YESAYA 30:15 - KITTA' MATANGKASA'

¹⁵ Nakana Batara Kaminang Tinggia, Allata'ala matangkasa'na Israel mae ri umma'Na, “Toba' mako siagang sannang mako, nulanipasalama'. Tappa' mako mae ri Nakke na nupakasannang pa'mai'nu, naKupakajarrekko.” Mingka taerokako!

YESAYA 30:15 Referans Kwoze

YESAYA 32:17

Tunggala' taua lanagaukangi apa annabaya, sa'genna nia' kasalewangang siagang kasannangngang sa'genna satunggu-tungguna.

LUKAS 13:34

O, tuniaka ri Yerusalem, tuniaka ri Yerusalem! Nubunomi na'bi-na'bia! Nusambilami batu sa'genna mate sikamma tu Nasuroa Allata'ala! Pissiapa are mako ero' Kukalimbuki, sanrapang anrong janganga angkalimbuki ana'-ana'na irawanganna ka'nyi'na, mingka taeroka ngasengko!

YOHANES 5:40

Mingka tena ngaseng nuero' battu mae ri Nakke sollanna nugappa katallassang mannannunganga.

1 PATTOTTORANG 5:20

Anjo tantaraya tappaki ri Allata'ala siagang appala' tulungi mae ri Ia, naniturukiang pappala'na ke'nanga iamintu nisarei pammetang ke'nanga mae ri anjo tu Hagri siagang agang-aganna.

2 PATTOTTORANG 16:8

Sai anjo tantarana tu Sudan siagang Libia la'bi lompoangangi siagang la'bi jaiangangi kareta bundu'na siagang tantara pajaranna? Na manna kamma mamo Nasarejako pammetang Batara mae ri ke'nanga, lanri tanjengko mae ri Ia.

2 PATTOTTORANG 32:8

Ia ke'nanga kagassingang rupatau napake, mingka ikatte nia' Karaeng Allata'alata untu' ambantuki' siagang la'bunduka untu' ikatte.” Nalangngere'na kana-kananna karaenna ke'nanga, a'jari baranimi ra'yaka.

YESAYA 7:4

Pauangi anjo karaenga angkana musti sadia-sadiai, mingka tuli sannangi. Teami mallakki yareka lingui. Anjo larrona Karaeng Pekah siagang Karaeng Rezin siagang anjo tantarana tu Siria, tena nalompoangngang bahayana na ruaya cappa' kayu tunuang a'rumbua.

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

YESAYA 30:7

Sia-siaji bantuanna Mesir. Lanri kammana anjo nigallara'mi Mesir, ‘Naga tenaya bahayana’.”

MATIUS 22:3

Nasuromi pala'-palayanna anjo Karaenga mange ambuntuli sikamma tau le'baka niburittai mae ri anjo passua'-suarranga. Mingka taerokai battu anjo sikamma tau le'baka niburittai.

YEREMIA 23:36

Takkulleami ke'nanga ammake kana-kana ‘pisangnganNa Batara’. Punna nia' ija ampakei anjo kana-kana kammaya, laKupa'jari anjo pasangKu a'jari pisangngang tojeng mae ri kalenna. Tau angkanaya ‘pisangnganNa Batara’ poro natunggennaja bicarangKu, Allata'alana ke'nanga, Allata'ala mattallasa', Batara Kaminang Koasaya.

YESAYA 30:11

A'liliko siagang oloang maraeng nuolo. Teako ganggui ikambe siagang Allata'ala matangkasa'na Israel.”

KALAPPASSANG 14:14

KalenNa Batara la'bundu' untu' ikau, na ikau tena apa-apa parallu lanugaukang.”

PAMMUJI 116:7

Kupakasannangi pa'maikku, saba' bajiki Batara mae ri nakke.

YESAYA 28:12

Napirarai ngasengko Batara tampa' pammari-mariang, mingka taerokako mappilangngeri ri Ia.

YESAYA 32:18

Lanipakabellai umma'Na Allata'ala battu ri kasusaanga nampa attallasa' ri tampa' sannanga siagang amanga.

YESAYA 42:24

Inai ampassareangi Israel untu' nirampasa'? Sai KalenNa tonji Batara? Ri Ia maki' doraka, tena nittallasa' situru' parentaNa, siagang tena nimannuruki ri ajaranNa.

YESAYA 45:22

He, sikontu pandudu'na buttaya, pasailemi kalennu mae ri Nakke sollannu Kupasalama', saba' iNakkeji bawang Allata'ala, tena pantaranganna!

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.