YESAYA 30:6 - KITTA' MATANGKASA'

⁶ Kammaminne pappasanNa Batara ri passala'na sikamma olo'-olo' niaka ammantang ri butta bageang timboro', “Sikamma tunisuroa napilurangngimi keledaina siagang untana ke'nanga rassi hadia, nampa numalo ri daera jaia bahaya lanri napammantangngi singa, ulara' a'racung, siagang naga akka'nyi'. Sikontu anjo hadiaya napassareangi ke'nanga mae ri bansa tenaya kullena antulungi ke'nanga.

YESAYA 30:6 Referans Kwoze

PAOLE 8:15

Napimpingko Batara ammalo ri parang lompoa siagang hebaka, jaia ulara' a'racung siagang olo'-olo' akkullea ammuno. Ri butta kalotoroka tenaya je'ne'na Napassolongi je'neka battu lalang ri batua, sollannu akkulle angnginung sa'gennu bassoro'.

YEREMIA 11:4

Le'ba'mi Kupare' anjo parjanjianga siagang boe-boena ke'nanga ri wattunna Kuerang ke'nanga assulu' battu ri Mesir, iamintu pa'rasangang rapanga naraka mae ri ke'nanga. Kusuroi ke'nanga mannuruki mae ri Nakke siagang nagaukang sikontu apa le'baka Kuparentakang. Kamma-kamma anne Kupau tommi mae ri tu Yehuda siagang pandudu'na Yerusalem angkanaya punna mannuruki ke'nanga ri Nakke, la'jarimi ke'nanga ummakKu siagang iNakke Allata'alana ke'nanga.

1 KARAENG-KARAENG 10:2

Battui a'rurung siagang jai parurunna siagang unta battalaka napakamma lurang rampa-rampa, batu paramata, siagang sanna' jaina bulaeng. Ri wattu assibuntulu'na siagang Salomo, sangka' rupami napakkuta'nangngang akkullea napikkiri'.

PAOLE 4:20

Mingka ikaumi bansa Napasalamaka battu ri butta Mesir, tampa'nu sessa dudu riolo. Naerangko assulu' battu ri anjo pa'rasanganga, sollannu a'jari bansa KalenNa sangkamma kaadaannu kamma-kamma anne.

MATIUS 12:42

Punna Allo Kiama' sallang, lambangungi karaeng baine battu Timboroka siagang taua ri anne jammanga antuntuki ke'nanga. Nasaba' ri wattu ero'na anjo karaeng bainea allangngereki kacara'dekanna Salomo bella sikalimi najappai, battu ri cappa'na buttaya. Mingka kamma-kamma anne, nia' anrinni lompoanganga na Salomo!”

HOSEA 12:1

Nakana Batara, “NakulilingiA' bansa Israel siagang bicara balle-ballena na gau' annipuna; bansa Yehuda tulusu' angngewana ri Nakke, Allata'ala Matangkasaka siagang majarreka.

YEREMIA 2:6

Tenamo najampangiA'; iNakke, le'baka angngului ke'nanga ri aganga, siagang angngerangi ke'nanga assulu' battu ri Mesir allalo ri parang kassika, daera roso' a'lekko-lekkoa, butta kalotoro' siagang jaia bahayana – parang tenaya nanipammantangngi siagang tenaya nanipanumaloi!

YESAYA 57:9

Ammakeko minynya'-minynya' mabau', nampa a'lampako mange anynyomba ri rewata niarenga Molokh. Nukiringi sikamma tunisuronu mange ri pa'rasangang-pa'rasangang bellaya, ba'lalo mange ri lino tau matea.

YESAYA 19:4

LaKupassareangi Mesir mae ri se'rea karaeng pallaka ammarenta siagang jekkonga. INakke, Batara Kaminang Makoasaya, anne le'ba' akkana kamma.”

YESAYA 15:7

Nia' tau a'limbang ri pangka binangana Haarabim siagang nausahai ampasalamaki sikamma barang-baranna ke'nanga.

YESAYA 8:22

yareka naung, tena apa-apa lanacini' ke'nanga pantaranganna kasukkarrang siagang sassang kammayatompa bayang-bayang appakamallaka. Lanipelaki ke'nanga mae ri anjo tampa' sassanga.

2 PATTOTTORANG 16:2

Jari naallemi Karaeng Asa bulaenga siagang peraka battu ri pammolikang barang-baranna Balla'Na Batara siagang balla' karaenga, nampa nakiring mange ri Damsyik iamintu mange ri Benhadad karaeng Siria, siagang appasang angkana,

2 PATTOTTORANG 9:1

Nalangngereki Ratu Syeba ri passala' masahoro'na arenna Karaeng Salomo. Jari battumi mange ri Yerusalem ero' anso'ri kacara'dekanna na nasare pakkuta'nang-pakkuta'nang sukkara'. Battui nirurungang ri siapa are jaina paeranna siagang unta battalaka eranganna angngerang rampa-rampa, batu paramata, siagang teai sipato' jaina bulaeng. Ri wattunna assigappa siagang Salomo, akkuta'nammi anjo ratua a'rupa-rupa pakkuta'nang niaka ri pikkiranna.

PAOLE 17:16

Se'rea karaeng takkulleai ammallaki jai jarang untu' tantarana siagang takkulleai nasuro anne bansaya ammotere' mange ri Mesir untu' ammalli jarang, lanri le'baki Napau Batara angkanaya takkulleai ammotere' umma'Na mange ri anjo pa'rasanganga.

KALAPPASSANG 1:14

siagang nasusaimi katallassanna anjo tu Israelka. Tena sikalimo pangngamaseanna anjo tu Mesir ampassai tu Israel anjama terasa' ri sikamma usaha bangunanga siagang panjama-jamang ri sikamma kokoa.

PA'JARIANG 12:9

Nampa napatulusu' pole jappana battu ri anjo tampaka mange ri tampa' maraengannaya, ri bageang timboranna butta Kanaan.

PAMMILANGNGANG 21:8

Nampa nisuro Musa ri Batara appare' sikayu ulara' battu ri tambaga siagang naboli' irate ri se'reang benteng. Inai-nai tau nitotto' ri ulara', lammollei punna naciniki anjo ulara' tambagaya.

YESAYA 5:30

Anjo wattua nia' kalangngerang sa'ra pakkio' bundu' ri sikontu pa'rasangang Israel, kamma sarrinna arrunna bombang tamparanga. Ciniki, sassangi sikontu anjo pa'rasanganga, rassi kasukkarang. Singaraka a'jari sassang makkapu'.

YESAYA 14:29

He bansa Filistin, tepo'mi palu-palu eroka nipake untu' ampalu-paluiko. Mingka teako rannui, lanri punna nia' ulara' mate, nia' labattu ulara' maraeng, la'bi sekkeka, untu' ansambeangi, siagang bayao ulara' bo'boka a'jari naga akka'nyi'.

YESAYA 35:9

Ri anjo tampaka tena singa, yareka olo'-olo' sekke' maraengannaya. Sikamma tau Nipasalamaka ri Batara la'jappai angngolo anjoreng.

YEHEZKIEL 20:46

“He tau, accinikko timboro'. Pakaingaki butta timboroka siagang callai romanga anjoreng.

MIKHA 6:14

Langnganreko, mingka talabassorako – ba'lalo tuli cipuru'nu. Langngengkakko barang-barang, mingka takkulleako ampakaamangi. Apa-apa mamo nupakaamanga laKuancuruki lalang pa'bundukang.

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

AYUB 39:11

Maka akkullei nurannuang buku magassinna, nampa nusuroi anjamangko jama-jamang terasa'nu?

HOSEA 12:2

Sikontu apa-apa nagaukanga bansa Israel battu ri bari'basa' sa'genna bangngi tena ngaseng matu-matunna siagang poro angngerangi kapanrakang, sanrapang anging battu iraya. Kajekkonganna siagang kapallakkanna ke'nanga pila' katambangi. Appareki ke'nanga parjanjiang-parjanjiang siagang Asyur, kammayatompa angngerangi minynya' mange ri Mesir salaku tanra passari'battangang.”

ZAKHARIA 6:6

Kareta pa'bundukang nibesoka ri jarang le'lenga a'lampa mangei Babel ri bageang wara'. Jarang keboka a'lampa kalauki siagang jarang baloa a'lampa mangei ri pa'rasangang niaka ri bageang timboro'.”