YESAYA 30:10 - KITTA' MATANGKASA'

¹⁰ Nakana ke'nanga mae ri sikamma na'bia, “Tongkoki bawanu! Teako paui apa annabaya mae ri kambe, mingka ia apa eroka nalangngere' ikambe. Lappassammi ikambe tuli appikkiri' takamma-kamma.

YESAYA 30:10 Referans Kwoze

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

AMOS 7:13

Tea' mako akkato'bai pole ri Betel. Anne kotaya nisa'laki untu' kalenna karaenga, siagang tampa' ibadana sikontu ra'yaka!”

AMOS 2:12

Mingka nusarei anjo Pangawasaka angnginung anggoro', sa'genna takkaluppa ke'nanga ri janjinna. Siagang ikau ngaseng nupisangkai na'bi-na'bia ampabattui pasangKu.

YEREMIA 11:21

Nakellai sikalia' taua ri kota Anatot sollangku mate. Nakana ke'nanga, “Punna tulusu' nupabattuna pasang-pasanNa Batara mae ri kambe, lanibunoko ri kambe.”

PAPPICINI' 11:7

Le'baki napabattu birittana ke'nanga, laniewami ke'nanga ri anjo olo'-olo' assuluka battu ri tubiri'na kamateanga. Lanibetai siagang lanibunoi ke'nanga.

YEREMIA 23:17

Mae ri sikamma tau taeroka ampilangngeri kana-kanangKu, tuli nakana ke'nanga, ‘Lasalamakko.’ Nampa mae ri sikamma tau kapala batua, nakana ke'nanga, ‘Tena nulanggappa bala.’ ”

MIKHA 2:11

Erokko ri na'bi nangaia a'balle-balle siagang annipu kammayatompa ambotoai angkanaya langgappako anggoro' siagang inungang terasa' sa'genna alla'bi-la'bi.”

MIKHA 2:6

Akkato'bai sikamma taua mae ri nakke, angkana, “Teako akkato'bai mae ri kambe. Teako akkato'bai ri passala'na sikammaya ngaseng anjo. Tena nalanipakasiri' ikambe.

1 KARAENG-KARAENG 22:27

Suroi ke'nanga ampantamaki ri tarungkua, siagang sike'de'mo kanre siagang je'ne' inung sareangi, sa'gengku ammotere' siagang salama'.”

1 KARAENG-KARAENG 21:20

Nacini'na Ahab anjo Elia, nakanamo, “E musu, kale'bakkanna nugappa tonja'!” Appialimi Elia angkana, “Kammatojengi, nasaba' sanna' lompona pattujunta anggaukangi apa ja'dalaka ri dallekanNa Batara,

GALATIA 4:16

Maka nucini' kammama' musu ri kamma-kammaya anne, lanri kupa'nassana apa tojenga mae ri kau?

LAMPA-LAMPANA 5:28

Nakana imang lompoa, “Le'ba' mako nipisangkai ampangngajarrangi arenNa anjo Taua. Mingka kamma-kamma anne, apa le'ba' nugaukang! Nupa'la'bammi anjo pangngajarannu mae ri sikontu tau niaka ri Yerusalem. Kammayatompa, erokko ba'lalo ampakkanaiki' anne, angkanaya passala' ikambe anne namate anjo Taua.”

LAMPA-LAMPANA 4:17

Mingka sollanna tena napila' tassiara' anjo passalaka mae ri tau jaia, umba nanigarattaki anjo tau ruaya, sollanna tenamo na'bicara mae ri taua lalang arenNa Isa.”

YOHANES 8:45

Mingka iNakke katojengang Kupau, na lanri kammana minjo natena nutappa' ri Nakke.

YOHANES 7:7

Tena olonu lanakabirisi anne linoa. Mingka iNakke nakabirisi memangA' anne linoa, lanri tuli Kupauanna anne linoa angkanaya ja'dalaki panggaukanna.

YEREMIA 38:4

Jari a'lampami anjo sikamma pagawea mae ri karaenga nampa angkana, “Anne taua musti nihukkung matei. Nasaba', lanri akkana kammana napanaungi sumanga'na sikontu tantaraya siagang tau maraenga ammantanga ri anne kotaya. Tena natulungi ra'yaka, passangalinna nacilakai ke'nanga.”

YEREMIA 29:27

Mingka angngapa natena nungngalle tindakang mae ri Yeremia anjo tu Anatot ia ampanggaukang na'bia ri tangnga-tangngana bansata?

YEREMIA 26:11

Nakanamo sikamma imanga siagang na'bi-na'bia ri sikamma anjo pagawe-pagawe pamarentaya siagang ra'yaka, “Anne taua siratangi nihukkung mate, lanri le'baki appasulu' kana-kana ambaliangi anne kotata. Kau ngaseng kalennu le'ba'mi nulangngere'.”

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

2 PATTOTTORANG 25:16

Nakanamo Amazia, “Tongkoki bawanu! Punna tena kubunokontu! Tena le'bakaki' anne angngangkakko a'jari guru mae ri karaenga!” Jari a'merekimi anjo na'bia. Mingka rioloanganna anggappai kasampatang angkana, “Kamma-kamma anne kuassemmi angkanaya le'ba'mi Napattantu Allata'ala angkanaya laNaancurukki' lanri anjo panggaukanta, siagang lanri tenana kijampangi pappakaingakku.”

2 PATTOTTORANG 16:10

Sanna' larrona Karaeng Asa allangngereki anjo kananna Na'bi Hanani sa'genna napantama' anjo Na'bia ri tarungkua. Iatommi anjo wattua nanasessa Asa siapa are tau battu ri ra'ya'na.

2 TIMOTIUS 4:3

Nasaba' nia' sallang nanarapi' wattunna nataerokamo taua antarimai pangngajarang tojenga. Mingka ero' kalenna mami lanaturuki ke'nanga; siagang lappa'rappummi ke'nanga jai guru sollanna niajara' ke'nanga apa-apa bajika nalangngere' ri tolinna ke'nanga.

2 TIMOTIUS 4:4

Lanatongko'mi tolinna ke'nanga mae ri apa-apa tojenga, mingka lanasungkemi tolinna ke'nanga mae ri carita-carita kosonga.

1 SAMUEL 9:9

Appialimi Saul angkana, “Baji'mi! Umba ki'lampa.” Jari a'lampami ke'nanga mange ri kotaya, ri tampa'na anjo atanNa Allata'ala. Ri wattu angngambi'na ke'nanga ri bonto angngoloa mange ri anjo kotaya, assibuntulu'mi ke'nanga siagang siapa are tulolo, eroka anynye'ro' je'ne' ri bungunga. Akkuta'nammi ke'nanga mae ri anjo tuloloa angkana, “Apaka nia' pacini' anrinni ri kotaya?” (Anjo wattua se'rea na'bi nikanai pacini'; jari punna nia' tau ero' akkuta'nang se'reang apa-apa mae ri Allata'ala, kammaminne kananna, “Umba ki'lampa mange ri pacinika.”)

YESAYA 5:20

Cilakako kau amputara' balekai bajika siagang kodia, singaraka siagang sassanga, te'nea siagang paika!

YESAYA 29:10

Napa'jari ta'do'dokko siagang attinro nyamangko Batara. Natongkoki matanna sikamma na'bia siagang nabomboki rupanna sikamma pacinika.

YEREMIA 36:29

Nasuroa' Batara ampauangi karaenga kamma anne, “Le'baki nutunu anjo kitta' nigulunga, siagang akkuta'nangko ri Yeremia angkana angngapa natulisiki angkanaya labattui karaeng Babel angngancuruki anne pa'rasanganga kammayatompa ambunoi pandudu'na siagang olo'-olo'na.

AYUB 41:3

Maka akkullei napala' ri kau sollanna nulappassang? Yareka sipa'bicara siagang ikau, appala' pangngamaseang?

YESAYA 28:15

Nukana kalennu le'ba' mako appare' panjanjiang siagang kamateanga, kammayatompa appare' passitujuang siagang lino tau matea. Nupattantui ri kalennu angkana anjo bala labattua sallang talanatujuako, lanri akkala' balle-ballenu.