YESAYA 34:12 - KITTA' MATANGKASA'

¹² Tena karaeng lamparentai anjo pa'rasanganga, siagang sikamma pamimpinna lanynya' ngasemmi.

YESAYA 34:12 Referans Kwoze

2 KORINTUS 12:11

A'gau' sanrapang tojemma' tau dongoka – mingka passabakkang ikaumi naku'jari kamma anjo. Sikontutojenna ikau ngasemmi siratang ampujia'. Nasaba' manna tena sikali anggarangku, mingka tena nakunibeta ri sikamma anjo suro balle-balle nukanaya sannaka porena!

1 KORINTUS 13:2

Manna pole cara'deka' ampabattui biritta battua ri Allata'ala, siagang kupahang apa-apa sukkaraka, kupahang baji' ngaseng apa-apaya, kammayatompa sanna' lompona tappakku mae ri Allata'ala sa'genna akkulle kupalette' buluka, mingka tena kumangngamaseang mae ri parangku tau, a'jari tena sikalimo matu-matungku!

1 KORINTUS 8:4

Ri passala'na nikanaya angnganre kanre le'bakamo nipassareang mae ri barhalaya sikontutojenna anjo barhalaya apa tena nanikana nia'. Iaji niasseng angkanaya se'reji Allata'ala; tena ruanna.

YEREMIA 39:6

Anjoreng tommi ri kotaya nibuno sikamma ana'na ri dallekanna, siagang sikontu pagawena nibuno ngaseng todong.

YESAYA 41:24

Sikontutojenna, ikau siagang panggaukannu, anu tena apa-apa, siagang tau anynyombaya ri kau appakaringi'-ringi'ji bawang.

YESAYA 40:23

Napa'jari tena kullena tau makoasaya, na tumalompoa tappela'mi kakoasanna.