YESAYA 30:1 - KITTA' MATANGKASA'

¹ Nakana Batara, “Cilakai sikamma pamimpinna tu Yehuda, lanri angngewana ke'nanga ri Nakke. Rancanana ke'nanga naturuki, teai rancanaKu. Annekengi parjanjiang ke'nanga, tenaya nasicoco' siagang erokKu. Jari attambung-tambummi dosana ke'nanga.

YESAYA 30:1 Referans Kwoze

YESAYA 65:2

Tuli sadiaKu ero' antarimai ummakKu, mingka nangai ke'nanga angngewa. Anjo bansaya nagaukangi ja'dalaka siagang ero' kalenna naturukiang.

YESAYA 1:2

Pilangngeri he langika, parhatikangi he buttaya! Nakana Batara, “Ana'-ana' le'baka Kuparakai angngewai ri Nakke.

HOSEA 7:13

Cilakai ke'nanga, lanri nabokoiMa' ke'nanga. Laancuruki ke'nanga lanri angngewana mae ri Nakke. ErokKa' ampasalamaki ke'nanga, mingka ibadana ke'nanga mae ri Nakke anu tena nakontutojeng.

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

YESAYA 63:10

Mingka angngewai ke'nanga siagang napakasi'na pa'mai'Na Batara. Jari ta'bale'mi a'jari musunNa ke'nanga KalenNa a'bundu' ambaliangi ke'nanga.

YESAYA 29:15

Cilakai tau eroka ancokkoi rancanana battu ri Batara! Appanggaukang cokko-cokkoi ke'nanga, nampa nakapang angkana tena manna sitau anciniki yareka angngassengi apa nagaukang ke'nanga.

2 TIMOTIUS 3:13

na ia tau ja'dalaka siagang tau paballe-ballea lapila' ja'dalaki. Natipui paranna tau, mingka sikontutojenna manna kalenna ke'nanga nitipu tonji.

YEHEZKIEL 3:9

LaKupa'jari kassakko sangkamma batu karang siagang terasa' sangkamma intang. Teako mallakki mae ri sikamma anjo tau nangaia angngewa.”

YEHEZKIEL 2:3

“He tau, ikau Kusuroko mange ri tu Israel angngewaya ri Nakke. Anjo ke'nanga angngewai sangkamma boe-boena ke'nanga.

YEREMIA 5:23

Mingka kapala batuko siagang nungai angngewaya; nungai ammengka maraenga siagang ambokoiA'.

YESAYA 30:9

Saba', anjo ke'nanga bansa nangai angngewaya ri Allata'ala, nangai a'balle-balle siagang tale'bakai ero' appilangngeri ri pangngajaranNa Batara.

PAMMUJI 61:4

saba' iKattemi pa'la'langangku, tampa' attahang kassakku mae ri musungku.

PAOLE 29:19

Ri sikamma kau niaka anrinni ampilangngeri anjo tuntutang terasaka tea' laloko niakki appikkiri' angkanaya tuli labaji'na sarennu, manna pole nattojeng-tojeng ero' amboyai oloang kalenna. Anjo kammaya lanapanraki ngaseng jako, baji' natau ja'dalaka kammayatompa natau bajika.

PAOLE 9:24

Baku'nu kuasseng, tuli tenana numappilangngeri mae ri Batara.

YEREMIA 4:17

siagang lanatammulili Yerusalem rapang tau akkammika koko. Nakajariang ngaseng anjo sikammaya lanri tu Yehuda nabaliangi Batara. Le'ba'mi a'bicara Batara.

YESAYA 32:2

Yangasenna ke'nanga lamassing la'jari rapang tampa' pa'la'langngang battu ri anging siagang barubua. Rapangi ke'nanga binanga a'lo'loroka ri parang kassika, rapang pa'la'langang batu lompo ri butta kalotoroka.

YESAYA 8:12

“Teako arengi passikongkolang apa nakanaya ke'nanga passikongkolang, siagang teako mallakki ri apa-apa nakamallakkanga ke'nanga.

YESAYA 4:5

Nampa irateanna Bulu' Sion siagang sikamma tau niaka a'rappung anjoreng, laNapa'niaki Batara rammanga ri wattu allo, siagang umbu na pepe' a'rinra ri wattunna bangngi. KalenNa Allata'ala lalang koasaNa lalla'langi siagang lanjagai sikontu anjo kotaya.

YESAYA 1:5

Angngapa natuli nubali-baliA'? Erokko nihukkung la'bi battallangngang pole? Rassimi ulunnu puru-puru lompo, garrimmi atinnu siagang pikkirannu.

HOSEA 13:2

Sa'genna ri kamma-kammaya anne anjo tu Efraim tulusu' a'gau' dosana ija; appareki ke'nanga patung-patung pera' untu' nasomba – iamintu patung nirancanakanga ri akkala' rupataua siagang nipareka ri limanna rupataua. Nakana ke'nanga, “Assareko koro'bang mae ri anne patung-patunga!” Appakalannasa'na, rupataua ambaui patunna ana' sapia!

YESAYA 5:18

Cilakako kau tulusu' dorakaya!

YESAYA 28:20

Rapangko tau eroka attinro lalang koi bodoa sa'genna tena nukkulle nupatonrang kalennu. Kalimbu'na kurang la'baki untu' angkalimbuki kalennu.

YESAYA 28:15

Nukana kalennu le'ba' mako appare' panjanjiang siagang kamateanga, kammayatompa appare' passitujuang siagang lino tau matea. Nupattantui ri kalennu angkana anjo bala labattua sallang talanatujuako, lanri akkala' balle-ballenu.

YESAYA 8:19

Mingka lanisuroko ri taua appala' pangngunju' battu ri sanro-sanroa, ia a'bici'-bicika siagang a'gio'-gioka muncenna. Lanakana anjo taua, “Sai siratangki' appala' pangngunju' battu ri sikamma nyawana tau matea untu' kaparalluanna tau attallasaka?”

PAOLE 9:7

U'rangi antekamma batenu ampakalarroi Karaeng Allata'alanu ri parang lompoa. Baku' nubokoina Mesir sa'gennu battu mae anrinni, tena numannuruki mae ri Batara.

PAMMILANGNGANG 32:14

Na kamma-kamma anne, angngewa tommako sangkamma bapa'nu ngaseng. Ikau memang pa'rappungannako tau dorakaya, ampakalompoai nassuNa Batara mae ri bansa Israel!

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YESAYA 8:11

Nikoasaia' ri Batara siagang Napakaingaka' sollanna tena kupinawangi anjo oloang naoloa anjo bansaya. Nakana,

YEREMIA 17:5

Nakana Batara, “Punna nabokoiA' taua, Batarana, namanrannuang mae ri rupataua siagang tanjeng ri kagassinganna, laKuhukkungi anjo tau kammaya.

YEREMIA 37:7

akkana kamma anne mae ri tunasuroa Zedekia: “Pauangi Zedekia kamma anne, ‘Niaki tantara Mesir a'jappa mae anrinni untu' ambantuko, mingka la'gilingi nampa ammotere'.

YEREMIA 42:19

Nampa kukana pole, “Le'ba'mi Naparentakang Batara sollanna ikau niaka ija tassesa ri Yehuda tena nu'lampa mange ri Mesir. Lanri kammanami anjo nakupakaingakko kamma-kamma anne,

YEHEZKIEL 11:2

Nakana Allata'ala ri nakke, “He tau, iaminne sikamma tau anrancanakanga kaja'dallang ri anne kotaya siagang assarea pangajarang sala.

YEHEZKIEL 24:3

INakke, Batara, nia' se're pangngebarangKu untu' lanipabattu mae ri ummakKu nangaia angngewa: Tiriki je'neka antama ri pancia nampa padongkoki irate ri pepeka.

YEHEZKIEL 29:16

Israel tenamo nalappala' bantuang mae ri kau. Anjo sarennu, he Mesir, lampakaingaki bansa Israel antekamma salana ke'nanga ampattoangi Mesir, sangkamma le'baka nagaukang ke'nanga. Jari naassemmi bansa Israel angkanaya iNakke Batara Kaminang Tinggia.”

ZAKHARIA 4:6

Nasuroa' anjo malaekaka ampabattui mae ri Zerubabel anne pasanNa Batara angkanaya, “Teai lanri kagassingang tantara siagang teai todong lanri kagassingang kalennu nulappa'jari pattujuang, pasangalinna lanri RohKu.

YOSUA 9:14

Naallemi tu Israel sike'de' anjo kanrena tu Gibeon, siagang takkuta'nangngai ri Batara ri sesena anjo passalaka.

2 KARAENG-KARAENG 18:21

Memang nurannuangi bantuanna Mesir; mingka anjo panggaukang kammaya sanrapangko tau ammake poko' rea a'jari takkang. Tepoki sallang anjo takkanga nampa nato'do' limannu. Kammaminjo alarapanna karaeng Mesir mae ri tau manrannuanga mae ri ia.’ ”

2 KARAENG-KARAENG 18:24

Manna untu' angngewayai perwira tantarana ikambe kaminang tunaya, tena todong nanukullei. Mingka kammaji manrannuannu angkanaya lakkiringi karaeng Mesir bantuang kareta pa'bundukang siagang pasukang a'jarang!

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

YESAYA 31:1

Cilakai tau a'lampaya mange ri Mesir appala' bantuang! Napattoangi ke'nanga kagassinganna tantarana tu Mesir siagang pasukang padongko' jaranna, kammayatompa kassa'na ngaseng jaranna siagang jaina kareta bundu'na. Mingka tena natappa' ke'nanga ri Batara, Allata'ala matangkasa'na Israel, siagang tena nappala' bantuanNa.

YEREMIA 2:18

Apa nusawala' a'lampa mange ri Mesir? Ero' angnginungi je'ne'na Binanga Nil? Apa nusawala' a'lampa mange ri Asyur? Ero' angnginungi je'ne'na Binanga Efrat?

HOSEA 11:6

Bundu' lompoa lanarapiki sa'genna kota-kotana ke'nanga; lanipanraki sikamma pakke'bu' lompoa, siagang lania'moroki ummakKu. Nakajariang anjo kammaya lanri naturukinna ero' kalenna ke'nanga,