YESAYA 30:5 - KITTA' MATANGKASA'

⁵ kabusu'na taua lasiri'-siri' ngasengi lanri napattoanna ke'nanga bansa tenaya matu-matunna mae ri ke'nanga. Teai passawallang yareka pannulung nagappa ke'nanga, passangalinna panghinaang.”

YESAYA 30:5 Referans Kwoze

YEREMIA 2:36

Linta' sikaliko a'lampa mange ri rewata-rewatana bansa maraenga untu' appala' tulung! Mattantu lanipakala'bai nyawanu ri tu Mesir, sangkamma batenu nipakala'ba nyawanu ri tu Asyur.

YESAYA 30:7

Sia-siaji bantuanna Mesir. Lanri kammana anjo nigallara'mi Mesir, ‘Naga tenaya bahayana’.”

YESAYA 30:16

Ba'lalo apparekko rancana ero' lari battu ri musua a'dongko' jarang gassinga larina. Baji'mi! Memang musti lariko sinampe'! Nupikkiriki angkana gassingi larina anjo jarannu, mingka sitojenna gassingangngangi larina tau angngondangiako.

YESAYA 10:3

Apa lanugaukang punna narapi' wattunna Allata'ala anghukkungko? Apa kullenu ri wattunna Napabattu balaya battu ri pa'rasangang bellaya? Inai lanupappala' tulungi? Kemae lanucokko anjo kakalumanynyangannu?

YESAYA 36:6

Memang nurannuangi bantuanna Mesir, mingka anjo kammaya rapanji ammake poko' rea a'jari takkang; – sinampe' tepoki anjo takkanga nampa nato'do' limannu. Kammaminjo kagassinganna Mesir mae ri sikontu tau manrannuanga ri ia.’ ”