YESAYA 34:5 - KITTA' MATANGKASA'

⁵ Napasadiami pa'danNa Batara ri suruga, na kamma-kamma anne latattabami anjo pa'danga mae ri bansa Edom, le'baka nitappuki hukkunganna laniancuru'.

YESAYA 34:5 Referans Kwoze

YEREMIA 46:10

Mingka inakke, Yeremia kukanamo, iaminne allonNa Karaeng Allata'ala Kaminang Tinggia siagang Kaminang Koasaya; ri anjo alloa Napa'balassi sikontu musu-musunNa. Pa'danNa bassoroki angnganre tau siagang angnginung cera'. Anne alloa Batara Kaminang Koasaya, Nasamballei koro'bang-koro'banga wara', ri anjo birinna Binanga Efrat.

MALEAKHI 1:4

Ebara' angkana anjo jari-jarina Esau, iamintu tu Edom angkanai, “Le'ba'mi niancuru' kota-kotana ikambe, mingka lanabangungi ikambe ammotere',” lappialimi Batara angkana, “Akkullei nabangung ke'nanga ammotere', mingka laKurumbangi. Laniarengi ke'nanga ‘Pa'rasangang Bassung’ siagang ‘Bansa natabaia pangngalarroinNa Batara sa'genna satunggu-tungguna.’ ”

YESAYA 63:1

“Inaika anjo niaka battu ri Bozra ri Edom? ejai bajunna, pakeanna accayai; teai sipato' gammara'na batena a'jappa.” “INakkemi Batara akkullea appasalama' siagang battua angngerang kabara' pammetang.”

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

ZEFANYA 2:12

Kammayatompa pandudu'na Sudan lanihukkung mate tongi ri Batara.

YEREMIA 47:6

Ammarrangko angkana, ‘Siapapi sallonu la'bundu', he pa'danNa Batara? Ammotere' mako antama' ri banoannu nampa ammantang mako anjoreng siagang sannang!’

YESAYA 24:6

Lanri kammana anjo Natunraimi Batara buttaya siagang Nahukkummi pandudu'na lanri panggaukanna ke'nanga. Nipa'jari ammutungi ke'nanga siagang sike'de' mami battu ri ke'nanga salama'.

PAMMUJI 137:7

O, Batara, Kiu'rangi panggaukanna tu Edom ri wattunna niancuru' Yerusalem. Nakana ke'nanga, “Rumbangi, rumbangi sa'genna naung ri lappara'na!”

PAMMUJI 17:13

Ammenteng maKi', o, Batara ewai musungku siagang naKibeta ke'nanga. Kipasalamakka' siagang pa'danTa battu ri pa'bakkana tau ja'dalaka.

PAOLE 32:14

Olo'-olo'na appabattui wassele' jai dageng siagang dadi'; gandunna siagang je'ne' anggoro'na kaminang baji'.

PAPPICINI' 1:16

Lima kananNa anna'galaki tuju bintoeng, na battu ri bawaNa nia' assulu' pa'dang sannaka taranna, siagang tarang pimbali-balia. RupanNa accayai sangkamma matanna alloa ri wattu tangngana alloa.

2 PETRUS 2:14

Nasaba' tenamo lanrena ke'nanga a'gau' dosa, sa'genna ia mami pangngainna ke'nanga iamintu ancinikia tojengi baine pagau' bawanga. Na nanyonyo'mo tau beru tappaka siagang tau tenaya najarre' tappa'na. Le'ba' a'jari biasami atinna ke'nanga ri kangoanga. Anjo ke'nanga sangnging tau langgappa pangngalarroi!

GALATIA 3:10

Sikamma tau tanjenga mae ri hukkung-hukkung agamaya, laniparawa ngasengi ri pangngalarroiNa Allata'ala. Nasaba' nia' tattulisi' lalang ri Kittaka angkanaya, “Inai-nai tena najarre' anggaukangi apa-apa tattulisika lalang ri Kitta' Hukkung Agamaya, langgappai pangngalarroi battu ri Allata'ala!”

1 KORINTUS 16:22

Inai-nai tena namangngamaseang mae ri Batara, lappassammi anggappa pangngalarroi! Maranatha – O, Batara, battu maKi' linta'!

YESAYA 43:28

imang-imannu narantassi ballakKu. Jari Kupassareammi nihina Israel, Kubalang parekangi turunganna Yakub nitumpasa'.”

YESAYA 65:12

Lamate ngasengko passabakkang gau' katerassang. Saba' ri wattungKu akkio', tena nuppiali, siagang ri wattungKu a'bicara, tena nuppilangngeri. La'bi nungaiangngangi angngewaya ri Nakke siagang anggaukangi ja'dalaka.

YEHEZKIEL 32:29

Edom niaki anjoreng siagang sikontu karaenna kammayatompa sikontu pamarentana. Riolo ke'nanga tantara kassa', mingka kamma-kamma anne anra'bami ri linona tau matea siagang tau mate maraenga tenaya natappa' ri Allata'ala.

YEHEZKIEL 35:1

Nakana Batara ri nakke,

YEHEZKIEL 35:8

Sikamma monconga laKutongkoki siagang maya'-maya'nu, buluka siagang ka'bunga laKupirassi siagang tau mate lalang pa'bundukang.

YEHEZKIEL 35:15

sangkamma todong sannannu ri wattunna a'jari sino Israel Kupatanga. Moncong-moncong Seir, ba'lalo sikontu Butta Edom la'jari sino sikali. Jari sikontu taua lanaassemmi angkanaya iNakkemi Batara.’ ”

YESAYA 21:11

Iaminne pappasang ri passala'na Edom. Nia' tau akkio' battu ri Edom mae ri nakke, nakana, “He, pajaga, sallo ijakai anne bangngia? Pirang tetteppi nampa bari'basa'?”

ZEFANYA 1:7

A'reppese'mi allonNa Batara; anjo alloa langngallemi tindakang Allata'ala. Lanri kammana anjo a'mereki mako ri dallekanNa. Sadia-sadiami Batara untu' ambunoi umma'Na rapang koro'bang lanipassareang siagang le'ba'mi Nakio' battu musu-musunna Yehuda. Nakana Batara,