YESAYA 34:10 - KITTA' MATANGKASA'

¹⁰ Allo bangngi tamatea rinrana, na nai'mo umbuna satunggu-tungguna. Lanibokoi anjo buttaya a'jari kosong siagang kalotoro' ri sikontu turungang, na tena manna sitau langngoloi.

YESAYA 34:10 Referans Kwoze

PAPPICINI' 19:3

Nampa akkio' pole anjo sa'ra tau jaia, angkana, “Pujimi Allata'ala! Talammari-mariai umbunna anjo pepe' ampamutungai anjo kota lompoa!”

YESAYA 66:24

Wattunna a'lampa ke'nanga, lanaciniki ke'nanga maya'na sikamma tau le'baka angngewa ri Nakke. Anjo olo' angkanreai ke'nanga talamateai, siagang pepe' angkanreai ke'nanga talamateai rinrana; apa appakamalla' dudua mae ri sikontu tau ancinikai.”

YESAYA 13:20

Manna sitau tania' ija lammantang anjoreng. Tena padete' tau Arab lampasangi kemana anjoreng ri tampaka, siagang tena pakalawaki langngerangi bembena siagang gimbala'na untu' a'ruku' anjoreng.

PAPPICINI' 18:18

Siagang ammarrammi ke'nanga ri wattunna nacini' ke'nanga nai' umbu pepe' angkanreai anjo kotaya. Nakana ke'nanga, “Tenanniakkapa kota maraeng assangkamma anne kota lompoa!”

YEHEZKIEL 29:11

Tena tau yareka olo'-olo' angngoloi. Lalang patampulo taung tena tau lampammantangngi.

YESAYA 1:31

Rapangi rarame akkanrea lanri nitaba ri racci' bara pepe', kamma tomminjo sikamma tukoasaya lanipanraki lanri panggaukang-panggaukang kalenna tonji ke'nanga, iamintu kaja'dallanna ke'nanga. Nampa tena tau akkulle ampamari anjo kaancuranna.

YEREMIA 7:20

INakke, Batara Kaminang Tinggia, lampitujui pangngalarroi lompoKu anne balla' panynyombanga, rupataua siagang olo'-oloka, kammayatompa poko'-poko' kayua siagang wassele' buttaya. La'rinra-rinrai larroKu rapang pepe' tenaya nakkulle nibuno.”

YESAYA 24:1

LaNapanraki Batara linoa, sa'genna a'jari kalotoro' siagang sino. LaNabulintaki bageang ratena nampa napasimbung-simbung sikamma pandudu'na.

YESAYA 34:17

Batara ambagei anjo pa'rasanganga mae ke'nanga na massing natarima bageanna. Lammantangi ke'nanga anjoreng satunggu-tungguna, siagang anjo buttaya la'jari napatangi ke'nanga tulusu' mae ri turunganna ke'nanga.

NAHUM 2:10

Ancuru'mi Niniwe, sinomi na kalotoro'. La'bai pa'maika napakamma malla'. A'jari lammami siagang annekkereki kulantuka. A'jari pi'lasa' kabusuki rupanna taua.

YEREMIA 49:18

Antekamma batena Sodom siagang Gomora niancuru' siagang desa-desa niaka ri tammulilina, kamma tomminjo Edom. Tena manna sitau lammantang pole anjoreng. INakke, Batara, anne akkana.