YESAYA 31:3 - KITTA' MATANGKASA'

³ Anjo tu Mesirka tau biasaji bawang, teai Allata'ala. Jaranna ke'nanga olo'-olo' biasaji, teai Batara. Punna angngalle tindakang Batara, anjo bansa lannulunga latatto'roi siagang anjo bansa lanitulunga latu'guruki. Jari kale'bakkanna lapanra' rua-ruai.

YESAYA 31:3 Referans Kwoze

YESAYA 9:17

A'rinrai rapang pepe' kaja'dallanna ke'nanga na nakanre sa'genna cappu' rompo' katintinga. Rinrana rapangi romang akkanre, jai sikali nai' umbunna.

YEHEZKIEL 28:9

Jari, punna narapi'mo anjo wattua, maka akkulle ijako angkana angkanaya ikau Allata'alako? Ri dallekanna ngaseng sikamma tau ambunoako a'nassami angkanaya ikau tau biasa jako.

YEREMIA 15:6

Le'ba'Ma' nusorongboko siagang nubokoi, lanri kammanami anjo naKuangka' limangKu untu' angngancurukko, lanri lanreMa' antahangi larroKu.

YESAYA 30:7

Sia-siaji bantuanna Mesir. Lanri kammana anjo nigallara'mi Mesir, ‘Naga tenaya bahayana’.”

PAMMUJI 33:17

Takkulleai jaranga nipattoang untu' ammeta, takkulleai appasalama' kagassingang lompona.

PAMMUJI 9:20

Ammenteng maKi', o, Batara, adelimi bansa-bansaya, teaKi' lappassangi taua ampakaborroi kalenna.

YESAYA 36:9

Manna perwira Asyur kaminang tunaya tena todong nukkulle angngewai. Mingka kamma nurannuanna tu Mesir akkiring kareta bundu' siagang pasukang a'jarang!

YESAYA 36:6

Memang nurannuangi bantuanna Mesir, mingka anjo kammaya rapanji ammake poko' rea a'jari takkang; – sinampe' tepoki anjo takkanga nampa nato'do' limannu. Kammaminjo kagassinganna Mesir mae ri sikontu tau manrannuanga ri ia.’ ”

YESAYA 30:5

kabusu'na taua lasiri'-siri' ngasengi lanri napattoanna ke'nanga bansa tenaya matu-matunna mae ri ke'nanga. Teai passawallang yareka pannulung nagappa ke'nanga, passangalinna panghinaang.”

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

PAMMUJI 118:8

Bajikangngangi a'la'langa mae ri Batara, kala manrannuanga mae ri rupataua.

YESAYA 10:3

Apa lanugaukang punna narapi' wattunna Allata'ala anghukkungko? Apa kullenu ri wattunna Napabattu balaya battu ri pa'rasangang bellaya? Inai lanupappala' tulungi? Kemae lanucokko anjo kakalumanynyangannu?

YESAYA 20:6

Anjo wattu sikamma tau niaka ammantang ri biring tamparanga lanakana, ‘Cini'mi apa kajarianga mae ri bansa nipattoanga untu' lalla'langiki' battu ri karaeng Asyur. Antekamma bateta lakkulle salama'?’ ”

YESAYA 30:16

Ba'lalo apparekko rancana ero' lari battu ri musua a'dongko' jarang gassinga larina. Baji'mi! Memang musti lariko sinampe'! Nupikkiriki angkana gassingi larina anjo jarannu, mingka sitojenna gassingangngangi larina tau angngondangiako.

YEREMIA 17:5

Nakana Batara, “Punna nabokoiA' taua, Batarana, namanrannuang mae ri rupataua siagang tanjeng ri kagassinganna, laKuhukkungi anjo tau kammaya.

YEHEZKIEL 28:2

“He tau, pabattui mae ri karaeng Tirus apa Kupaua, iNakke, Batara Kaminang Tinggia, mae ri ia, angkana, ‘Tampoko ampaui kalennu angkana rewatako ammarentaya ri tangnga-tangngana tamparanga. Akkulleko nukana kalennu rewata, mingka u'rangi, angkanaya ikau poro tau biasajako bawang.

AMOS 2:15

Tau angngeranga pana talattahangngai, tau gassinga lari takkulleai lari, siagang padongko' jaranga takkulleai lata'lappasa'.

2 PATTOTTORANG 32:8

Ia ke'nanga kagassingang rupatau napake, mingka ikatte nia' Karaeng Allata'alata untu' ambantuki' siagang la'bunduka untu' ikatte.” Nalangngere'na kana-kananna karaenna ke'nanga, a'jari baranimi ra'yaka.

YESAYA 20:4

Lanaallei karaeng Asyur natahang taua ri anjo ruaya pa'rasangang siagang laniembai ke'nanga assolara'. Tau toa tau rungka, yangasenna la'jappai tammake baju siagang pa'lapa' bangkeng nakacinikang pajana, a'jari tanra nihinana tu Mesir.