YESAYA 30:18 - KITTA' MATANGKASA'

¹⁸ Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

YESAYA 30:18 Referans Kwoze

2 PETRUS 3:9

Tena nasallo Batara nampa Napassareang apa Napa'janjianga, manna pole nania' tau sala pahang kamma anjo. Mingka sa'baraki mae ri kau, nasaba' taNapa'biangako nia' panra' manna pole sitau. Eroki sollanna toba' ngaseng taua battu ri dosa-dosaya.

PANGNGEBARANG 16:20

Parhatikangi apa nipangngajarranga mae ri kau, nalanugappa apa-apa bajika. Tappakko mae ri Batara, na nulamate'ne.

YESAYA 8:17

Le'baki Batara Nacokko KalenNa battu ri turunganna Yakub, umma'Na, mingka inakke tappaka' siagang manrannuanga' mae ri Ia.

YESAYA 25:9

Anjo wattua lanakana taua, “Sikontutojenna, Iami Allata'alata; Iami nitayanga, sollanta Napasalama'. Tojeng, Iaminne Batara; Iami nitayanga. Anne kamma akkio' rannu maki', saba' le'ba' maki' Napasalama'.”

PAMMUJI 34:8

Malaeka'Na Batara anjagai tau mappilangngeria, siagang nalappassang ke'nanga battu ri bahayaya.

2 PETRUS 3:15

Pakemi anjo kasa'barranNa Batara a'jari kasampatang Napassareang mae ri kau sollannu akkulle salama'. Kamma tomminjo le'baka napau Paulus lalang sura'na mae ri kau. Pangngajara' battu ri Allata'ala nanatulisi' Paulus anjo kana kammaya mae ri kau.

LUKAS 15:20

Le'baki akkana kamma lalang ri nyawana, ammotere'mi anjo anaka mae ri manggena. Bella iji battu ri balla'na nicini'mi ri manggena. Larimi battu manggena ambuntuli nampa naraka' siagang nabau, napakamma sanna' rannuna nyawana.

YESAYA 55:8

Nakana Batara, “PikkirangKu teai pikkirannu, siagang oloangKu teai oloannu.

PAMMUJI 27:14

Manrannuangko mae ri Batara, gassingi siagang pakajarreki pa'mai'nu; manrannuangko mae ri Batara!

YESAYA 33:5

Batara sanna' mala'biri'Na; yangaseng-ngasenna Ia angkoasai. Ia ampaentengi hukkunga siagang kaadelanga ri Yerusalem

ROMA 9:22

Kamma tomminjo ri apa Napareka Allata'ala. Eroki ampappicinikangi pangngalarroinNa siagang kakoasanNa. Mingka sa'baraki Allata'ala mae ri anjo tau siratanga nihukkung lanri napakalarro-larrona Allata'ala.

YEREMIA 17:7

Mingka tau manrannuanga ri Nakke latuli Kubarakkaki.

YAKOBUS 5:11

Nigallara'mi ke'nanga tau sunggu, lanri sa'bara'na ke'nanga. Nulangngere' tommi kasa'barranna Ayub, siagang nuasseng tommi antekamma batena nibarakkaki ri Batara, ri kale'bakkanna. Nasaba' teai sipato' baji' pa'mai'Na siagang lompo pangngamaseanNa Batara.

YESAYA 5:16

Mingka Nagaukangi Batara Kaminang Koasaya katojenganga, untu' ampappicinikangi kalompoanNa. Naadeli bansaNa untu' ampappicinikangi katangkassanNa.

1 SAMUEL 2:3

Pammarimi bicara kosonga! Pa'le'ba'mi bicara borroa! Nasaba' anjo Batara, Allata'ala Kaminang mapahang; Ia angngadeli sikontu panggaukanna taua.

EFESUS 1:8

Teai sipato' lompona pangngarimangnginNa Allata'ala, le'baka Napa'laboang mae ri katte situru' kabajikang siagang pangngassengang.

ROMA 5:20

KalenNa Allata'ala ampassareangi hukkung-hukkung agama Yahudia. Mingka pila' usahai rupataua anggaukangi anjo hukkung-hukkunga, pila' nadakkaimi anjo hukkung-hukkunga siagang pila' dorakami mae ri Allata'ala. Mingka pila' a'gau' dosana rupataua, pila' nikamaseang tommi ke'nanga ri Allata'ala.

LAMPA-LAMPANA 5:31

Siagang nisaremi ri Allata'ala empoang siagang kakoasang matinggi, a'jari Pamimping siagang Mappasalamaka; sollanna nisare kasampatang bansa Israel untu' a'jari toba' battu ri dosa-dosana na nipammopporang.

LUKAS 2:25

Anjo wattua nia' ri Yerusalem sitau niareng Simeon. Ia tau baji', na malla' ri Allata'ala. Na tayang-tayammi wattunna nabattu Allata'ala ampasalamaki umma' Israel. Antama'mi RohNa Allata'ala ri kalenna.

MALEAKHI 2:17

Nupakalanrei Allata'ala lanri bicarannu. Mingka akkuta'nangko angkana, “Antekamma batena ikambe ampakalanrei Batara?” Iamintu lalang nukanana, “Sikontu tau a'gau' kodia nibilang bajiki ri Batara, siagang mangngellai mae ri ke'nanga.” Yareka akkuta'nangko angkana, “Kemae anjo Allata'ala nikanaya adele'?”

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

KALAPPASSANG 34:6

Nampa allalomo Batara ri dallekanna Musa na Nakana, “INakke Batara, iamintu Allata'ala malammoro' pa'maika siagang mangngamaseanga. Anjo pangngamaseangKu alla'bi-la'bi; majarreKa' siagang tena naKulinta' larro.

EFESUS 1:6

Nipujimi Allata'ala lanri la'biri'na kabajikang pa'mai'Na, le'baka allumpa Napa'nyata mae ri katte ri tete Ana'Na Nakarimangngia.

HOSEA 5:15

LaKubokoi ummakKu sa'genna sukku'mo pa'risi'na ke'nanga lanri dosa-dosana, nampa battu ke'nanga amboyA'. Nakulle kapang lalang ri kapa'risanna ke'nanga nalappattujuammo amboyA'.”

YESAYA 18:4

Nakana Batara mae ri nakke, “Battu irate ri pammantangangKu, laccinikKa' naung siagang sannang na singara', kamma sannanna saliu' ri wattu bambanna bangngia lalang wattu pakkattoang, kamma singara'na alloa ri wattu singaraka.

PAMMUJI 99:4

Ri Kattemi kakoasanga, o, Karaeng mangngaia ri hukkung; iKatte ampaentengi katojenganga; iKatte ampajappai hukkunga siagang kaadelanga ri Israel.

PAMMUJI 84:12

Saba' Karaeng Allata'ala pa'la'langanta siagang Karaeng Malompo, assidakkiaki' pangngamaseang siagang kalompoang. Tale'bakai Natolla' apa bajika mae ri tau tenaya callanna ri tallasa'na.

AYUB 35:14

O, Ayub, la'biangampa punna ikau nukana angkanaya tena nanuciniki, angkanaya nia'mi parkaranu ri dallekanNa na sanna'mo batena nutayang!

PAOLE 32:4

Batara Mappasalama'nu maporea, adeleki na sukku' baji' sikontu oloanNa. Allata'alanu tamamminra pa'mai'Na na matulusu' ri nyawa, manggaukangi ri bajika na ri siratanga.

HOSEA 2:14

Nakana Batara, “Lanri kammana anjo laKuerangi mange ri parang lompoa; laKunyonyoki anjoreng siagang kana-kana passingaiang.

YESAYA 42:14

Nakana Allata'ala, “SalloMa' tamakkana-kana; Kutahangi KalengKu, naKua'mereki. Kamma-kamma anne narapi'mi wattungKu untu' angngalle tindakang, erokKa' ammarrang rapang baine ammanaka.

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

YESAYA 2:11

Tau borroa lanipakatunai na tau tampoa lanipa'dundui. Bataraji bawang nipakalompo.

YESAYA 2:17

Tau borroa lanipakatunai, siagang tau tampoa lanipadundui. Bataraji bawang nipakalompo.

YESAYA 28:17

Kaadelanga laKupa'jari pa'baku', siagang kalambusanga Kupa'jari pangngukkuru'.” Bosi batua lambarrasaki sa'genna tangkasa' sikamma balle-balle nupattoanga. A'baya langnganyukkangi tampa' paccokkoannu.

YESAYA 33:2

O, Batara, Kikamaseang laloi ikambe. IKattemi panrannuanna ikambe. Kijagai ikambe ri tunggala' alloa, siagang pasalamaki ikambe ri wattu kasukkaranga.

YESAYA 42:16

BansaKu butaya laKurenrengi angngolo rioloang tenaya naassengi ke'nanga; laKurenrengi ke'nanga ri agang tenaya naassengi ke'nanga. Sassanga Kupa'jari singaraki mae ri ke'nanga, na oloang a'buttu-buttua Kulappari. Iaminjo laKugaukang mae ri ke'nanga, siagang attantumi laKugaukanna.

YESAYA 48:9

Kuparrangngi larroKu sollanna nipa'la'bang arengKu. Kutahangi untu' ikau, sollanna tena nipanrakiko.

YESAYA 61:8

Nakana Batara, “INakke Kungai kaadelanga na Kukabirisi panjallakkanga siagang kaja'dallanga. LamajarreKa' assareko pahalanu, siagang appare' parjanjiang mannannungang siagang ikau.

YESAYA 64:4

Tale'bakai nia' allangngere', siagang tale'bakai nia' accini' angkanaya pantaranganna iKatte nia' ija allata'ala maraeng, angngallea tindakang mae ri tau manrannuanga ri ia.

YEREMIA 42:7

Sampulo allo ribokoanganna, a'bicarami Batara ri nakke.

DANIEL 12:12

Mate'nei ke'nanga tau tuli majarreka sa'genna allo maka 1.335.

HOSEA 1:7

Mingka bansa Yehuda laKukamaseangi. INakke, Batara, Allata'alana ke'nanga lampasalamaki ke'nanga; mingka teai lanri pa'bundukang, teai todong lanri pa'dang yareka pana yareka jarang siagang pabaena.”

YESAYA 57:16

Tena natuli laKusalakang ummakKu; tena nauntu' situlusukKu lalarro, sollanna tena natappu' sumanga' ke'nanga, nasaba' iNakke ampattallasaki ke'nanga.