YESAYA 3:24 - KITTA' MATANGKASA'

²⁴ Kamma-kamma anne ammakei ke'nanga minynya'-minynya' bau', mingka sallang la'rasa bottoki ke'nanga. Passikko' aya' alusu'na ke'nanga lanisambei siagang otere' kasara'. Ulunna ke'nanga ga'gaya uu'na lanigondoloki. Pakeang ga'ga-ga'gana ke'nanga lanisambei siagang pakeang kekke'-kekke'. Kamma-kamma anne ga'gai ke'nanga; mingka sallang a'jari kodimi tanja'na lanri le'baki nisitempele'.

YESAYA 3:24 Referans Kwoze

YEHEZKIEL 27:31

Lanri ikau nanagondolo' ulunna ke'nanga, ammake kaeng karung susa dudu. Angngarruki ke'nanga pacce nyawana angkarruki sarennu.

PIRAUNG 2:10

Sikontu tutoa-toana kotaya ammempo mami ri butta tamakkana-kana; nakiori limbu'bu' ulunna ke'nanga, nammake kaeng karung tanra susana. Manna sikamma tuloloa su'ju'mi naung sa'genna buttaya.

MIKHA 1:16

He tu Yehuda, polongi uu'nu salaku tanra susa mae ri ana'-ana'nu nukamaseanga. Cukkuruki ulunnu sa'genna a'gondolo' rapang jangang-jangang pakanre bakkea, nasaba' laniengkaki ana'-ana'nu mange ri butta pammelakkanga.

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.

YESAYA 15:3

Sikamma tau niaka ri aganga ammakeang karungi pammatei susana; appiraungi siagang angngarruki taua ri paranga siagang ri pattongko'na ballaka.

1 PETRUS 3:3

Teako nabattu pantaranga bawang nicini' kaga'gannu, alarapanna batenu ammodei uu'nu, yareka ammake pa'belo-belo, yareka ammakeang pakeang ka'jalaka ballinna.

AMOS 8:10

Sikamma passua'-suarrannu laKupinrai a'jari kasusaang, siagang kelong-kelonnu a'jari karru'. LaKupa'jariko ikau ancukkuruki kalennu siagang ammakeko kaeng karung tanra si'na. Rapangko anrong mangge angkarruki kamateanna ana' sitau-tauna. Anjo alloa lakala'busangi a'jari allo sanna' appakasi'nana pa'mai'.”

ESTER 2:12

Manuru' paratorang, sitaungi sallona nisare sikamma bainea barang-barang naparalluanga untu' a'mode. Annang bulang nisare minynya'-minynya' accampuruka kamanynyang, nampa annang bulang pole nisare minynya'-minynya' accampuruka bau'-baukang maraeng. Le'baki anjo, a'le'basa'mi nisare kasampatang tasse're-se're anjo tuloloa mange andallekang ri Karaeng Ahasyweros.

KAIMANGNGANG 26:16

laKuhukkungko. LappabattuA' bala mae ri kau, garring siagang rammusu' tenaya nakkulle niballei sa'gennu a'jari buta siagang ta'ronang-ronang tallasa'nu. La'lamung-lamungko mingka tena nanugappai wassele'na, nasaba' labattui musu-musunnu ambetako siagang ampaccappuki sikamma apa-apa nulamunga.

PAPPICINI' 18:9

Amminawang tongi karaeng-karaeng linoa ri panggaukang bawanna siagang hawa napasuna anjo bainea; jari lamminawang tommi ke'nanga angkarruki siagang ampiraungi anjo kotaya punna nacini' ke'nanga nai' umbunna pepe' ampamutungai.

PAPPICINI' 16:9

Ammutummi rupataua napakamma bambanna, sa'genna natunraimo arenNa Allata'ala, Makoasaya mae ri sikamma anjo balaya. Manna nakamma tena todong naero' toba' ke'nanga battu ri dosa-dosana siagang tena naero' ke'nanga ammuji ri kalompoanNa Allata'ala.

PAPPICINI' 11:3

LaKusuroi rua sa'bingKu ammakeang tau kamateanga, na lanapa'la'bang biritta battua ri Allata'ala 1260 allo sallona.”

YO"EL 1:8

Angngarru' mako, he ummaka, rapang tulolo susaya nyawana angkarruki kamateanna bayuanna sannaka nangaina.

YEHEZKIEL 7:18

Lammakei ke'nanga kaeng karung siagang lannekkereki sibatu kale. Lanigondoloki ulunna ke'nanga siagang lanipakasiriki ke'nanga.

YEREMIA 48:37

Le'ba' ngasemmi nacukkuru' uu'na siagang janggo'na ke'nanga, nabokkaki paling-palinna, siagang ammake kaeng karung, pammatei ri kasusaanna ke'nanga.

YEREMIA 6:26

Nakana Batara ri umma'Na, “Ammakeko pakeang karung nampa anggulung-gulungko ri aua. Susa tukamateang mako siagang angngarru' mako pacce nyawanu, rapang tau appiraunga angkarruki ana' sitau-tauna, nasaba' ti'ring labattumi tulammanrakia ambundukiko.”

YEREMIA 4:8

Lanri kammana, angngarru' siagang appiraung mako, ammake mako kaeng karung tanra susanu. Lanri a'rinra-rinrana larroNa Batara tenapa nammono' battu ri Yehuda.

YESAYA 57:9

Ammakeko minynya'-minynya' mabau', nampa a'lampako mange anynyomba ri rewata niarenga Molokh. Nukiringi sikamma tunisuronu mange ri pa'rasangang-pa'rasangang bellaya, ba'lalo mange ri lino tau matea.

PANGNGEBARANG 31:24

Appareki pakeang siagang passikko' aya' nampa nabalukang ri padangganga.

PANGNGEBARANG 7:17

siagang le'ba'mi kusarei minynya'-minynya' bau' muru', candana, siagang kayu te'ne.

AYUB 16:15

Ammakea' karung tanra si'na, na kummempo ri au lanri nibeta.

PAOLE 32:24

Lamatei ke'nanga lanri rammusu' na kacipurang, nialle ri kamateang lanri garring appakamalla'. Battui a'bakka olo'-olo' sekkeka, ulara' a'racunga ampakkunrarengi ke'nanga.

PAOLE 28:22

LaNahukkungko Batara siagang garring-garring a'lette'-letteka, garring akkambang-kambanga siagang rammusuka. Lappabattui timoro' karring siagang anging appakamutunga sa'genna panra' lamung-lamunnu. Anjo balaya tulusu' lania'na battu antujuko sa'gennu panra'.

YEREMIA 49:3

He tu Hesybon, angngarrukko, lanri kota Ai ancuru'mi! He tubainea ri kota Raba, appiraungko! Pakei kaeng karunga pammatei susanu. Lariko anrai' kalau', a'lingu-lingu. Milkom, rewatanu, niengka'mi mae ri butta pammelakkanga siagang imang-imanga kammayatompa sikamma pagawe pamarentana!

YESAYA 4:4

Lanri koasaNa Batara laNaadeli siagang laNatangkasi umma'Na. LaNatangkasi Yerusalem battu ri cera'na sikamma tau nibunoa ri anjo kotaya.

YESAYA 3:23

baju nipisi', pakeang lenang, passikko' kallong siagang bongong la'bu.

YESAYA 15:2

Pandudu'na Dibon angngambiki nai' ri buluka untu' mange angngarru' ri tampa' panynyombanga ri rewata-rewataya. Pandudu'na Moab si'nami angkarruki kota Nebo siagang Medeba. Nacukkuruki uu'na siagang janggo'na tanra susana ke'nanga.