YESAYA 31:1 - KITTA' MATANGKASA'

¹ Cilakai tau a'lampaya mange ri Mesir appala' bantuang! Napattoangi ke'nanga kagassinganna tantarana tu Mesir siagang pasukang padongko' jaranna, kammayatompa kassa'na ngaseng jaranna siagang jaina kareta bundu'na. Mingka tena natappa' ke'nanga ri Batara, Allata'ala matangkasa'na Israel, siagang tena nappala' bantuanNa.

YESAYA 31:1 Referans Kwoze

PAMMUJI 20:7

Anne kamma kuassemmi angkana Batara assarei pammetang mae ri karaeng nipileNa. Nipiali ri Batara battu ri suruga matangkasa'na; lanri koasaNa Batara, nanggappa pammetang lompo.

YEREMIA 17:5

Nakana Batara, “Punna nabokoiA' taua, Batarana, namanrannuang mae ri rupataua siagang tanjeng ri kagassinganna, laKuhukkungi anjo tau kammaya.

PAOLE 17:16

Se'rea karaeng takkulleai ammallaki jai jarang untu' tantarana siagang takkulleai nasuro anne bansaya ammotere' mange ri Mesir untu' ammalli jarang, lanri le'baki Napau Batara angkanaya takkulleai ammotere' umma'Na mange ri anjo pa'rasanganga.

DANIEL 9:13

Sikontu anjo bala niaka tattulisi' lalang ri Hukkung napabattua Musa le'ba'mi Kipitujui ikambe. Mingka manna nakamma mamo, o Karaeng Allata'alana ikambe, tuli teana ija ikambe ampakasannangi atinTa. Tuli tenana naero' ikambe ambokoi dosa-dosana ikambe siagang taerokai ikambe amparhatikangi ajarang-ajaranTa.

YEREMIA 2:13

Ruang rupa dosa nagaukang ummakKu: nabokoiA' assarea je'ne' pannallassi ri rupataua; napapparekangi kalenna ke'nanga kalo'bang assabang tenaya nakkulle annahang je'ne' tingkasa'na.”

YESAYA 36:9

Manna perwira Asyur kaminang tunaya tena todong nukkulle angngewai. Mingka kamma nurannuanna tu Mesir akkiring kareta bundu' siagang pasukang a'jarang!

YESAYA 30:16

Ba'lalo apparekko rancana ero' lari battu ri musua a'dongko' jarang gassinga larina. Baji'mi! Memang musti lariko sinampe'! Nupikkiriki angkana gassingi larina anjo jarannu, mingka sitojenna gassingangngangi larina tau angngondangiako.

YESAYA 36:6

Memang nurannuangi bantuanna Mesir, mingka anjo kammaya rapanji ammake poko' rea a'jari takkang; – sinampe' tepoki anjo takkanga nampa nato'do' limannu. Kammaminjo kagassinganna Mesir mae ri sikontu tau manrannuanga ri ia.’ ”

HOSEA 14:3

Ammotere' mako mae ri Batara, pabattumi anne pappala' doang salaku panynyombannu ri Ia angkana, “O Batara, pammopporangi dosana ikambe, siagang Kitarima laloi anne pappala' doanna ikambe, namammuji ikambe mae ri Katte situru' kana janjinna ikambe.

HOSEA 7:7

Lalang allumpana larrona, nabunomi pamimping-pamimpinna ke'nanga. A'le'basa'mi nabuno ke'nanga sikontu karaenga. Mingka manna pole na'jari kammamo anjo kodina kaadanga, tena sikali manna sitau appala' doang mae ri Nakke untu' nitulung.”

YEHEZKIEL 17:15

Mingka karaeng Yehuda angngewai siagang akkiringi tau mange ri Mesir untu' appala' jarang siagang tantara jai. Maka lania' wassele'na anjo usahana? Maka lanilappassangi ta'lappasa'? Tena olona lanadakkai parjanjianga natena nanihukkungi!

YESAYA 9:13

Lanri kammana anjo lalang sialloji bawang Nahukkung Batara sikamma pamimpinna siagang ra'ya'na Israel. Napolongi ulunna nampa Napela' ulunna siagang ingkonna.

YESAYA 22:11

appare' mako kollang lalang ri kotaya nampa nupasse're je'ne' battua ri kollang salloa. Mingka tena ngaseng nuparhatikangi Allata'ala, Ia salloamo le'ba' anrancanakang ngasengi sikammaya anjo, siagang a'jaria passabakkang nakajariang anjo kammaya.

2 PATTOTTORANG 16:7

Anjo wattua niaki Na'bi Hanani battu mange ri Karaeng Asa na nakana, “Lanri tanjeng maeko ri karaeng Siria, tena nutanjeng mae ri Karaeng Allata'alanu, tappela'mi kasampatannu untu' ambetai tantarana karaeng Israel.

YESAYA 57:9

Ammakeko minynya'-minynya' mabau', nampa a'lampako mange anynyomba ri rewata niarenga Molokh. Nukiringi sikamma tunisuronu mange ri pa'rasangang-pa'rasangang bellaya, ba'lalo mange ri lino tau matea.

YESAYA 5:12

Nia' ri pa'gaukang-pa'gaukannu sa'ra kacapi, gambusu', rabana, siagang suling, siagang nia' inungang anggoro'. Mingka tena nujampangi bate pa'jariNa Batara siagang apa Nagaukanga.

YESAYA 2:7

Pa'rasanganna rassi pera' siagang bulaeng, na barang-baranna teai sipato' jaina. Sanna' jaina jaranna, karetana tanila'busai nirekeng napakamma jaina.

HOSEA 11:5

Mingka taerokai tu Israel ammotere' mae ri Nakke; lanri kammana anjo musti ammotereki ke'nanga mange ri Mesir, siagang bansa Asyur lamparentai ke'nanga.

YESAYA 64:7

Tenanniakka appala' doang mae ri Katte, yareka appala' pannulung battu ri Katte, saba' Kicokkoi rupanTa battu ri kambe, na Kilappassang ikambe nipanraki ri dosana ikambe.

PAOLE 20:1

“Punna a'lampako mange a'bundu' angngewai musu-musunnu, teako mallakki anciniki kareta bundu' siagang jaranna ke'nanga jaia, kammayatompa tantarana ke'nanga jaiangnganga na ikau. Karaeng Allata'alanu, iamintu le'baka allappassangko battu ri Mesir, Iatommi lantulungko.

YESAYA 10:17

Allata'ala matangkasaka, Cayana Israel, la'jari pepe' angkanreai sikamma apa niaka lalang siallo bawang, ba'lalo sikamma rompo' katintinga.

YESAYA 20:5

Sikamma tau ampattoangai Sudan siagang angkalompoang pa'maiki Mesir lala'ba ngasengi pa'mai'na siagang laancuruki pa'minasana.

YESAYA 43:15

INakkemi Batara, Allata'alanu matangkasaka, Karaennu, ampa'jariako, he Israel!”

YEREMIA 37:7

akkana kamma anne mae ri tunasuroa Zedekia: “Pauangi Zedekia kamma anne, ‘Niaki tantara Mesir a'jappa mae anrinni untu' ambantuko, mingka la'gilingi nampa ammotere'.

YEHEZKIEL 29:16

Israel tenamo nalappala' bantuang mae ri kau. Anjo sarennu, he Mesir, lampakaingaki bansa Israel antekamma salana ke'nanga ampattoangi Mesir, sangkamma le'baka nagaukang ke'nanga. Jari naassemmi bansa Israel angkanaya iNakke Batara Kaminang Tinggia.”

HOSEA 11:9

Tena nalaKuhukkungko lalang larroKu; tenamo nalaKuancurukko pole. Nasaba' iNakke Allata'ala, tena Kusangkamma rupataua. INakke, Matangkasaka, anrurungangko, siagang taerokaMa' larro mae ri kau.”

HABAKUK 1:12

O Batara, battu rioloji naiKatte Allata'ala. IKatte Allata'alaku matangkasaka siagang mannannunganga. O Batara, Allata'alaku siagang pa'la'langangku, anjo bansa Babel Kipilei siagang Kipa'jari kassaki untu' anghukkungi ikambe.

HABAKUK 3:3

IKatte Allata'ala Kaminang Matangkasa' battu ri Téman, iKatte battu ri pa'monconganna Paran. Langika nikalimbuki ri kalompoanTa; buttaya rassi siagang pammuji mae ri Katte.

PA'JARIANG 47:17

Nampa napassareammo olo'-olo'na ke'nanga mae ri Yusuf. Nisaremi ri Yusuf ke'nanga apa-apa lanakanrea, iamintu napassambea jarang, gimbala', bembe, siagang keledaina ke'nanga. Anjo taunga nisarei ri Yusuf apa-apa lanakanrea ke'nanga, nampa a'bayara' ke'nanga siagang olo'-olo' piara.

2 PATTOTTORANG 16:9

Naparhatikangi Batara sikontu linoa untu' ansarei kagassingang tau majarreka tappa'na mae ri Ia. Toloko ri anjo panggaukannu; lanri kammana anjo appakkaramula kamma-kamma anne tuli lanukasiaki pa'bundukanga.”

AYUB 39:11

Maka akkullei nurannuang buku magassinna, nampa nusuroi anjamangko jama-jamang terasa'nu?

YESAYA 9:12

Tena ijapa nassesse' lalang bansa Israel, manna pole nanihukkummo ri Batara Kaminang Makoasaya; tena ijapa natoba' ke'nanga mae ri Ia.

ZAKHARIA 10:5

Lammetai pandudu'na Yehuda sangkamma pejuang-pejuang angngonjo'-ngonjokangi musunna rapang butta peo' ri aganga. Labarjuangi ke'nanga lanri iNakke, Batara ambantuai ke'nanga; siagang lanabetai ke'nanga sikamma musu a'dongko' jaranga.