YESAYA 3:25 - KITTA' MATANGKASA'

²⁵ Tu bura'nea, kammayatompa kassa'-kassaka, lamatei lalang bundu'.

YESAYA 3:25 Referans Kwoze

AMOS 9:10

Nakana sikamma tudorakaya ri alla'na ummakKu, ‘Tena nalaNabalang parekangki' Allata'ala nituju ri bala.’ Mingka, sikontutojenna lanibunoi ke'nanga lalang pa'bundukang.”

PIRAUNG 2:21

Tau toa tau rungka tattalasa' mate ri aganga, turungka bura'ne baine mate lanri pa'dang. Ri wattu larroTa, tamammaling-malingKi' ansamballei ke'nanga.

YEREMIA 21:9

Tunggala' tau ammantanga ri kotaya lamatei lanri pa'bundukang, kacipurang, yareka lanri garring. Mingka tau assuluka manyara mae ri tu Babel angkurungai anne kotaya, lata'lappasaki siagang talanibunoai.

YEREMIA 19:7

Ri anne tampaka laKupassalasai sikontu rancanana tu Yehuda siagang pandudu'na Yerusalem. LaKubalang parekangi ke'nanga nibeta ri musu-musunna siagang nibuno lalang ri pa'bundukanga. LaKubalang parekangi maya'na ke'nanga nikanre ri jangang-jangang siagang olo'-olo' sekke'.

YEREMIA 18:21

Mingka kamma-kamma anne, Batara, lappassammi mate cipuru' ana'-ana'na ke'nanga yareka mate lalang pa'bundukang. Lappassammi tubai'-bainena ke'nanga tappela' bura'nenna siagang ana'na; lappassammi tubura'-bura'nea mate naalle garring siagang turungkana mate lalang pa'bundukang.

YEREMIA 14:18

Punna mangea' ri paranga, kuciniki maya'-maya'na tumatea lanri pa'bundukang. Kuciniki lalang ri kotaya kasessanga, tau a'biringa mate naalle cipuru'. Na'bia siagang imanga nagaukangi jama-jamanna natanassenga apa battuanna apa nagaukanga ke'nanga.”

YEREMIA 11:22

Lanri kammana anjo, Nakanamo Batara Kaminang Koasaya, “LaKuhukkungi ke'nanga! Sikamma tau rungkana ke'nanga lamatei lalang pa'bundukang, lamate cipuruki ana'-ana'na ke'nanga.

YESAYA 1:20

Mingka punna angngewako ri Nakke, lamateko lalang bundu'. INakke, Batara, anne a'bicara mae ri kau ngaseng.”

2 PATTOTTORANG 29:9

Matemi manggeta ngaseng lalang ri pa'bundukanga, siagang nilalimmi anatta siagang bainenta a'jari tunitahang.

YESAYA 65:12

Lamate ngasengko passabakkang gau' katerassang. Saba' ri wattungKu akkio', tena nuppiali, siagang ri wattungKu a'bicara, tena nuppilangngeri. La'bi nungaiangngangi angngewaya ri Nakke siagang anggaukangi ja'dalaka.

YEREMIA 15:8

Larassi pa'rasangannu ri janda, la'biangngang na kassika ri biring tamparang jaina. LaKubunoi sikamma taua ri wattu rungkana sa'genna pa'risi' nasa'ring amma'na ke'nanga. Ri wattu alloa Kupabattui mae ri ke'nanga sitau tulammanraki sa'genna malla' siagang lussa' ke'nanga.