Biblia Todo Logo
Bib sou entènèt

- Piblisite -




YESAYA 32:11 - KITTA' MATANGKASA'

11 Sa'genna kamma-kamma anne nyamangko ri tallasa'nu, bellako ri kasusaanga. Mingka kamma-kamma anne, annekkere' mako napakamma malla'! La'gasi pakeannu nampa nupasikko' kaeng karunga mae ri aya'nu.

Gade chapit la Kopi




YESAYA 32:11
23 Referans Kwoze  

Kamma-kamma anne ammakei ke'nanga minynya'-minynya' bau', mingka sallang la'rasa bottoki ke'nanga. Passikko' aya' alusu'na ke'nanga lanisambei siagang otere' kasara'. Ulunna ke'nanga ga'gaya uu'na lanigondoloki. Pakeang ga'ga-ga'gana ke'nanga lanisambei siagang pakeang kekke'-kekke'. Kamma-kamma anne ga'gai ke'nanga; mingka sallang a'jari kodimi tanja'na lanri le'baki nisitempele'.


Alla'bi-la'bi mako ri katallassannu, siagang nukasia'mi kasannanganga ri anne linoa. Sanrapangko tau nupakaco'moka kalennu untu' lanisamballe sallang ri allo labattua.


Punna tulusu' assundala'na, laKusungkeangi pakeanna sollanna assolara' sangkamma ri allo nilassukanna. LaKupa'jari sanrapang butta kalotoro' na roso', nalamate napakamma turere.


He tu Hesybon, angngarrukko, lanri kota Ai ancuru'mi! He tubainea ri kota Raba, appiraungko! Pakei kaeng karunga pammatei susanu. Lariko anrai' kalau', a'lingu-lingu. Milkom, rewatanu, niengka'mi mae ri butta pammelakkanga siagang imang-imanga kammayatompa sikamma pagawe pamarentana!


Nakana Batara ri umma'Na, “Ammakeko pakeang karung nampa anggulung-gulungko ri aua. Susa tukamateang mako siagang angngarru' mako pacce nyawanu, rapang tau appiraunga angkarruki ana' sitau-tauna, nasaba' ti'ring labattumi tulammanrakia ambundukiko.”


Lanri kammana, angngarru' siagang appiraung mako, ammake mako kaeng karung tanra susanu. Lanri a'rinra-rinrana larroNa Batara tenapa nammono' battu ri Yehuda.


Sikamma tau dorakaya ri Sion lannekkereki napakamma malla'. Nakana ke'nanga, “KaputusanNa Allata'ala rapangi pepe' a'rinraya sa'genna satunggu-tungguna. Maka nia' tau akkulle attahang lalang ri anjo pepe' appakaancuruka?”


Lanaallei karaeng Asyur natahang taua ri anjo ruaya pa'rasangang siagang laniembai ke'nanga assolara'. Tau toa tau rungka, yangasenna la'jappai tammake baju siagang pa'lapa' bangkeng nakacinikang pajana, a'jari tanra nihinana tu Mesir.


Sikamma tau niaka ri aganga ammakeang karungi pammatei susana; appiraungi siagang angngarruki taua ri paranga siagang ri pattongko'na ballaka.


Ri wattu ammentenna Batara siagang Napage'goso' buttaya, lantamaki taua ri sikamma kali'bong batu niaka ri bulu'-bulu' batu karanga, yareka angngekei kali'bong antama' ri buttaya sollanna ta'lappasa' ke'nanga battu ri pangngalarroinNa siagang koasa kala'biranNa Batara. Punna battu anjo alloa, lanibokoi bawammi sikamma barhala-barhala peraka siagang bulaeng napareka nampa nasomba ke'nanga, na'jari balao mami siagang pa'nyikia mami pata.


Lanri kammana minjo namusti nupare' ata kalennu mae ri musu-musunnu Nakiringa Batara untu' angngewako. Lanaalleko cipuru', turere, siagang lassolarakko kammayatompa lakakurangangko lalang sikontu passala'. Lanikapallakkiko nijallakkang ri Batara sa'gennu ancuru'.


Sukku'mi batena ikambe nicau-cau ri tukalumanynyanga, siagang nitoa-toai ri tau borroa.


Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.


Lanri kammana anjo pilangngeriA', he ikau nungaia angngondanga kasannangngang! Nukapangi angkana amangi katallassannu, siagang tena sangkammannu. Tanupikkirai angkana la'jari jandako, siagang talapanrakai turungannu.


Lanri kammana anjo, he umma' Israel, laKuhukkungko. Jari, sadia-sadia mako andallekangi hukkungang laKupabattua mae ri kau!”


Iaminjo lakajarianga mae ri anjo kota ma'reja-rejaya siagang nakanaya kalenna amang siagang sannang. Pandudu'na nakapangi angkanaya anjo kotana ke'nanga kaminang lompo ri linoa. Teai sipato' sinona anjo daeraya, tena sikali bonena pantaranganna olo'-olo' ri romang a'ru'munga anjoreng! Sikamma tau niaka allalo anjoreng ri kotaya la'jari ta'bangka kabusuki siagang la'jari mallaki nakasia'.


Nampa Nasuro Batara anjo Musa ampaui mae ri bansa Israel angkana, “Ikau ngaseng bansa kapala batuko. Ebara' angkana Kupinawangko manna poro sinampe' bawang, mattantumi Kuancuru'nu taba sikali. La'gasa' ngasengi sikontu belo-belonu, nampa laKupattantu apa eroka Kugaukang mae ri kau ngaseng.” Nalangngere'na anjo pappakainga'Na Batara, si'na sikalimi pa'mai'na ke'nanga rapang tau susa kamateanga. Nampa nala'gasa' ngasemmo belo-belona ke'nanga. Jari ri wattunna nabokoimo ke'nanga Moncong Sinai, tenamo nammake belo-belo bansa Israel.


Angngarru' mako, he ummaka, rapang tulolo susaya nyawana angkarruki kamateanna bayuanna sannaka nangaina.


Swiv nou:

Piblisite


Piblisite