YESAYA 33:6 - KITTA' MATANGKASA'

⁶ siagang assarei kaamangngang umma'Na. Pa'barang-barangngang ampasalamakai ke'nanga iamintu kacara'dekang siagang pangngassengang kammayatompa mappakalompo ri Batara.

YESAYA 33:6 Referans Kwoze

1 TIMOTIUS 4:8

Anjo latihang tubua sike'de'ji matu-matunna; mingka latihang rohania a'matu-matui lalang sikontu-kontuna katallassanta, nasaba' akkimbolongi janji untu' katallassanta ri kamma-kammaya anne siagang katallassang labattua.

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

PANGNGEBARANG 19:23

Pakalompoi Batara, na nuttallasa' mate'ne; lasukkuki pakkasia'nu siagang lata'lappasakko battu ri balaya.

1 TIMOTIUS 6:6

Memang assarei passawallang lompo agamaya punna sukkuru'mo taua ri apa-apa niaka ri ia.

KATO'BA 7:19

Kacara'dekanga napa'jari taua poreangngang na sampuloa tukoasa ri se'rea kota.

PANGNGEBARANG 14:27

Mappilangngeria ri Batara iami pappokokanna kate'neanga; siagang oloang untu' alliliangi kamateanga.

PAMMUJI 28:8

Batara Nasarei kagassingang umma'Na, Napattojengi siagang Napasalamaki karaeng nipileNa.

YESAYA 51:6

Parhatikangi langika siagang ciniki buttaya; langika lalanynyaki rapang umbu na buttaya la'jari toai rapang baju toa, sikontu pandudu'na lamate ngasengi rapang lamu'. Mingka kasalamakkang Kupassareanga tuli nia'na satunggu-tungguna, siagang tena kale'bakkanna pammetangKu.

KATO'BA 7:12

sangkamma tongi doe' assareaki' pakkasia' amang. La'biangampa pangngassengang nikanaya kacara'dekang! Inai ampatangi, iami lasalama'.

PANGNGEBARANG 28:2

Punna doraka bansaya, assisambe-sambeangi pamarentana; punna cara'de' pamimpinga, lattahangi anjo bansaya siagang latuli kassaki.

PANGNGEBARANG 15:16

Bajikangngangi sike'deka barang-barang mingka mallakki' ri Batara, kala jai barang mingka tuli lussaki pa'maika.

PAMMUJI 140:7

O, Batara, kukana: IKattemi Allata'ala, Kiparhatikanga' lalang pappala' doangku.

PAMMUJI 45:4

Sele'mi pa'dannu ri aya'nu, he ikau karaeng barania, sanna' malomponu siagang accayanu!

2 KORINTUS 6:10

Manna nanipakasi'na pa'maitta, mingka tuli rannujaki'. Kasi-asi maki' nicini', mingka jaimi tau nipa'jari kalumanynyang. Tena nicini' apa-apanta, mingka sikontutojenna nia' ngasemmi ri katte sikontu apa-apaya.

PANGNGEBARANG 29:4

Punna naparhatikang pamarentaya kaadelanga, lakassaki pa'rasanganna. Mingka punna doe' bawang naparalluang, laruntungi pa'rasanganna.

2 KARAENG-KARAENG 18:7

Lanri kammanami anjo natuli nitulung ri Batara, sa'genna a'jari ngaseng sikontu usahana. Angngewai ri karaeng Asyur, siagang tena naero' tundu' mae ri ia.

PANGNGEBARANG 14:26

Tau mappilangngeria ri Batara a'jari amangi, siagang kaluargana lania' pa'la'langanna.

YESAYA 11:9

Ri Sion, Bulu'Na Allata'ala Matangkasaka, tena tau ja'dala' yareka ammanraki. Rassi pa'rasanganga siagang pangngassengang ri Allata'ala, rapang je'ne' ampirassi tamparanga.

YESAYA 26:1

Anjo wattua lanakelongangi taua anne kelonga ri butta Yehuda: “Tamaka kassa'na kotata; KalenNa Allata'ala ambangungi pattahanganNa, anrinni lasalamakki'.

YESAYA 33:20

Ciniki kota Sion, tampatta ampakalompoi pa'gaukang agamaya. Ciniki Yerusalem! Tamaka amanna anjo tampaka untu' nipammantangi, rapang kema le'baka nipalette', tenamo nalanibi'bu' patto'na siagang tenamo nalatappu' otere'na.

YESAYA 45:17

Mingka Israel Nipasalamaki ri Batara; lattahangi kasalamakkanna. Ikau ngaseng tena nulanipakasiri' siagang lanihina sa'genna satunggu-tungguna.’ ”

YESAYA 51:14

Sikamma tunitahanga lanilappassangi linta'; tena nalakakurangang ke'nanga ri kanre, siagang talamateai na nikuburu'.

AYUB 4:6

Sai jarreki tappa'nu mae ri Allata'ala; sai tena callanna tallasa'nu? Punna kamma, siratanna tappakko siagang tena nutappu' minasa.

PANGNGEBARANG 2:5

Lanri kammana lanuassemmi angkanaya apa battuanna nikanaya malla' ri Batara, siagang lanugappami pangngassengang ri sesena Allata'ala.

PANGNGEBARANG 14:24

Tau cara'deka nipuji lanri kacara'dekanna; tau dongoka alla'bangi niasseng kadongokanna.

YESAYA 32:17

Tunggala' taua lanagaukangi apa annabaya, sa'genna nia' kasalewangang siagang kasannangngang sa'genna satunggu-tungguna.

YESAYA 32:18

Lanipakabellai umma'Na Allata'ala battu ri kasusaanga nampa attallasa' ri tampa' sannanga siagang amanga.

YEREMIA 31:34

Tenamo naparallu se'rea tau ri ke'nanga langngajaraki paranna tau untu' angngassengi Batara. Nasaba' yangasenna ke'nanga, lompo ca'di, lanaasseng ngasengA'. LaKukaluppai kasalang-kasalanna ke'nanga, laKupammopporangi dosa-dosana ke'nanga. INakke, Batara, anne akkana.”

HABAKUK 2:14

Mingka rapang tamparang rassia siagang je'ne', buttaya lanipirassi tongi siagang pangngassengang ri sesena Batara siagang kakoasanNa.