YESAYA 34:3 - KITTA' MATANGKASA'

³ Sikamma maya'na ke'nanga tena nalanitarawang, mingka nibalang parekangi sa'genna a'jari a'rasa siagang a'jari botto'. Sikamma monconga la'jari ejai lanri attalaka cera'na.

YESAYA 34:3 Referans Kwoze

YO"EL 2:20

Anjo pasukang katimbang niaka battu wara' laKubongkai, sipa'gang Kuondangi mange ri parang kassika. Mange ri Tamparang Matea laKulusuru' barisang ri dallekang, mange ri Tamparang Tangngaya Kusorong barisang ri bokoanna. La'rasai sikamma bakkena. Kuancuruki ke'nanga lanri le'ba'na ke'nanga ansessa ngasengko.

YEHEZKIEL 39:4

Irate ri daera moncong-monconna Israel, lamate Gog siagang sikontu tantarana kammayatompa sikontu naaganga sita'gala'; nampa maya'-maya'na ke'nanga laKupassareangi mae ri jangang-janganga siagang olo'-olo' sekkeka untu' nakanre.

YESAYA 34:7

Lamatei taua rapang sapi liara' siagang sapi rungka. Laejai pa'rasanganna ke'nanga napakamma cera' siagang larassi siagang janna.

PAPPICINI' 14:20

Nipacco'mi anjo anggoroka pantarang kota; nassolommo ceraka battu ri anjo pammaccokang anggoroka sangkamma je'ne' binanga a'lo'loroka sa'genna tallum bilangngang kilometere' bellana, siagang la'biringi rua metere' lantanna.

AMOS 4:10

AppabattuA' garring mae ri kau sangkamma Kupabattua mae ri Mesir. Sikamma tau rungkanu Kubunoi lalang pa'bundukang, siagang sikamma jarannu Kurampasaki. Kubonei pakkemaannu siagang bakke-bakke sa'genna sanna' botto'na nuara'. Mingka manna pole nakamma, tena tongijapa nummotere' ri Nakke.

YEHEZKIEL 39:11

Nakana Batara, “Punna kajariang ngasemmo anjo sikammaya, laKusaremi Gog butta pa'jerakkang ri Israel, iamintu ri ka'bung pa'limbangnganga ri rayanganna Tamparang Matea. Anjoremmi Gog siagang sikontu tantarana lanitarawang. Siagang laniaremmi anjo ka'bunga ‘Ka'bung Pasukang Gog’.

YEHEZKIEL 38:22

LaKuhukkungi siagang garring kammayatompa cera' assolong. Bosi lompo, bosi es, pepe' siagang batu a'bara laKutumpa mae ri ia siagang tantarana kammayatompa mae ri sikamma tantara naaganga sita'gala'.

YEHEZKIEL 35:6

Lanri kammana anjo, lanri iNakke, Allata'ala mattallasaka, Batara Kaminang Tinggia, matea iami sarennu, siagang takkulleako ta'lappasa' battu anjoreng. Sala mako lanri nugaukanna ammunoa, jari laniondang tommako ri pammunoang.

YEHEZKIEL 14:19

Nakulle kapang appabattuA' garring mae ri anjo pa'rasanganga, siagang Kupa'bettese' larroKu mae ri ia, sa'genna baji' tau kammayatompa olo'-oloka lamate ngasengi.

YEREMIA 22:19

Lanire'resangi Yoyakim nampa nipasambila assulu' battu ri pakke'bu' lompona Yerusalem, sangkamma nagaukanga taua mae ri keledai matea.”

YESAYA 10:4

Ia mami sarennu iamintu nibunoa lalang bundu' yareka nieranga a'lampa a'jari tunitahang. Mingka tuli larroNa ija Batara siagang tuli Nahukkunna ija ke'nanga.

YESAYA 66:24

Wattunna a'lampa ke'nanga, lanaciniki ke'nanga maya'na sikamma tau le'baka angngewa ri Nakke. Anjo olo' angkanreai ke'nanga talamateai, siagang pepe' angkanreai ke'nanga talamateai rinrana; apa appakamalla' dudua mae ri sikontu tau ancinikai.”

YEREMIA 25:33

Ri anjo alloa maya' tunibunoa ri Batara latassiaraki ri sikontu tompo'na buttaya. Tena nalanikarruki ke'nanga, tena todong nalaniangka' untu' nitarawang, passangalinna lanibalang parekangi bawang ri buttaya sangkamma pa'gompoang loro.

NAHUM 3:3

Pasukang a'jaranga lompo sumanga'na maju a'bundu', pa'dang accaya siagang poke accilla'. Tau matea takkulleami nibilang, attambung-tambung maya'na ke'nanga, sa'genna nato'ro sikamma tau a'jappaya.

YEHEZKIEL 32:4

LaKupatappasakko naung ri buttaya nampa sikontu jangang-janganga siagang olo'-olo' battua ri sikontu linoa laKusuroi angkanreko.