YESAYA 36:10 - KITTA' MATANGKASA'

¹⁰ Nukana battui ikambe ambunduki siagang ambetai pa'rasangannu natena Nibantui ikambe ri Batara? KalenNa Batara ansuroi ikambe battu ambunduki siagang angngancuruki pa'rasangannu.”

YESAYA 36:10 Referans Kwoze

2 KARAENG-KARAENG 18:25

Nukapangi angkanaya nabundukiko ikambe siagang nakibeta pa'rasangannu natanibantua ikambe ri Batara? KalenNa Batara ansuroi ikambe ambunduki siagang angngancuruki pa'rasangannu!”

1 KARAENG-KARAENG 13:18

Jari a'balle-ballemi anjo na'bi toa battua ri Betel angkana ri ia, “Inakke na'bi tonja' sangkamma ikatte. Lanri parentaNa todong Batara na Nasuro malaeka'Na ampauanga' sollanna kubuntuliki' siagang kutoanaki' ri ballakku.”

2 PATTOTTORANG 35:21

mingka akkirimmi pasang Nekho mae ri Yosia angkana, “Anne bunduka teai urusannu, karaeng Yehuda! Erokka' battu teai ikau lakuagang a'bali a'bundu', passangalinna untu' angngewai musu-musungku, siagang Nasuroa' Allata'ala akkaro-karo a'gio'. Agang mae ri nakke Allata'ala, lanri kammana anjo teako rompaia', gassingka ikau sallang niancuru'.”

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?

YESAYA 37:28

Mingka tena taKuasseng ri passala' batangkalennu. Kuassengi apa nugaukanga siagang kemae lampanu. Kuassengi angkanaya larro sikaliko mae ri Nakke,

1 KARAENG-KARAENG 22:6

Jari napa'rappungammi Ahab kira-kira nia' 400 na'bi, nampa akkuta'nang ri ke'nanga angkana, “Maka akkulleja' mange ambunduki Ramot yareka tena?” Appialimi ke'nanga angkana, “Akkullei! LaNapassareangi Batara anjo kotaya mae ri katte.”

1 KARAENG-KARAENG 22:12

Situjumi sikontu na'bi maraenga na nakana ngaseng, “Bundukimi Ramot, lammetaki'. LaNasareki' pammetang Batara.”