YESAYA 33:11 - KITTA' MATANGKASA'

¹¹ Rancananu sia-siaji, na sikamma nugaukanga tena ngaseng matu-matunna. Kalarroannu rapangi pepe' angkanreyai kalennu.

YESAYA 33:11 Referans Kwoze

YESAYA 59:4

Appamajuko parkara natena passabakkanna, siagang tena naadele' batenu angngadeli. A'balle-balleko siagang apa tenaya matu-matunna nupattoang; apparekko rancana untu' ancilakai parannu tau siagang nugaukangi kaja'dallanga.

YAKOBUS 1:15

Nampa, punna naturukimo anjo kaerokang ja'dala'na, iaminjo allassukang dosa; napunna jarre'mo anjo dosaya, iaminjo angngerang kamateang.

LAMPA-LAMPANA 5:4

Anjo tanaya ikau pata ri wattunna tenapa nubalukangi. Na ri wattunna le'ba' nubalukang anjo tanaya, anjo doe' ballinnaya, ikau tonji pole pata. Jari angngapa nania' lalang ri atinnu ero' appanggaukang kammaya anjo? Teai rupataua nuballe-ballei, mingka Allata'ala!”

YESAYA 26:18

Rapangi tau tianang ikambe, ammulisara' napakamma pa'risi', mingka tena apa-apa nalassukang ikambe; tena kasalamakkang napassareang ikambe mae ri linoa, tena todong natambai ikambe pandudu'na.

YESAYA 17:13

Majui ke'nanga rapang a'ba sannaka lompona. Mingka Niancangi ke'nanga ri Allata'ala, nampa lari ke'nanga sa'genna bella lampana. Niondangi ke'nanga rapang awang niri'bakang ri anging nai' ri buluka, yareka rapang limbu'bu' nitui' ri anging lompoa.

YESAYA 5:24

Nutollaki ajaranNa Batara Kaminang Koasaya, na nuhina parentaNa Allata'ala matangkasa'na tu Israel. Lanri kammana anjo, rapang rarame siagang ruku' kalotoro' la'busu' nakanre pepe', kamma tomminjo aka'-aka'nu la'jari bottoki, bunga-bungannu la'jari kalotoroki na la'busu' nairi' anging.

YESAYA 1:31

Rapangi rarame akkanrea lanri nitaba ri racci' bara pepe', kamma tomminjo sikamma tukoasaya lanipanraki lanri panggaukang-panggaukang kalenna tonji ke'nanga, iamintu kaja'dallanna ke'nanga. Nampa tena tau akkulle ampamari anjo kaancuranna.

PAMMUJI 2:1

Angngapa nappare' ricu bansa-bansaya na'rancana suku bansaya apa tama'matu-matua?

AYUB 15:35

Iaminjo ke'nanga anrancanga siagang anggaukangai ja'dalaka; balle-ballea tuli niaki lalang atinna.”

PAMMUJI 7:15

Ciniki, tau ja'dalaka a'rancana kaja'dallang; appareki rancana ja'dala' siagang nagaukangi annipua.

YESAYA 9:17

A'rinrai rapang pepe' kaja'dallanna ke'nanga na nakanre sa'genna cappu' rompo' katintinga. Rinrana rapangi romang akkanre, jai sikali nai' umbunna.