YESAYA 33:16 - KITTA' MATANGKASA'

¹⁶ Na lanijagai mako siagang laamang mako, rapang niakko lalang ri tembo' pattahangngang kassaka. Sadiai kanrea siagang inunganga untu' ikau.

YESAYA 33:16 Referans Kwoze

YESAYA 32:18

Lanipakabellai umma'Na Allata'ala battu ri kasusaanga nampa attallasa' ri tampa' sannanga siagang amanga.

YESAYA 49:10

Tena nalaturere yareka cipuru' ke'nanga, siagang talanitujuai ri bambang allo ri parang lompoa. Saba' iNakke ansayangi ke'nanga, lanrurungangi ke'nanga, siagang langngerangi ke'nanga mange ri sikamma timbuseng je'neka.

PANGNGEBARANG 1:33

Mingka tau mappilangngeria ri nakke laniparakai. Laamangi lalang tallasa'na siagang tena naparallu malla'.”

HABAKUK 3:19

Kisarea' kagassingang rapang bangkeng jonga Kikassaki bangkengku. Kirurunganga' sollangku amang ri wattu a'jappaku ri pa'monconganga.

YESAYA 25:4

Saba' iKattemi palararianna tau lammaya, tampa' amanga mae ri tu kasi-asia lalang kasukkarranga. IKattemi pa'la'langngang battu ri anging lompoa, pa'la'langngang battu ri bambanna alloa. Saba' tau pallaka a'bakkai rapang anging lompo ri wattu bara',

PANGNGEBARANG 18:10

Anjo Batara sanrapangi menara kassaka; Iami namangei tau lambusuka nanggappa tampa' amang.

PAMMUJI 111:5

Nasarei dalle' tau mappilangngeria, siagang tuli Nau'rangi parjanjianNa.

PAMMUJI 107:41

Mingka tu kasi-asia nipakabebasaki battu ri kasusaanna ke'nanga, pila' katambangi kaluargana ke'nanga sanrapang gimbala' jaina.

PAMMUJI 90:1

Pappala' doanna Musa, atanNa Allata'ala. O Batara, iKattemi tampa' pa'la'langanna ikambe sikontu turungang.

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

PAMMUJI 33:18

Najagai Batara tu mappilangngeria ia manrannuanga ri pangngamaseanNa.

PAMMUJI 18:33

Iaji Allata'ala akkulle ampakajarreka' siagang ampa'jari amangi oloangku.

PAMMUJI 91:14

Nakana Batara, “LaKupasalamaki tau mangngaia mae ri Nakke, laKupasalamaki tau angngakuiA'.

PAMMUJI 34:10

Pakala'biriki Batara, he ikau ngaseng umma'Na, nasaba' tena nalakakurangang tu mappilangngeria.

PAMMUJI 15:1

Pammujina Daud. O, Batara, inai akkulle annompang ri KemaTa siagang ammantang ri bulu' matangkasatTa.

MATIUS 6:11

Kisarei ikambe anne alloa apa naparalluanga ikambe.

PANGNGEBARANG 10:9

Tau lambusuka, amangi tallasa'na; tau annipua lakaassengangi.

YESAYA 58:14

Na nularannu lanri nugaukanna ibadanu mae ri Nakke. LaKupa'jari tunipakalompoko ri sikontu linoa. Lasannangi tallasa'nu lanri wassele' tana pisaka battu ri Yakub, boenu. INakke, Batara anne le'ba' a'bicara.”

YEREMIA 37:21

Jari naparentakammi Karaeng Zedekia sollangku nitarungku ri bageang paranglakkenna balla' karaenga. Jari ammantamma' anjoreng; allo-alloku nisare roti battu ri tampa' papparekang rotia, sa'genna la'busu' ngaseng parsadiaang rotia ri anjo kotaya.

YO"EL 3:16

Ammammuki Batara battu ri Sion, iamintu bulu'Na; battu ri Yerusalem a'gunturu' sa'ranNa. Langika siagang buttaya ta'goccangi napakamma. Mingka tuli laNaalleangngangi siagang Najagai Batara iamintu Israel, umma'Na.

PAOLE 33:29

E, Israel, tamaka lompona upa'nu, tena bansa maraeng nipasalama' sangkamma ikau. Batara rapang sele'nu siagang pa'dannu, Naalleangangko siagang Nasareko pammetang. Labattui musunnu appala' a'mase-mase, nalanuonjo'-onjokang ke'nanga.”

1 KARAENG-KARAENG 19:6

Nacinikimi Elia tammulilina, nampa nia'mo nacini' ri ampi' ulunna sibatu roti nitunu siagang je'ne' lalang ri botolo'. Angnganremi siagang angnginummi, nampa attinro poleang.

PAMMUJI 62:7

Iaji bawang anjagaia' siagang ampasalamaka'; Iaji angngagangnganga', tena kulata'lengga.

YESAYA 30:20

Nasareko Batara wattu paccoba lompo lanri ero'nu Naajara'. Mingka kamma-kamma anne KalenNa anrurungangko, sa'genna lanukasia' kahaderanNa.