga siagang salewanganga ri tangnga-tangngana koko anggoro'nu siagang poko'-poko' aranu.”

MIKHA 4:4

Tunggala' taua laamangi siagang salewangang lalang tallasa'na ri tangnga koko anggoro'na siagang koko poko' arana; tenamo lampakamallaki, iaminjo janjinNa Batara Kaminang Koasaya.

2 KORINTUS 9:5

Iaminjo saba'na naparallu kusuro a'lampa riolo anjo ke'nanga mae ri kau, angngurusuki anjo sumbangang le'baka nupa'janjiang. Kammami anjo kugaukang sollanna punna battua' sallang, sadiami anjo sumbangannu. Lanri kammana, a'nassami angkanaya tena nabattala' passangalinna te'nei pa'mai'nu ampassareangi anjo sumbanganga.

PANGNGEBARANG 5:15

Lanri kammana anjo, teako amminrai pa'mai'nu mae ri bainennu siagang mangngaiko mae ri ia bawang.

2 KARAENG-KARAENG 18:31

Teako pilangngeri Hizkia. Inakke, karaeng Asyur ansuroko sollannu assulu' battu ri kotaya siagang nupassareang kalennu. Sinampe' akkullei nukanre rappo anggoro' battua ri koko kalennu, siagang nukasia' rappo ara battua ri poko' ara kalennu, kammayatompa angnginung je'ne' battu ri bungung kalennu,

2 KARAENG-KARAENG 5:15

Nampa ammotere'mo siagang sikontu paeranna mange ri Elisa. Nakanamo Naaman ri Elisa, “Kamma-kamma anne kuassemmi angkanaya ri sikontu anne linoa se'reji bawang Allata'ala, iamintu Allata'ala nisombaya ri tu Israel. Lanri kammana anjo kuminasai nakiero' antarimai anne passareku.”

1 KARAENG-KARAENG 4:20

Ra'ya' Yehuda siagang ra'ya' Israel sanrapangi kassika ri biring tamparang jaina. Anggannaki ke'nanga ri kanre siagang ri inungang kammayatompa sannangi katallassanna ke'nanga.

2 SAMUEL 8:6

Nampa ambangung Daud pakkemaang-pakkemaang tantara lalang ri daerana ke'nanga, siagang tundu'mi ke'nanga kammayatompa a'bayara' passare mae ri ia. Nisarei Daud ri Batara pammetang manna pole kemae napa'bunduki.

1 SAMUEL 25:27

Kitarimami anne passare naeranga atanta untu' karaengku siagang ana' buana karaengku.

1 SAMUEL 11:3

Nampa appialimo sikontu pamimping-pamimpinga ri kota Yabesh angkana, “Kisarei tempo ikambe tuju allo sallona, sollanna akkulle ikambe assuro tau mae ri sikontu butta Israel. Punna tena ero' antulungi ikambe, latundu'mi ikambe mae ri katte.”

PA'JARIANG 33:11

Kupalaki, nakitarima anne passare kueranga. Baji' pa'mai'mi Allata'ala mae ri nakke na Nasarema' sikontu apa kuparalluanga.” Tuli napala' dudumi Yakub ri daenna, nakala'busanna ero'mi Esau antarimai anjo passarena.

PANGNGEBARANG 27:18

Inai ammarakai poko' rappo-rappoang, lanakanrei rapponna. Laningai palayanga punna napakalompo karaenna.

YESAYA 36:17

sa'gennu kupalette' mange ri pa'rasangang eroka sangkamma pa'rasangang kalennu. Anjoreng nia' koko anggoro' jaia wassele'na untu' ikau, siagang koko gandung assarea wassele' labu' untu' a'jari kanrenu.