Biblia Todo Logo
Bib sou entènèt

- Piblisite -




YESAYA 34:16 - KITTA' MATANGKASA'

16 Boyai siagang bacami lalang Kitta'Na Batara, niaka angkana: Tena manna se're anjo sikontu apa attallasa' nipa'jari latappela' yareka latena pasanganna. Saba' kammaminjo parentaNa Batara, siagang Ia KalenNa lampa'rappungangi ke'nanga.

Gade chapit la Kopi




YESAYA 34:16
22 Referans Kwoze  

Saba' akkanaji bawang, na'jarimo yangasenna; ammarentaji bawang, nania'mo yangasenna.


Anjo kitta' hukkunga musti tuli nubacakangi mae ri ummakKu. Pilajari anjo kittaka allo bangngi, sollanna tuli nugaukang sikontu apa niaka tattulisi' lalang. Punna nugaukang ngaseng sikammaya anjo, lasalewangangko ri tallasa'nu siagang la'jari usahanu.


U'rangi laloi! Angkanaya lalang nia'na ija langika siagang linoa, manna se're hurupu' yareka titti' kaminang ca'dina anjo atorang agamaya tena sikali lanipela' punna tenapa na'rupa ngaseng!


Assarei parenta Batara, na'jarimo langika; mataallo, bulang, na bintoeng nipa'jari ri kananNa.


Nasuroa' Allata'ala ancataki kaja'dallanna umma'Na lalang se'rea kitta', a'jari pappiu'rangi untu' satunggu-tungguna.


Niassengi angkanaya apa tattulisika lalang ri Kittaka tappakei sa'genna satunggu-tungguna. Jari, punna Allata'ala anggallaraki ‘allata'ala’ sikamma tau ampilangngeriai kananNa,


Parhatikangi ajaranna gurunnu siagang appilajarakko jai-jai.


Lalanynya' ngasengi langika siagang linoa, mingka kana-kanangKu tuli lania'na satunggu-tungguna.”


Nampa sikamma tau mallaka ri Batara massing sipa'bicarami para ia. Napilangngeri siagang Naparhatikangi Batara apa napaua ke'nanga. Sikamma tau mappakalompoa ri Ia siagang tau mallaka ri Ia, nitulisiki arenna lalang ri se'reang kitta' catatang niaka ri dallekanna.


Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.


Na nularannu lanri nugaukanna ibadanu mae ri Nakke. LaKupa'jari tunipakalompoko ri sikontu linoa. Lasannangi tallasa'nu lanri wassele' tana pisaka battu ri Yakub, boenu. INakke, Batara anne le'ba' a'bicara.”


Iaminjo saba'na nakipila' tappa'mo pole ri anjo biritta battua ri Allata'ala napabattua na'bi-na'bia. Teai sipato' baji'na punna nuparhatikang anjo birittaya; nasaba' anjo birittaya sanrapangi singara'na lampua lalang ri tampa' sassanga sa'genna battu bari'basaka, siagang accaya bintoeng battu rayaya lalang ri atinnu.


Mingka punna angngewako ri Nakke, lamateko lalang bundu'. INakke, Batara, anne a'bicara mae ri kau ngaseng.”


LaKupabattui a'ba lompoa untu' angngancuruki sikamma apa attallasaka ri lino. Lamate ngasengi sikontu apa niaka ri lino,


Nupilajari Kittaka lanri nupikkiriki angkanaya kammaminjo carana nanugappa katallassang mannannunganga. Na iaminjo Kittaka a'jari sa'bi ri KalengKu.


siagang jai bala lompo lantujui ke'nanga. Mingka anne kelonga tuli lanikelongangi siagang tuli lanipakei salaku sa'bi mae ri ke'nanga. Ba'lalo manna ri kamma-kammaya anne, lalang tenanapa naKuerangi ke'nanga mange ri anjo pa'rasangang Kupa'janjianga, Kuassemmi nawa-nawanna ke'nanga.”


Appiraung mako, siagang ammarrang mako appala' tulung, he kota-kota Filistin! Siratangko gegere' ngaseng napakamma malla'! Rammang limbu'buka naiki battu wara' a'jari pammatei ri kabattuanna musua; tena tau ballorang ri ke'nanga.


Nalanipa'nyata kala'biranNa Batara; sikontu rupataua lanasa'bi. Tojeng, KalenNa Batara le'ba' a'janji!”


Ciniki langika, siagang parhatikangi! Inaika ampa'jari sikamma bintoenga? Ia angngatoroki ke'nanga rapang pasukang, Naassengi angkana siapa jaina ke'nanga, nampa massing Nasare areng. Tena manna se're tappela', lanri lompona koasaNa Batara!


Sikamma tau papanana Kedar sangnging tau barani. Mingka sike'de'ji battu ri ke'nanga lasalama'. INakke, Karaeng, Allata'alana Israel, anne le'ba' akkana.”


Nasuroa' anjo malaekaka ampabattui mae ri Zerubabel anne pasanNa Batara angkanaya, “Teai lanri kagassingang tantara siagang teai todong lanri kagassingang kalennu nulappa'jari pattujuang, pasangalinna lanri RohKu.


Swiv nou:

Piblisite


Piblisite