YESAYA 29:9 - KITTA' MATANGKASA'

⁹ Tulusu' kalanna'-lannassang mako siagang tulusu' tongko'mi matannu rapang tau butaya! A'jari tau nasa'ringko, mingka teai lanri angnginunnu anggoro'. Ta'royong-royongi jappanu, mingka teai lanri angnginunnu inungang terasa'.

YESAYA 29:9 Referans Kwoze

PAPPICINI' 17:6

Nampa nasa'ring kucini' anjo bainea napakamma cera'na Umma'Na Allata'ala siagang cera'na tau nibunoa lanri tamamminrana mae ri Isa. Teai sipato' lannasakku ri wattunna kucini' anjo bainea.

YESAYA 49:26

LaKupa'jari sikamma musunnu palla' ero' ammuno, sa'genna para ia sibuno-buno. Nalanaasseng sikontu umma' rupataua, angkanaya iNakke, Batara, Mappasalama'nu; Kaminang Kassaka, Allata'alana Yakub, Mappasulu'nu.”

YESAYA 19:14

Batarami ampa'jari ke'nanga assarei pappakainga' appakalingu. Kale'bakkanna sala ngasemmi apa nagaukanga Mesir, ta'royong-royommi rapang tau nasa'ring, ta'laccirika rate ri langngena tonji.

MARKUS 14:41

Ri wattunna ammotere' pole Isa ri ke'nanga ri makapintallunna, Nakanamo, “Attinro ngasenginjako siagang ammari-mari ngasenginjako? Angganna'mi! Narapi'mi wattunna nipassareang Ana' Ma'rupataua mae ri limanna tau dorakaya.

MATIUS 26:45

Nampa ammotere' pole ri ana'-ana' gurunNa, na Nakana, “Attinro ngasengijako siagang ammari-mari ngasengijako? Ciniki, narapi'mi wattunna lanialle Ana' Ma'rupataua, nampa nipassareang mae ri sikamma tau ja'dalaka.

HABAKUK 1:5

Nampa Nakanamo Batara mae ri umma'Na, “Parhatikangi bansa-bansaya ri tammulilinu, nanulalannasa' siagang latakkajannang. Nasaba' ri jammannu nia' apa ero' laKugaukang, tenaya nalanupatappa' punna poro nicarita bawang mae ri kau.

PIRAUNG 4:21

He bansa Edom siagang Us, ammakkala' mako, rannu mako lalang nukullena! Balaya labattu tongi mae ri kau na lanusolarri kalennu lanri nasa'ringko.

YEREMIA 51:7

Riolo Babel rapangi cangkiri' bulaeng Kuta'gala' ampa'jari sikontu linoa nasa'ring. Bansa-bansaya angnginungi anggoro' battu ri cangkirika, sa'genna a'jari pongoro' ke'nanga.

YEREMIA 25:27

Nampa Nakana Batara ri nakke, “Pabattui mae ri sikamma anjo taua angkanaya iNakke, Batara Kaminang Koasaya, Allata'alana Israel, ansuroi ke'nanga angnginung sa'genna nasa'ring siagang ta'langnge-langnge. Kupakatu'guruki ke'nanga siagang takkulleai ambangung poleang lanri pa'bundukang Kupabattua mae ri ke'nanga.

YEREMIA 23:9

Iaminne pasangku ri sesena na'bi-na'bia: Ancuruki atingku siagang annekkerekka'. Batara siagang kana matangkasa'Na ampa'jaria' rapang tau nasa'ring lanri jai duduna anggoro' kuinung.

YEREMIA 2:12

Lanri kammana, he langika, ta'ge'gosokko! Lannasakko siagang annekkerekko!

YESAYA 51:17

Ambangungko, he Yerusalem, ambangung mako! Hukkungang Napabattua Batara lanri larroNa le'ba'mi nujappai sa'genna la'busu'.

YESAYA 29:10

Napa'jari ta'do'dokko siagang attinro nyamangko Batara. Natongkoki matanna sikamma na'bia siagang nabomboki rupanna sikamma pacinika.

YESAYA 1:2

Pilangngeri he langika, parhatikangi he buttaya! Nakana Batara, “Ana'-ana' le'baka Kuparakai angngewai ri Nakke.

YESAYA 29:1

Cilakai Yerusalem, nigallaraka tampa' pakkoro'bangngang untu' Allata'ala! Cilakai kota tampa'na Daud akkema. Boli'mi kamma assisambe-sambe taunga siagang passua'-suarranna ke'nanga.

YESAYA 56:10

Nakana Batara, “Sangnging tau buta sikamma pamimpinna bansaKu! Tena apa-apa naasseng ke'nanga. Rapangi ke'nanga kongkong pepe tenaya nappilollong, mingka attinroji siagang asso'naji bawang. Sannang sikali tinrona ke'nanga!

YESAYA 63:6

Lalang kalarroangKu a'rinra-rinraya, Kuonjo'-onjokangi bansa-bansaya; Kuancuruki ke'nanga, naKutumpa cera'na ke'nanga naung ri buttaya.”

YEREMIA 4:9

Nakana Batara, “Ri anjo alloa sikamma karaenga siagang sikamma pamarentaya latappela'mi sumanga'na; sikamma imanga lannekkereki siagang sikamma na'bi-na'bia lata'bangkai.”

YESAYA 6:10

Nampa Nakanamo mae ri nakke, “Pa'jari dongoki pikkiranna sikamma anjo taua, pa'jari tongoloki tolinna siagang pa'jari butai matanna sollanna takkullea accini', takkullea allangngere' siagang takkullea ammahang, nampa ammotere' mae ri Nakke sollanna Kupa'jari baji' ammotere'.”

YEREMIA 13:13

Jari pauangi ke'nanga angkanaya sikamma taua anrinni ri pa'rasanganga, sikamma karaeng jari-jarina Daud, sikamma imanga, na'bia, siagang sikontu pandudu'na Yerusalem laKubonei anggoro' sa'genna nabengo.