YESAYA 3:15 - KITTA' MATANGKASA'

¹⁵ Angngapa nanujallakkang ummakKu siagang nupacco' tu kasi-asia? INakke anne, Batara Kaminang Tinggia siagang Kaminang Koasaya, a'bicara mae ri kau ngaseng.”

YESAYA 3:15 Referans Kwoze

PAMMUJI 94:5

Najallakkangi ke'nanga ummatTa, o, Batara, na nalica' sikamma tunipileTa.

YEHEZKIEL 18:2

“Angngapai anne paruntu' kanaya natuli nipau ri pa'rasangang Israel? ‘Tau toaya angnganre rappo anggoro' kacci kasia'na, mingka ana'-ana'na tilu nasa'ring giginna.’

YESAYA 58:4

Lalang appuasanu, assiba'jiko siagang a'geakko, kammayatompa nugaukangi katerassanga. Nukapangi angkanaya lanri apuasanu nakkulle nupagio' atingKu untu' ampilangngeri sikamma pappala' doannu?

KALAPPASSANG 5:14

Anjo sikamma mandoro' tu Israel nisuroa anjagai anjo jama-jamanga niba'jimi ri sikamma pajagaya. Akkuta'nangi ke'nanga angkana, “Angngapa natenamo nasangkamma jaina riolo anjo batu bata napareka bansanu?”

YUNUS 1:6

Ri wattunna naung anjo juraganna kappalaka nabuntulu'mi Yunus anjoreng sitabang attinro. Nakanamo ri ia, “Angngapa nukkulle tinro kau lalang ri wattu kammaya anne! Ambangungko nai'! Appala' doangko mae ri rewatanu untu' appala' tulung. Inai angngassengi gassingka lanakamaseangki' sa'genna tena nipanra'.”

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

YESAYA 10:2

Kammaminjo caranu anrompai tu kasi-asia anggappai ha'na siagang kaadelanga, siagang nurampasa' apa-apanna sikamma jandaya siagang ana' kukanga.

YESAYA 14:30

Lanitujuko ri kacipurang lompo, na sikamma tau ammantanga tassesa lanibuno ngasengi. Kabalekanna, tau kaminang kasi-asia battu ri umma'Na Batara langgappai kanre, siagang tau tenaya kullena lattallasaki siagang amang na salewangang.

YESAYA 26:6

Sikamma tu kasi-asia siagang tau pa'risika langngonjo'-onjokangi.”

YESAYA 29:19

Tau kasi-asia siagang tau hinaya lanakasiaki ammotere' kate'neang Napassareanga Allata'ala matangkasa'na Israel.

YESAYA 30:12

Lanri kammana anjo Nakanamo Allata'ala matangkasa'na Israel, “Nutollaki kanangKu siagang nupattoang panjallakkanga siagang pannipuanga.

YESAYA 32:6

Tau toloa kana-kana tolo napasulu' siagang kaja'dallang narancana. Apa-apa mamo nagaukang yareka napau, tuli nahinai Allata'ala. Tale'bakai nasare kanre tau cipuruka yareka nasare je'ne' inung tau turerea.

YESAYA 63:8

Nakana Batara, “Tojeng, anjo ke'nanga ummakKu, ana'-ana' tenaya nappakala'ba pa'mai'.” Na Ia a'jari Mappasalama'na ke'nanga,

PANGNGEBARANG 30:14

Nia' tau amboyai dalle'na sanna' palla'na batena; sanna' sekke'na siagang napaccoki tu kasi-asia siagang tau lammaya.