YESAYA 33:4 - KITTA' MATANGKASA'

⁴ Kamma pa'rappungang katimbang battu taua ambakkai siagang angngellaki ke'nanga.

YESAYA 33:4 Referans Kwoze

YO"EL 2:25

LaKusambei sikontu karugiannu ri taung-taung nakanrena katimbang wassele' lamung-lamunnu. Nasaba' iNakke angkiringi battu anjo pasukang katimbanga mae ri kau.

YO"EL 2:9

A'bakkai ke'nanga antama ri kotaya, nampa lari rate ri tembo'na. Angngambiki ke'nanga antama' ri sikamma ballaka; rapang palukka', antamaki ke'nanga battu ri jandelaya.

2 PATTOTTORANG 20:25

Jari a'lampami Yosafat siagang ana' buana anrampasaki barang-baranna musua. Jai sikali nagappa ke'nanga olo'-olo' niparakai, pakkakasa', pakeang, siagang barang-barang lompoa anggaranna maraenga. Le'baki napasse're lalang tallungallo anjo barang-baranga, jai iji ammantang barang-barang maraeng, sa'genna nibokoi mami.

2 PATTOTTORANG 14:13

Majumi Asa siagang tantarana angngondangi ke'nanga sa'genna mange ri Gerar bellana. Jai sikali tantarana tu Sudan mate sa'genna tenamo kagassinganna ke'nanga lanri niancuruki ri Batara, kammayatompa jai sikalimi barang-baranna ke'nanga nirampasa' ri tantara Yehuda. Nampa naancuru' tantara Yehuda kota-kota niaka ri ampi'na daera Gerar, lanri nipa'jari malla'na pandudu'na ri Batara. Narampasaki tantara Yehuda sikontu anjo kotaya siagang sanna' jaina barang-barang nagappa ke'nanga.

YESAYA 33:3

Punna ammentengKi' naKipappilangngerang sa'ranTa a'gamarrunga, ma'nassa lalari bansa-bansaya tassimbung-simbung.

YESAYA 33:5

Batara sanna' mala'biri'Na; yangaseng-ngasenna Ia angkoasai. Ia ampaentengi hukkunga siagang kaadelanga ri Yerusalem

YEHEZKIEL 25:7

Lanri kammana anjo laKupassareangko mae ri jaia bansa, ia langngellaki siagang anrampasaki apa-apannu. LaKupanrakiko, sa'gennu takkulleamo a'jari se're bansa, siagang tena tommo pa'rasangang kalennu. Nampa nuassemmo angkanaya iNakkemi Batara.”

YO"EL 1:4

Katimbang sannaka jaina takkullea nibilang, a'dangka' ri kokoa ampaccappuki wassele'na. Apa nasesaya anne katimbanga, nipaccappuki ri katimbang maraengannaya.

YO"EL 2:3

Rapang pepe' akkanrea siagang appakamutung naputtai ke'nanga sikontu lamung-lamunga. Riolo, anjo pa'rasanganga rapangi Eden, iamintu kokonNa Batara, kale'bakkanna, santanja'mi parang kassi' kalotoroka. Tenamo nia' ammantang tassesa, tena sikali ta'lappasa' battu ri pa'bakkaina ke'nanga.