YESAYA 34:11 - KITTA' MATANGKASA'

¹¹ Kiti'balang siagang landa' lammantang anjoreng, kammayatompa kokocika siagang kalaa'. LaNapa'jari ricui siagang kosongi Batara anjo buttaya sangkamma tenanapa apa-apa nipa'jari.

YESAYA 34:11 Referans Kwoze

PIRAUNG 2:8

Le'ba'mi Natappuki Batara angkanaya musti niruntungi tembo'-tembo'na Sion. Le'ba'mi Naukkuru' anjo tembo'-temboka, sollanna akkulle kabusu' Naruntung. Anne kamma sikontu tembo'-tembo'na siagang menarana a'jari loro kabusu'mi.

2 KARAENG-KARAENG 21:13

LaKuhukkungi Yerusalem sangkamma batena Kuhukkung Samaria siagang Ahab karaeng Israel kammayatompa jari-jarina. LaKubarrasaki sa'genna tangkasa' sanrapang panne le'baka nibissai nampa nipatinompang.

ZEFANYA 2:14

Anjorengi sikontu rupanna olo'-oloka lattinro siagang ammari-mari. La'ru'mungi kokocika ri anjo bangunang panraka siagang lakkio'-kioki battu ri jandela-jandelaya. Jangang-jangang kalaaka lakkao'-kaoki ri dallekang ballaka. Sikamma kayu camaraya ri bangunang-bangunanna anjo kotaya lala'busuki nialle.

PAPPICINI' 18:2

Akkio' lompomi angkana, “Tu'guru'mi anjo bainea! Tu'guru'mi Babel lompoa! Kamma-kamma anne anjarimi tampa' pammantanganna setang-setanga siagang roh-roh ja'dalaka. Lalammi ammantang sangka' rupaya jangang-jangang rantasa' siagang nakabirisia taua.

YESAYA 14:23

LaKupa'jari kollangi Babel, napammantangngi kokoci'. LaKubarrasaki Babel sa'genna tangkasa'. INakke, Batara Kaminang Makoasaya anne a'bicara.”

2 SAMUEL 8:2

Nabeta tommi Daud tu Moab. Nasuroi ke'nanga attinro ri buttaya, nampa nabuno ta'rua lalang tattallua tau. Jari, tundu'mi tu Moab mae ri Daud siagang a'bayara'mi passare ke'nanga mae ri ia.

YESAYA 24:10

Kabusu'na kotaya ricu ngasemmi; sikontu pakke'bu' ballaka takkonci ngasengi lanri malla'na ngaseng bonena.

PAMMUJI 102:6

Akkunrareng lompoa'; bukkuleng mami anrokoki buku-bukungku.

YESAYA 34:17

Batara ambagei anjo pa'rasanganga mae ke'nanga na massing natarima bageanna. Lammantangi ke'nanga anjoreng satunggu-tungguna, siagang anjo buttaya la'jari napatangi ke'nanga tulusu' mae ri turunganna ke'nanga.

AMOS 7:8

Akkuta'nangi mae ri nakke angkana, “Apa nucini' Amos?” Appialima' angkana, “Otere' pa'ladung ammenteng lambusu', Batara.” Nampa Nakanamo Batara, “Kupakei anne pa'ladunga untu' ampappicinikangi angkanaya ummakKu rapangi tembo' tenaya nammenteng lambusu'. Tenamo nalaKupinra poleang rancanaKu, ma'nassa laKuhukkungi ke'nanga.