YESAYA 33:10 - KITTA' MATANGKASA'

¹⁰ Nakana Batara ri anjo bansaya, “Kamma-kamma anne lambangungA' siagang langngalleA' tindakang untu' ampappicinikangi kakoasangKu.

YESAYA 33:10 Referans Kwoze

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”

AMOS 6:1

Cilakako ikau ngaseng attallasa' nyamanga ri Sion, siagang amanga pakkasia'na ri Samaria – ikau ngaseng he pamimpinna tau jaia ri anne Israel porea, ikau ngaseng sarroa nibattui ri ra'yaka untu' nipappalakki pannulungang!

ZEFANYA 3:8

Mingka tutuko! Tayammi allonna naKuammenteng nai' untu' antuntukko. Nasaba' le'ba'mi Kupattantu untu' ampa'rappungi bansa-bansaya siagang kakaraengang-kakaraenganga untu' ampabattui pangngalarroingKu mae ri ke'nanga. Sikontu buttaya lala'busuki nakanre pepe' pangngalarroingKu.

YESAYA 10:33

Batara Kaminang Makoasaya laNaruntungi anjo ke'nanga, rapang tangke kayu nite'baka battu ri poko'na. Kaminang porea siagang kaminang tinggia ri ke'nanga lanipolongi siagang laniruntungi.

YESAYA 10:16

Lanri tu Asyur napattampoangi kalenna, laNapabattui Batara Kaminang Makoasaya garringa, untu' anghukkungi sikamma perwira porena ke'nanga. Ia ke'nanga lanatabai rammusu' lompo, rapang pepe' akkanrea tulusu' ambambangi ke'nanga.

PAMMUJI 78:65

Jari ambangummi Batara sangkamma tau ambangunga ri tinrona, sanrapang tau gassing ri le'ba'na angnginung anggoro'.

PAMMUJI 46:10

Napammari pa'bundukanga ri sikontu linoa, anrong panaya siagang pokea Naancuruki, pa'lapa' a'bundalaka untu' batangkalea Natunui.

PAMMUJI 7:6

boli'ma' kamma niondang siagang nijakkala' ri musu, nampa nibunoa' kuniboli' ri buttaya.

KALAPPASSANG 14:18

Lanaassengi tu Mesir angkanaya iNakke Batara.”

PAMMUJI 94:16

Inai angngalleia' battu ri tau dorakaya? Inai angngagangnganga' angngewai tau a'gau' ja'dalaka?

YESAYA 2:19

Ri wattu ammentenna Batara siagang Napage'goso' buttaya, lantamaki taua ri sikamma kali'bong batu niaka ri bulu'-bulu' batu karanga, yareka angngekei kali'bong antama' ri buttaya sollanna ta'lappasa' ke'nanga battu ri pangngalarroinNa siagang koasa kala'biranNa Batara. Punna battu anjo alloa, lanibokoi bawammi sikamma barhala-barhala peraka siagang bulaeng napareka nampa nasomba ke'nanga, na'jari balao mami siagang pa'nyikia mami pata.

YESAYA 5:16

Mingka Nagaukangi Batara Kaminang Koasaya katojenganga, untu' ampappicinikangi kalompoanNa. Naadeli bansaNa untu' ampappicinikangi katangkassanNa.

PAMMUJI 12:6

Nakana Batara, “Tau kasi-asia nijallakkangi na tau sessaya akkunrarengi. Jari battu memamMa' ri kamma-kammaya anne assarei kasannangngang naminasaia ke'nanga.”