YESAYA 30:26 - KITTA' MATANGKASA'

²⁶ Bulanga laccayai sangkamma mataallo, siagang mataalloa la'lappi tujui singara'na ri singara' biasaya, sanrapang singara' tuju alloa nipasse're a'jari se're. Yangasenna anjo lakajarianga ri wattu Naroko'na Batara sikamma loko'na umma'Na, ia le'baka Napangngajari.

YESAYA 30:26 Referans Kwoze

PAPPICINI' 22:5

Tenamo nalaparallu ke'nanga ri lampu yareka ri singara'na mataalloa, nasaba' latenamo bangngi kammayatompa nasaba' KalenNami Karaeng Allata'ala lansingari ke'nanga. Nalammarentamo ke'nanga, a'jari karaeng sa'genna satunggu-tungguna.

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

ZAKHARIA 14:7

Ri anjo alloa tenamo sassang. Tuli lasingara'na alloa, manna pole ri wattunna bangngi. Mingka Bataraji bawang angngassengi angkanaya ringngapanna nalabattu anjo alloa.

YESAYA 24:23

La'jari sassangi bulanga siagang tenamo naccaya mataalloa, lanri Batara Kaminang Makoasaya ammarenta salaku Karaeng. Ia lammarentai ri Yerusalem, irate ri Bulu' Sion, siagang Napappicinikangi kalompoanNa mae ri sikamma pamimpinna umma'Na.

AYUB 5:18

Saba' Allata'ala amma'risi, Ia todong ammallei. LimanNa annunrung, limanNa todong appakabaji' ammotere'.

ZAKHARIA 12:8

Anjo alloa iNakke lalla'langngi pandudu'na Yerusalem; siagang manna kaminang lammaya ri alla'na ke'nanga la'jari kammai gassinna Daud. Laniului ke'nanga ri jari-jarina Daud sanrapang niulu ri malaekakKu, ba'lalo sanrapang KalengKu angngului.

HOSEA 6:1

Nakana tu Israel, “Umba kimmotere' mae ri Batara. Ia ampa'risi nyawata mingka Ia todong ansaleori. Ia allokoki, mingka Ia todong lamballei anjo bokka'-bokkatta.

PIRAUNG 2:13

O Yerusalem, Kota Sion ningaiku, rapangi tamparang lompoa sanna'na runtunnu. Apami kutadeng lakukana untu' assareko panynyaleori? Nasaba', tena niakkapa tau ballasa' sangkamma ikau. Sitojeng-tojenna tenamo tau akkulle assareko kabajikang.

YESAYA 11:9

Ri Sion, Bulu'Na Allata'ala Matangkasaka, tena tau ja'dala' yareka ammanraki. Rassi pa'rasanganga siagang pangngassengang ri Allata'ala, rapang je'ne' ampirassi tamparanga.

AMOS 9:11

Nakana Batara, “Lanarapiki wattunna naKupoterang kakaraenganna Daud. Kamma-kamma anne anjo kakaraenganga kontumi balla' rumbanga. Mingka laKupakabajiki ammotere' tembo'-tembo'na siagang laKubangungi ammotere' sa'genna a'jari sangkamma riolo.

YESAYA 19:22

LaNipangngajarimi anjo tu Mesir ri Batara, mingka le'baki anjo Napa'jari baji'mi ke'nanga ammotere'. La'gilimmi ammotere' ke'nanga mae ri Batara, siagang laNapilangngerimi Batara pappala' doanna ke'nanga kammayatompa Napa'jari baji'mi ke'nanga ammotere'.

YESAYA 30:13

Lanri kammana anjo sala ngaseng mako. Rapangko tembo' tinggi a'lattaya battu rate sa'genna naung; larumbang silalonnako.

YESAYA 30:14

Laancurukko rapang uring butta tappokaraka na tassiara', sa'genna anjo reppe'na takkulleami nipake angngalle bara pepe' battu ri pappalluanga yareka untu' anynye'ro' je'ne' battu lalang ri ba' je'neka.”

YESAYA 33:24

Manna sitau ri pa'rasanganta tania' lakkunrareng lanri garring, siagang sikontu dosana lanipammopporang ngasengi.

YESAYA 57:18

Kucini'mi panggaukanna ke'nanga, mingka laKupakabaji' tonji ke'nanga. LaKururungangi siagang laKutulungi ke'nanga siagang Kusaleori tau si'naya pa'mai'na.

YESAYA 58:8

Na lammumbamo singaraka mae ri kau rapang ammumbana alloa, siagang lammollemi linta' sikamma bokka'nu. LaKururungangko untu' ampasalamakko. LahaderekKa' untu' anjagaiko battu ri tammulilinu.

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

YEREMIA 30:17

Manna pole nakana musunnu, ‘Sion le'ba'mi nipela', siagang taenamo amparhatikangi,’ mingka laKupa'jari bajikko ammotere', siagang laKuballei bokka'-bokka'nu.”

HOSEA 6:2

Lalang anne rua yareka tallungalloa laNapa'jari bajikki' ammotere', nakilattallasa'mo ammotere' irawa ri la'lanNa.

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.